Sawltak 3:1 - Tedim Bible Revision 2017

¹ Ni khat, thunget hun nitak nai thum laitakin biakinn ah Peter le Johan a pai uh hi.

Tedim Bible

¹ Tua lai takin Piter leh Johan in thungetna hun nai thum lai takin biakna innpi-ah a kahtoh lai takun,

Sawltak 3:1 Referans Kwoze

Late 55:17

Nitak, zingsang le sunin ka gimna leh ka thumnate ama tungah ka gen a, amah in keima thumna aw, hong za ding hi.

Sawltak 10:3

Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 4:13

Uliante in Peter le Johan a han mahmahna thu le amaute pilna sang a nei lo mi mawkmawk ahihna thu a theih uh ciangin lamdang a sa mahmah uh hi. Tua ciangin Jesu tawh a kikhawl khin ngeite ahihna uh a phawk uh hi.

Luka 1:10

amah in paknamtui halin a om laitakin mihonpi dangte a pua lamah thungenin na om uh hi.

Sawltak 5:25

Tua laitakin mi khat hong pai-in amaute kiangah, “Thong sungah na khum uh mite in tu mahmah in biakinn sungah thuhilhin om uh hi,” ci-in a hong gen hi.

Luka 24:53

Tua ciangin Pasian tungah lungdamna a ko dingin biakinn ah a pai tawntung uh hi.

Sawltak 8:14

Samaria mite in Pasianʼ thu a san khitna uh, Jerusalem-a om sawltakte in a zak uh ciangin amaute kiangah Peter le Johan a paisak uh hi.

Daniel 6:10

Tua bang thupiakna lai kihawm khia khinzo ta hi, ci-in Daniel in a theih ciangin a inn ah a ciah hi. A inn dawl tungnung ah Jerusalem lam a nga tawlet thum a om hi. Tua laitak ah tawlet hon sa-in a hih ngei bangin khukdinin ni khatin thum vei ta Pasian kiangah thu a ngen hi.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Johan 21:7

Tua ciangin Jesu in a it nungzui pa in Peter kiangah, “Topa hi!” a ci hi. Simon Peter in Topa ahihna thu a zak ciangin (a nga betna uh ah a puante uh suah khia uh ahih manin) a puan silh buatbuatin tui sungah a leeng khia hi.

Luka 22:8

Jesu in Peter le Johan kiangah, “Va pai unla, eiteʼ Paisan Pawi annek ding va vaihawm un,” ci-in a sawl hi.

Mattiu 26:37

Tua ciangin Peter le Zebedi tapa tegel tonpih a, dahin a lunggim hun ding a kipan hi.

Mattiu 17:1

Tua zawh ni guk ciangin Jesu in Peter, James le a nau Johan-te samin mual sang khat dawnah a tuamin a paipih hi.

Daniel 9:21

Thu ka nget laitakin ka maangmuh masak sunga ka muh mipa Gabriel, ka omna munah a hong leeng suk hi. Tua hun pen nitak lam biakpiak hun laitak ahi hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

1 KUMPI MASATE 18:36

Biakpiak hun ciangin kamsang Elijah a nai ah hong pai-in, “Abraham, Isaac le Israel Pasian, Topa aw, nang pen Israel sungah Pasian na hihna le kei pen nangma nasem ka hihna le hih nate khempeuh nangma thu tawh ka hihna thu tu ni-in kitheisak in.

Paikhiatna 29:39

Tuuno khat zingsang lamin na pia dinga, a dang tuuno khat nitak lamin na pia ding hi.

Galati 2:9

Makai a kinei James, Peter le Johan-te in Gentail mite lakah nasem dingin Pasian in kei hong sehna thu thei uh ahih manin, Pasian sungah nasem khawm khat ihi hi, cih hong lahna uh limin kei le Barnabas tawh khut kiletna hong bawl uh hi. Kei le Barnabas in Gentail mite lakah na semin amaute in Jew mite lakah na a sep nading uh thukimna ka nei uh hi.

Gamlak-vakna 28:4

Tuuno khat zingsangin na pia ding uh a, a tuuno khat pen nitakin na pia ding uh hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuh ah khim a zing hi.

Luka 18:10

“Thungen dingin biakinn ah mi nih a pai uh hi. Khat pen Farisi mi hi a, a khat pen siahdongpa ahi hi.

Sawltak 3:3

Peter le Johan, biakinn ah a hong pai a muh ciangin sum a na ngen hi.

Sawltak 3:4

Amau tegel in tua mipa limtakin en uh a, Peter in, “Kote hong en dih in,” a ci hi.