Sawltak 26:11 - Tedim Bible Revision 2017

¹¹ Kikhopna inn khempeuh ah amaute gim ka thuaksak zelzel a, a thu upnate uh ka khawlsak hi. Amaute tungah heh lua mahmah ka hih manin gamdang nangawn ah pai-in thu umte ka bawlsia hi.

Tedim Bible

¹¹ Mite in Pasian tungah a pau khialh nadingin thatang hat thu-in hanciamin, kikhopna inn khat pan khat ah tamveipi ka pai hi. Nakpi-in ka heh maninah gamdangte khua dongin amaute ka bawlsia hi.

Sawltak 26:11 Referans Kwoze

Sawltak 22:19

Kei zong, ‘Kikhopna innte ah pai kawikawi-in nangma thu hong um mite manin ka sat gawpna thu amaute mahmah in teltakin hong thei uh hi.

Sawltak 13:45

Jew mite in mi tampi tak a hong kikhawm a muh uh ciangin Paul le Barnabas haza uh ahih manin Paulʼ thugente a man lopi hi, ci-in Paul a gen sia uh hi.

Mattiu 10:17

Mi pawl khatte in note hong manin zumah hong paipih ding uh a, amauteʼ kikhopna inn sungah hong sat gawp ding uh ahih manin hoihtakin kidawm un.

Sawltak 22:5

Hih ka thugente a man ahihna thu, siampi lianpen pa le upa khempeuh in hong gen thei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piak theih nadingun tua khua-a om thu um mite manin sikkhau khihin Jerusalem khua ah a ciahpih dingin ka va pai hi.

Sawltak 9:1

Tua hun sungteng Saul in Topaʼ thu a um mite thah dingin a hanciamna zom lai hi. Siampi lianpen pa kiangah pai a,

2 PETER NIHNA 2:16

Balaam in ama mawhna hangin taiina a thuak hi. A pau thei lo la, mihing bangin hong pau a, kamsang Balaamʼ hai tatna a khawlsak hi.

Jeim 2:7

Pasian in note a hong phuah min hoih a gensiate, mihaute mah ahi uh hi.

Sawltak 18:6

Jew mite in ama thuhilhna nialin a gensiat uh ciangin Paul in a puan tunga leivui baangte sinsanin, “Pasian tawh kikhenin siatna na tuah uh leh nomau khialhna hi a, kei nong ngawh nading uh om lo hi. Tu a kipanin Gentail mite kiangah thu ka hilh ding hi,” a ci hi.

Luka 21:12

Ahi zongin hihte khempeuh hong pian ma-in keima hangin note hong kimanin hong kibawlsia ding hi. Kikhopna innte ah thusitna thuakin thong ah khiat dingin hong ki-ap dinga, ukpite le kumpite mai ah hong kipaipih ding hi.

Luka 15:17

A tawpna ah thu ngaihsun thei a, ‘Ka paʼ nasemte khempeuh in gaih zawh lohin an khamval nei uh a, tu-in hih lai ah gil kialin a puksi ding ka hi ta hi.

Luka 6:11

Ahi zongin amaute heh mahmah uh a, Jesu a suktheih nading uh khatlekhat a kikum pah uh hi.

Marka 13:9

“Limtakin kidawm un. Note hong kimanin thukhen zumah hong kipaipih dinga, kikhopna inn sungah zong hong kisat ding hi. Ukpite le kumpite mai ah keima thu gen nading hun na ngah ding uh hi.

Marka 3:28

“Tua ahih ciangin hih thu phawk un! Mihingteʼ mawhna le a kampau siatnate uh kimaisak thei ding hi.

Thuhilh-sia 9:3

Mi khempeuhʼ thumong kibang kim a, hih pen leitung a thupiang lakah a man het lo khat ahi hi. Mihingte a nuntak lai teng gitlohna le a mawkna thu tawh a lungsim uh kidim a, theih kholh lohin mihingte sipak uh hi.

Late 102:8

Sun nilohin ka galte in kei hong zahko uh a, kei hong simmawhte in samsiatna-in ka min a zang uh hi.