Sawltak 28:4 - Tedim Bible Revision 2017

⁴ Tua lai-a teeng mite in Paulʼ khut tunga gul kivial a muh uh ciangin, “Hih mipa pen mi that hi takpi ding hi. Hih tuipi lauhuai panin a suahtak hangin a thuman pasian in hingsak tuan lo ding hi,” ci-in khatlekhat a kikum uh hi.

Tedim Bible

⁴ Tua gam mite in gul in a khutah a om a muh uh ciangin, “Hih pa in mi thatpa ahi takpi zo hi. Tuipi launa pan a suahtak hangin a hin’ nadingin thuman in thu a pia kei hi,” ci-in khat leh khat a kici uh hi.

Sawltak 28:4 Referans Kwoze

Luka 13:4

Tua ahih kei leh, Siloam Tuibeem gei-a tausang a puk lai-in a den lup mi sawm le giatte bangci ngaihsut na hi uh hiam? Hih bangin a sih manun Jerusalem khua sunga a teeng midangte sangin a mawhna uh lian zaw hi, ci-in ngaihsun na hi uh hiam?

Luka 13:2

Jesu in amaute kiangah, “Tua bangin hih Galilee mite kithat ahih manin, Galilee midangte khempeuh sangin hih a kithat mite a mawhna uh lian zaw hi, ci-in ngaihsun na hi uh hiam?

Sawltak 28:5

Ahi zongin Paul in meikhuk sungah tua gul sing khia a, bangmah a ci kei hi.

Sawltak 28:2

Tua lai-a teeng mite ko tungah hong nuam mahmah uh hi. Guahzu-in khua dam mahmah ahih manin meiphual pi hong cihsak uh a, limtakin zin hong do uh hi.

Johan 7:24

A tungtham a kimu nate siksanin thu khen kei unla, thu taktak siksanin thu khen zaw un,” a ci hi.

Mattiu 23:35

Tua thu hangin, mawhnei lo Abel a kithah hun a kipanin biakinn le biakna tau kikal a na thah uh, Barakhiahʼ tapa Zekhariah hun ciang dongin, mawhna nei lo a kithat mite khempeuh hangin gimna note in na thuak ding uh hi.

Isaiah 43:20

Gamsate, ngiate le vasa-kalaohte in kei hong pahtawi ding uh hi. Bang hang hiam cih leh keima adingin ka piansak mite in keimah hong phatna a genkhiat theih nadingun, keima teel miteʼ dawn dingin gamlak ah tui pia-in, sehnel gam sungah gun ka luangsak hi.

Mangmuhna 21:8

Ahi zongin a meidawite, a leh tatte, a lampialte, mi thatte, a paktatte, aisante, milim biate le zuau gente om nading mun pen sihna nihna ahi kat a kikhulna meiphual pi kuang sung ahi hi,” a ci hi.

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Zefaniah 2:15

A vangliatna a kisaktheih pih, lungmuang takin a om khuapi, tu-a bangin piang ding hi. Leitungah amauʼ khuapi a lian penin ngaihsun uh hi. Tua hi napi-in gamlak suakin, gamsateʼ omna suakta hi. A mu mi khempeuh in lamdang sa-in kigaih ding uh hi.

Isaiah 26:21

Bang hang hiam cih leh en un, amauʼ mawhna hangin leitungah a teeng mite gim a pia dingin ama omna panin Topa hong paikhia a, leitung in ama tunga a kithat mite lak khia dinga, a kithat ama mite sincip nawn lo ding hi.

Paunak 28:17

Mi thatin a khial pa in ama hankhuk ding a to ahi hi. Ama hankhuk tawh kho kei in.

Piancilna 3:1

Tu-in gulpi pen, Topa Pasianʼ bawl sa gamlak ganhing dangte sangin ngiansiam zaw hi. Amah in numei kiangah, “Pasian in, ‘Huan sung singgah khat peuhpeuh ne lo ding,’ hong ci ahi hiam?” ci hi.

Sawltak 28:3

Paul in singkang pawl khat khawmin meipi tungah hong koih a, a mei sa sa ahih manin gul khat hong tai khia-in Paulʼ khut a vial hi.