Sawltak 26:19 - Tedim Bible Revision 2017

¹⁹ “Tua bang hi a, kumpi Agrippa aw, ka maangmuhna sunga vantung pan a hong pai paʼ thugen ka mang hi.

Tedim Bible

¹⁹ “Tua ahih ciangin Agrippa Kumpipa aw, vantung mangmuhna ngai loin ka om kei hi.

Sawltak 26:19 Referans Kwoze

Isaiah 50:5

Topa Pasian in thu theihtelna hong guan hi. Amah ka lehdo kei a, zong ka nungngat kei hi.

Jeremiah 20:9

Keimah in, “Ama thu ka gen kei dinga, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gim lua a, gen loin ka om thei kei hi.

Jonah 1:3

Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

Ezekiel 3:14

Pasianʼ kha in hong paikhiatpih laitakin lungkim het loin ka heh suak mahmah hi. Ahi zongin Topaʼ vangliatna in kei hong zo zaw hi.

Sawltak 26:2

“Kumpi Agrippa aw, Jew mite in kei hong mawhsakna thu ka kiphel nadingin nangma mai ah tu ni-in hun ngah ka hih manin hampha ka kisa mahmah hi.

Isaiah 6:8

Tua ciangin, “Kua sawl dinga, eite adingin kua va pai ding ahi hiam?” Topaʼ cihna aw ka za hi. Tua ciangin keʼn, “Hih lai ah kei om ing! Kei hong sawl in,” ka ci hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Ezekiel 12:7

Kei zong Topaʼ hong sawl bangin ka gamta hi. Galtaiteʼ hih ding bang teekin tua sunin ka van guangin, tua nitak khuamial ciangin ka khut tawh kawm ka su let hi. Amauteʼ muh mahin ka liangko ah van kisuanin ka paikhia hi.