Sawltak 27:41 - Tedim Bible Revision 2017

⁴¹ Ahi zongin teembaw in sehnel hong phukha-in a tum hi. Teembaw mailam lei sungah tumin taang thei nawn lo a, teembaw nung lam pen tuihual in hong satkham gawp hi.

Tedim Bible

⁴¹ Tui kilokna nih kituahna mun a phak uh ciangin teembaw leitungah kingam a, teembaw a lulam teng tang thei loin om a, a nung lam tui kilok in satkhia a, a sia hi.

Sawltak 27:41 Referans Kwoze

Ezekiel 27:26

Nang hong hotte in tuipi thukna gamlapi ah hong hot uh a, nisuahna huihpi in tuipi laizang ah nang hong mut sia hi.

Sawltak 27:17

Teembaw tungah gunkuang a koih khit uh ciangin, teembaw a kitap khak leh cihna-in a kimkot ah khauhual tawh a gak uh hi. Libya gam tui daina sehnel lakah awk kha ding, ci-in lau uh ahih manin teembaw puan zaak khia suk uh a, huih mutna tawh damdamin a paisak uh hi.

Ezekiel 27:34

Tu-in tuipi tungah na sia a, tuipi thuk sungah na kia suk hi. Na vante le na mi khempeuh tuipi sungah nang tawh maimang ta hi,’ hong ci ding uh hi.

2 KHANG TANGTHU NIHNATE 20:37

Tua ciangin Mareshah khuami Dodavahuʼ tapa Eliezer in Jehoshafat langpangin thu gen a, “Nangmah in Ahaziah tawh kipawlna bawl na hih manin Topa in na bawl sa uh nate susia ding hi,” a ci hi. Tua ciangin teembawte kisia a Tarshish ah pai thei lo hi.

1 KUMPI MASATE 22:48

Jehoshafat in kham zongin Ofir ah a pai dingin Tarshish teembawte bawl hi. Ahih hangin Ezion-geber ah teembawte sia ahih manin amaute pai lo uh hi.

Sawltak 27:30

Teembaw panin teembaw hawlte taikhiat sawm uh ahih manin teembaw tung panin gunkuang khia suk uh a, teembaw mailam panin a khawl nading sikkawipi a khia suk ding kineih uh hi.

Sawltak 27:40

Tua ahih ciangin teembaw khihna sikkawipi khaute sattatin tui sungah khia suk uh a, teembaw heina a kizang sing peekpi khihna khaute zong a sut uh hi. Tua ciangin huih in hong mutin tui gei lamah ka pai theih nadingun a mailam a teembaw puan a sang khai uh hi.

Sawltak 27:42

Thong kia mi khempeuh tui peekin a tai mang ding uh lau uh ahih manin galkapte in thongkiate thah a sawm uh hi.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.