Sawltak 27:42 - Tedim Bible Revision 2017

⁴² Thong kia mi khempeuh tui peekin a tai mang ding uh lau uh ahih manin galkapte in thongkiate thah a sawm uh hi.

Tedim Bible

⁴² Tua lai takin thongkiate in tui peeka a taimang ding uh a lunghihmawh manunah galkapte in, “That ni,” ci-in a vaihawm uh hi.

Sawltak 27:42 Referans Kwoze

Sawltak 12:19

Peter a zon nadingun Herod in thu pia a, ahi zongin mu zo lo uh hi. Tua ahih manin thongcingte thu kisit a, thah dingin thu a khen nadingun thu a pia hi. Tua ciangin Judea gam panin Sisaria khua ah Herod pai suk a, tua lai ah tawl khat sung a om hi.

Thuhilh-sia 9:3

Mi khempeuhʼ thumong kibang kim a, hih pen leitung a thupiang lakah a man het lo khat ahi hi. Mihingte a nuntak lai teng gitlohna le a mawkna thu tawh a lungsim uh kidim a, theih kholh lohin mihingte sipak uh hi.

Paunak 12:10

Midikte in a gannote hoihtakin don a, migilote in a gannote bawlsia hi.

Late 74:20

Nangma thuciamna hong pi ngaihsut in; bang hang hiam cih leh leitung mun mialna khempeuh mi ngongtatte tawh kidim hi.

Sawltak 27:24

‘Paul aw, lunghimawh kei in. Gam uk kumpipa mai ah na ding dinga, Pasian in nang hong hehpih ahih manin nang le na khualzinpihte khempeuh na suakta ding uh hi,’ hong ci hi.

Sawltak 27:41

Ahi zongin teembaw in sehnel hong phukha-in a tum hi. Teembaw mailam lei sungah tumin taang thei nawn lo a, teembaw nung lam pen tuihual in hong satkham gawp hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihteʼ suk ding lauhuaina, Gentail miteʼ suk ding lauhuaina, khuapi sung le gamlak ah lauhuaina, tuipi tungah lauhuaina, lawm man loteʼ hih ding lauhuaina a tuamtuamte ka phu kha hi.