Biblia Todo Logo
Bib sou entènèt

- Piblisite -




Sawltak 26:6 - Tedim Bible Revision 2017

6-7 Ko Israel minam sawm le nihte in Pasianʼ thuciam ngah ding lametna tawh a sun a zanin Pasian ka biabia uh a, ka pu ka pate uh tungah Pasian in a thuciamna ngah ding lamenin ka omna hangin hih lai ah thusitna thuakin a ding ka hi hi. Kumpipa aw, hih thu ka lametna hangin Jew mite in kei hong mawhsak ahi uh hi.

Gade chapit la Kopi

Tedim Bible

6 Tu-in Pasian in i pute i pate kiangah a piak thu kiciamna lametna hanginah thukhenna thuakin ka om hi.

Gade chapit la Kopi




Sawltak 26:6
59 Referans Kwoze  

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.


Israel mite in a lamet uh mipaʼ hangin sikkhau khihna thuakin thong kia mi ka suak hi. Hih thute khempeuh note kiangah hong gen nuam ka hih manin a hong samsak ka hi hi,” a ci hi.


Hih banga kong genna pen, Pasian thuman hi, ci-in a kilat nadingin pupite tungah Pasianʼ thuciamna a tungsak dingin, Jew mite hoih nading,


Paul in tua uliante lakah Saddusi mi le Farisi mi a om lam a muh ciangin amaute kiangah, “Lawmte aw, kei pen Farisi miteʼ suan ahi Farisi mi ka hi hi. Misite hingkik ding hi, ci-in lamenin upna ka neih manin hih lai ah thusitna ka thuak hi,” a ci hi.


“Namsau aw, ka tuucingpa a su dingin kipan inla, kei tawh nasem khawm pa langpang in. Tuucingpa sat in. Tuute kithehthang dinga, ka tuute gim ka pia ding hi.


Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.


“Topa na Pasian un note lak ahi na sanggamte uh lak panin note adingin kei tawh a kibang kamsang khat hong khangsak ding hi. Note in ama thu na ngai ding uh hi.


Na suanlekhakte van a aksi bangin tampi ka phasak dinga, na suanlekhakte tungah hih leitang khempeuh ka pia ding hi. Na suanlekhakte thupha ka piak bangin leitung minam khempeuh in thupha a ngah nadingun hong ngen ding uh hi.


na suanlekhakte thupha ka piak bangin, leitung minam khempeuh in thupha a ngah nadingun hong ngen ding uh hi. Bang hang hiam cih leh nang in ka thu na mang hi,” a ci hi.


Nang thupha hong piate thupha ka pia dinga, nang hong samsiate ka samsia ding hi. Nangʼ thupha ngah bangin thupha a ngah nadingun leitung midang khempeuh in hong ngen ding uh hi,” a ci hi.


Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.


Bang hangin no Jew mite in Pasian in misite a thawhkiksakna thu um thei lo na hi uh hiam?


Amauteʼ mai ah, ‘Misite hingkik ding hi, ci-in ka upna hangin kei tungah thu nong khen uh hi,’ ci-in ka gen sim loh amauteʼ heh nading bangmah om lo hi,” ci-in thu a gen hi.


Samuel a kipan ama nung a hong piang kamsang khempeuh in tu laitak a thupiangte mah gen khol ciat uh hi.


Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.


Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.


“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.


Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, gualzawhna tawh hong pai hi. Ahi zongin kiniamkhiatna tawh hong pai a, sin nai loh la no tungah hong tuang hi.


Ama kiangah, ‘Vanglian Topa in hih bangin ci hi: “Hih mipa pen sing bangin A Sel a kici mipa ahi hi. A omna peuhpeuh ah amah cithei dinga, Topaʼ biakinn lamkik ding hi.


Ka pu ka pate uh tungah na ciam sa bangin, Abrahamʼ suanlekhakte ahi nangma mite tungah na cihtakna le nong itna kip nong lak ding hi.


A gualzo Jerusalem khua mite in Esauʼ gam simin uk ding uh a, tua gam pen Topaʼ gam ahi ding hi.


Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.


Tua khit ciangin Israel mite in Topa amauʼ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.


Ka nasem pa David pen amauteʼ kumpi hi dinga, mi khatʼ ukna nuai ah amaute kigawmin, ka thukhamte hoihtakin zui ding uh hi.


Siacip! Siacip! Hih khuapi ka sia cimitsak dinga, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.


Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.


Tua ni ciangin Topa’ bul sel pen melhoihin minthang dinga, leitung panin a piang gahte pen, a suakta lai Israel miteʼ kiphatsakna le minthanna hi ding hi.


Keimah in tua lai ah Davidʼ suanlekhakte kumpi lianin ka koih dinga, ka sathau nilh paʼ ukna ka kipsak ding hi.


Topa in a pelh loh ding kiciamna taktak khat David tungah kiciam a, “Nangʼ sung pan a na tate khat na kumpi tokhom tungah ka koih ding hi.


Topa in ama gualzawhna kitheisak khinzo a, amah in minamteʼ muhna ah ama thumanna langsak khin hi.


Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.


Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.


Swiv nou:

Piblisite


Piblisite