Sawltak 24:5 - Tedim Bible Revision 2017

⁵ Hih mipa, buaina a piangsak, a kihtakhuai mi ahihna ka mu uh hi. Mun khempeuh a om Jew mite lakah buaina piangsak a, Nazareth mi pawl a kicite a makai pa ahi hi.

Tedim Bible

⁵ Bang hang hiam na cih leh, Nazareth mipawl ukpa ahi, leitung mun khempeuh ah Judah mi khempeuh misuam dingin a hansuah, hih mi gilo kote’n ka mu zo uh hi.

Sawltak 24:5 Referans Kwoze

Sawltak 28:22

Ahi zongin tu-a nangma kipawlna miteʼ thu pen a koimah peuh ah mi khempeuh in gensia uh ahih manin nangma ngaihsutna taktak ka za nuam uh hi,” a ci uh hi.

Sawltak 24:14

Ahi zongin nangma kiangah kong pulak nop thu in: Amaute in man lo hi, a cih uh tua Thu zui-in koteʼ pu le pateʼ Pasian ka bia hi. Mosesʼ Thukham laibu sunga a kigelh thu khempeuh le kamsangteʼ laibu sunga a kigelh khempeuh zong ka um hi.

Sawltak 26:5

Koteʼ biakna sungah a hahkat phadiak Farisi pawl a kicite sunga ka om cil a kipanin ka nuntak zia khempeuh, a gen nop nak uh leh hong gen thei ding uh hi.

Sawltak 15:5

Ahi zongin Farisi mite sung panin thu um mi pawl khat in, “Amaute in Moses Thukham zui-in, a vun uh a ki-at nading uh gen ding kisam hi,” a ci uh hi.

1 KORIN MASA 4:13

Zahpihna kam tawh hong kihopih ciangin kam khum tawh ka dawng uh hi. Miteʼ muhna ah tu ni ciang dong ninbulom le leivui them bang bek ka hi uh hi.

Sawltak 21:28

“Israel mite aw, hong huh un. Mun khempeuh ah thu hilh kawikawi-in, Moses Thukham le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.

Sawltak 5:17

Tua ciangin siampi lianpen pa le amah tawh a kipawl tua lai-a Saddusi mite in sawltakte haza-in thangpai uh ahih manin thu bawl ding a ngaihsun uh hi.

Luka 23:2

Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

1 PETER MASA 2:19

Pasianʼ thu na ngaihsutna uh tawh a kilawm lopi mahin gimna na thuak uh leh na thuakna uh hangin Pasian in thupha hong pia ding hi.

1 KORIN MASA 11:19

Bang hang hiam cih leh kua teng pawlpi mi citak ahi hiam, ci-in a kilat nadingin kikhenna a om mah ding ahi hi.

Sawltak 22:22

Paul in Gentail mite kiang a pai nading thu a gen matengin mite in limtakin a ngai uh hi. Ahi zongin tu-a thu a pulak ciangin a aw neihzah uh tawh mite kiko-in, “Leitungah hih bang mi omsak kei un! That un! A hing dingin kilawm lo!” ci-in a awng uh hi.

Sawltak 6:13

Tua ciangin zuau thu a gen dingin mi pawl khat hong paipih uh a, “Hih mipa in a siangtho i biakinnpi le Moses Thukham gensia tawntung hi.

Luka 23:25

Mi buaisakna le mi thahna hangin thong sungah a kikhia mipa amauʼ ngetna bangin khah a, amauʼ deihna bangin a bawl dingun Jesu a pia khia hi.

Luka 23:19

Barabbas pen khua sungah mi a buaisakna hang le mi a thahna hangin thong sungah a kikhum ahi hi.

Luka 23:5

Ahi zongin amaute in nawhsa takin nak pau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuh ah hong hilh a, tu-in hih lai mun hong tung ta hi,” a ci uh hi.

Mattiu 10:25

Tua ahih manin sang naupangte pen a siapa uh tawh a kibat uh leh a lungkim ding uh hi a, silate pen a tote uh tawh a kibat uh leh a lungkim ding uh ahi hi. Innteek lutang pa pen Beelzebul hong ci uh ahihleh a innkuan pih mite tua sangin minsia zaw tawh hong ko zaw lai ding uh hi lo ahi hiam?

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Amos 7:10

Bethel ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Jeremiah 38:4

Tua ciangin kumpipaʼ uliante in kumpipa kiangah, “Hih mipa i that lum ding hi. Bang hang hiam cih leh hih thute a gen manin hih khuapi sungah a om lai galkapte le mi khempeuhte lungkiasakin tha zawsak hi. Hih mipa in i gam miteʼ phattuam nading zong loin a gim ngah nading uh a zong zaw ahi hi,” a ci uh hi.

Esther 3:8

Tua ciangin Haman in Kumpipa Ahasuerasʼ kiangah, “Na ukna gam tuamtuam sunga om mite lakah a om kawikawi, amau a tuam om mi pawl khat om hi. Amauʼ ngeinate pen midangte aʼ tawh kibang lo a, amaute in nangma thukhamte zui lo uh hi. Tua ahih manin hih mite na hici khah khong ding kilawm lo hi.

Jeremiah 37:13

Benjamin Kongpi ka tun ciangin Shelemiahʼ tapa, Hananiahʼ tupa Irijah a kici kongcing pa in kei kiangah, “Nang Babylon miteʼ lamah a taisim ding na hi hi,” ci-in a hong man hi.

Marka 1:24

“Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Sawltak 24:4

Na hun tampi tak hong beisak nuam lo ka hih manun, thu a tom theithei a kong gennate uh hehpihna tawh nong ngaih nadingin kong thum uh hi.

Sawltak 25:7

Paul hong kipaipih ciangin Jerusalem khua panin a hong pai Jew mite in amah umcih a, thu lian pipi tawh Paul a mawhsakna uh tampi gen uh a, ahi zongin a mawhsaknate uh man hi, ci-in a lahtel theih uh bangmah om lo hi.