Sawltak 24:26 - Tedim Bible Revision 2017

²⁶ Paul in sumgolh zong hong pia thei leh ci-in ngaihsun kawm ahih manin Paul kiangah va pai zelin a kiho zelzel uh ahi hi.

Tedim Bible

²⁶ Paul in amah kisut nading golhguk a piak khak leh ci-in ummawhin tam veipi samin, a hopih hi.

Sawltak 24:26 Referans Kwoze

Paunak 17:23

A gina lo thukhente in sumgolh sang sim uh a, a thukhenna uh ah thuman om nawn lo hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

1 KORIN MASA 6:9

Migilote, Pasianʼ Ukna sungah a lut het loh nading thu na thei uh hi. Note kihai bawl kei un. Numei tawh a paktatte, milim biate, mi zi ahih kei leh mi pasal tawh a mawhte, pasal le pasal a khialte,

Sawltak 24:17

“Jerusalem panin kum tampi sung ka paikhiat khit ciangin ka mipihte a kihuhna sumte a puak ding le gan go-in Pasian a bia dingin Jerusalem ah ka pai hi.

Micah 7:3

A sia lam a gamtat ding siam mahmah uh a, uliante le thukhente in sumgolh ngenin, mi liante in amauʼ deih teng pulak uh a, kipawlin vaihawm khawm uh hi.

Micah 3:11

Khuapi ukte in sumgolh ngah theih nading ngaihsutna bek tawh thu khen a, siampite in sum ngah theih nading ngaihsutna bek tawh thu gen a, kamsangte in zong sum ngah theih nading ngaihsutna bek mah tawh mailam thu gen khol uh hi. Tua bang hi napi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.

Hosea 4:18

Amaute, zukham honpi hi uh a, nulepa mawhna a bawlbawl uh hi. Min phat ding sangin min siat ding ut zaw uh hi.

Ezekiel 33:31

Tua ciangin nangma thugen a za dingin ka mite hong kisutuah uh a, ahi zongin nangma gen bangin amaute gamta lo uh hi. Amaute a kamun hoih khem napi-in, a lungsim uh ah amauʼ meetna ding bek ngaihsun uh hi.

Ezekiel 22:27

A kumpi uliante uh, a sa mat sa uh a bal gawpgawp ngia hon tawh kibang uh hi. Sum ngah theih nadingin mi that uh hi.

Isaiah 56:11

Uite in nakpi takin duh uh a, kham hun cih nei ngei lo uh hi. Tuucingte in zong thutheihna nei lo uh hi. Amaute khempeuh amau tum ciatin gamta uh a, a vekpi-un amauʼ phattuam nading bek a zong ciat uh hi.

Isaiah 33:15

Thumanin gamta-in thutang na gen uh leh na suakta ding uh hi. Na vangliatna uh mizawngte khemna-in zang kei unla, sumgolh deih kei un. Mi thah ding le siatna gamtat ding a vaihawmte tawh kipawl kei un.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh le letsong a deih uh hi. Amaute in pa nei lote panpih lo uh a, meigongnuʼ thu amaute in sang lo uh hi.

Paunak 29:4

Thumanin a gamta kumpi in a gam kipsak a, sum bek a ngaihsun kumpi in a gam siasak hi.

Paunak 19:6

A cingh mihau paʼ maipha ngah ding ki-ut ciat a, na a piak mi khempeuh ama lawm ahi hi.

Paunak 17:8

Sumgolh a zangte in ai bangin ngaihsun uh a, a deih khempeuh uh a ngahsak dingin ngaihsun uh hi.

JOB (Job) 15:34

Bang hang hiam cih leh Pasian a ngaihsun lote mi cimang suak a, sumgolh tawh a kilam innte mei in kaang tum hi.

2 KHANG TANGTHU NIHNATE 19:7

Tu-in note in Topa zahtak unla, na hihnate uh ah kingaihsun un. Bang hang hiam cih leh Topa i Pasian in thuman hei khiatna, mi deidanna le sumgolh laknate deih lo hi,” a ci hi.

1 SAMUEL MASA 12:3

Hih lai ah ka om hi; ka mawhna a om leh Topaʼ mai le a sathau nilh paʼ mai ah ka mawhna hong pulak un. Kuaʼ bawngtal ka laksak hiam? Ahih kei leh kuaʼ la ka laksak hiam? Ahih kei leh kua khem ka hi hiam? Kua nengniam ka hi hiam? Ahih kei leh keima mit a tawsak dingin kuaʼ tung panin sumgolh la ngei ka hi hiam? Ka mawhna nong lah theih uh leh kong dinkik ding hi,” a ci hi.

1 SAMUEL MASA 8:3

Ahih hangin a tapate amah bangin gamta lo uh a, sum ngah ding lam bek kin uh ahih manin sumgolh la-in thuman hei khia uh hi.

Thu-hilhkikna 16:19

Thutang na hei khia kei ding uh a, angvan tuam na nei kei ding uh hi. Sumgolh in mipilteʼ mit tawsakin thumanteʼ thu hei khia ahih manin sumgolh na la kei ding uh hi.

Paikhiatna 23:8

Sumgolh na la kei ding uh hi. Bang hang hiam cih leh sumgolh in ulianteʼ mittawsak a, thuman miteʼ thu heikhiatsak hi.

Mattiu 17:3

Tua lai ah Moses le Elijah hong om vat uh a, Jesu tawh a kiho a mu uh hi.