Sawltak 28:5 - Tedim Bible Revision 2017

⁵ Ahi zongin Paul in meikhuk sungah tua gul sing khia a, bangmah a ci kei hi.

Tedim Bible

⁵ Ahih hangin Paul in gul mei sungah singkhia a, bangmah natna thuak lo hi.

Sawltak 28:5 Referans Kwoze

Luka 10:19

Tu-in thei un. Gulpi le momaite na sik gawp nading uh le na galte uh na zawh nadingun note tungah vangliatna ka hong pia zo a, amaute in note bangmah hong cih zo lo ding uh hi.

Marka 16:18

Gul a lawn hangun bangmah ci lo ding uh a, gu tui a dawn hangun zong bangmah ci lo ding uh hi. Cinate tungah a khut uh nga ding uh a, cinate dam ding uh hi,” a ci hi.)

Late 91:13

Nangmah in humpinelkai le gul gunei tung na tawn dinga, na khe nuai ah humpinelkai khanglai le gulpi na tuancil ding hi.

ROM (Romans) 16:20

Tua hileh eite tungah nopsakna a hong pia thei Pasian in Satan tuancilin noteʼ khenuai mi hong hisak baih ding hi. I Topa Jesu Khris hong hehpihna thupha, note tungah om tahen.

Sawltak 28:6

Paul pen a ci hong bawk gawp ding hi. Tua ahih kei leh zong hong si-in puk gawp ding hi, ci-in um uh ahih manin a en gige uh hi. Ahi zongin sau veipi enenin, Paul tungah thu lamdang a piang bangmah a muh loh uh ciangin a lungsim uh kikheel a, “Hih mipa pen pasian ahi hi,” a ci leuleu uh hi.