Sawltak 27:2 - Tedim Bible Revision 2017

² Adramittium khua teembaw khawlna panin Asia gam lam manawh dingin a kithawi teembaw ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.

Tedim Bible

² Asia gam tuipi gei-ah a om khuate ah pai dinga kisa Adramittium teembaw tungah tuangin ka pai uh hi. Makedonia gam Thesalonika khua mi Aristarkhas kote tawh a omkhawm hi.

Sawltak 27:2 Referans Kwoze

Sawltak 19:29

Khua sung khempeuh ah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi ah a kai uh hi.

Filemon 1:24

ka nasep pih Marka, Aristarkhas, Demas le Luka te in hong hopih uh hi.

Kolose 4:10

Kei tawh thong a kia khawm Aristarkhas in note hong hopih hi. Barnabasʼ sanggamnuʼ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

Sawltak 28:16

Rom khua ka tun khit uh ciangin Paul pen ama ututna ah a om theih nadingin thu kipia a, a tai khak loh nadingin galkap khat bek kicingsak hi.

Sawltak 28:12

Sirakus khua ka tun uh ciangin tua lai ah ni thum sung ka taam uh hi.

Sawltak 28:10

Amaute in na tampi tak hong pia uh a, teembaw tungah ka tuankik uh ciangin lamkal a zat ding a kisam khempeuh hong puak uh hi.

Sawltak 28:2

Tua lai-a teeng mite ko tungah hong nuam mahmah uh hi. Guahzu-in khua dam mahmah ahih manin meiphual pi hong cihsak uh a, limtakin zin hong do uh hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Sawltak 19:19

Ai a san ngei mi tampi tak in zong a aisanna laibute uh hong paipih uh a, mi khempeuhʼ muhin a hal tum uh hi. Tua laibu mante a gawm uh ciangin ngun peek then nga man bang ahi hi.

Sawltak 17:1

Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 16:17

Tua numei in Paul le kote hong zui-in, “Hih mite, A Lianpen Pasianʼ nasemte ahi uh hi. Note a hong kihotkhiat theih nading thu a hong gen uh ahi hi,” ci-in a kiko hi.

Sawltak 2:9

Eite pen Parthia gam, Media gam, Elam gam, Mesopotamia gam, Judea gam, Kappadosia gam, Pontas gam, Asia gam,

Luka 8:22

Ni khat, Jesu a nungzuite tawh gunkuang tungah tuang a, amaute kiangah, “Tuili gal khat ah pai ni,” ci-in a pai uh hi.