Sawltak 24:16 - Tedim Bible Revision 2017

¹⁶ Tua ahih manin Pasian mai le mite mai ah lungsim kisuanna a om het lo dingin a tawntungin ka gamta hi.

Tedim Bible

¹⁶ Tua ahih ciangin Pasian tungah ahi zongin, mite tungah ahi zongin, ka lungsim sungah kimawhsakna a om lohna dingin, a tawntungin ka hahkat hi.

Sawltak 24:16 Referans Kwoze

Sawltak 23:1

Paul in ulian kikhawmte limtakin enin, “Lawmte aw, tu ni ciang dong ka nuntak sung tawntung, Pasian mai ah kisuanna ka nei het kei hi,” a cih leh

1 TIMOTI MASA 1:5

Hih bangin thupiakna pen, upna taktak le kisuanna om het loin lungsim siangtho taktak tawh ngaihsutna panin a hong piang khia ki-itna a khan theih nading deihna ahi hi.

2 KORIN NIHNA 4:2

Ka thuhilhna uh ah mite khembawl loin, Pasian thu zong a man lopi-in ka gen kei uh a, tua bang a zumhuai simtham tatnate ka zang het kei uh hi. Pasian muhna ah a langtangin thuman takin ka gamta uh a, mi khempeuh a lungkim theih nadingin ka hanciam uh hi.

Hebru 10:22

Tua ahih manin mawhna thu ah kisuanna lungsim om nawn loin, tui siangtho tawh i pumpi a kisawp sa-in muanna le lungsim takpi tawh Pasian kiang zuan ni.

ROM (Romans) 2:15

Amauʼ lungsim sungah thukhamʼ deihnate om khin ahihna thu a gamtatna un hong kilangsak hi. Amau mahmah zong khat veivei hoih kisa, khat veivei sia kisa uh ahih manin, amauʼ lungsim sungah thukhamʼ deihnate theihna om khin ahihna thu, hih amauʼ kiphawk tawmna lungsim in nakpi takin hong kitelsak hi.

2 KORIN NIHNA 1:12

Koteʼ kisialh pih thu in: hih leitung a ka gamtatnate uh le a diakdiakin note tungah kong gamtatnate uh ah, mihingteʼ pilna a zang hi loin Pasian hehpihna vang tawh, Pasianʼ deihna bangin lungsim takpi tawh a gamta hi ung, ci-in ka kitheihna lungsim uh ahi hi.

1 PETER MASA 3:21

Tui pen note a hong hon khia tuiphumna lim hi a, pumpi panin nin sawp khiatna lim hi loin, Jesu Khris thawhkikna hangin lungsim siantho nadingin Pasianʼ tungah kamciamna lim ahi hi. Tua Jesu thawhkikna in note hong hon khia ahi hi.

Titu 1:15

Lungsim siangthote adingin na khempeuh a siang hi a, ahi zongin thu um lote a lungsim ngaihsutnate uh sia khin ahih manin amaute adingin a siang bangmah om lo hi.

1 KORIN MASA 4:4

Ka kisuan nading thu bangmah ka thei het kei hi. Ahi zongin tua pen ka dik hi, cihna hi pah lo hi. Keima thu a hong khen ding pa pen Topa ahi hi.

1 PETER MASA 3:16

Khris nungzui na hihna hangun na gamtat hoihna uh hong gensia-in hong simmawh bawl a om ciangin a maizum theih nadingun na lungsim uh ah kisuanna a om het lo dingin na siangtho om un.

1 PETER MASA 2:19

Pasianʼ thu na ngaihsutna uh tawh a kilawm lopi mahin gimna na thuak uh leh na thuakna uh hangin Pasian in thupha hong pia ding hi.

Hebru 13:18

Kote adingin thu hong ngetsak niloh un. A tawntungin na a manin sepnopna lungsim nei ka hih manun ka lungsim uh ah kisuanna om loin siang mahmah hi.

Hebru 9:14

tawntung Kha Siangtho hangin Pasian tungah a cingtaak biakpiak nadingin Khris in a piak ama sisan in na tam sem khia zo zaw dinga, a nungta Pasianʼ na i sep theih nadingin bangmahin a kimang lo nasepna panin ama sisan in i lungsim hong siangsak ding hi.

2 TIMOTI NIHNA 1:3

A sun a zanin ka thungetna ah nang ka hong phawk tawntung a, ka pu ka pateʼ sep mah bangin kisuanna lungsim om het loin a na ka sep Pasian tungah ka lungdamna ka ko hi.

1 THESALONIKA MASA 2:10

Note in hih thu na theih uh mah bangin Pasian in zong hong thei hi. Thu um note tungah kong gamtatnate uh siangtho-in thuman a, paubaan nading bangmah om het lo hi.

1 TIMOTI MASA 3:9

Lungsim kisuanna a om lo, upna thu ah a kip mite hi ding uh hi.

1 TIMOTI MASA 1:19

na upna le lungsim kisuang loin na omna thu kip takin len paisuak in. Mi pawl khatte in a lungsim kitheihna uh ah man a kisakna bangun gamta lo uh ahih manin a thu upna uh a mawkna a suah uh hi.

ROM (Romans) 9:1

Kei, Khris tawh kipawl ka hih manin zuau thu ka gen thei kei hi. Kha Siangtho lamlahna tawh, ka lungsim kitheihna ah zuaugen het loin a mantakin ka gen thu in:

1 KORIN MASA 10:32

Jew mi ahi a, Gentail mi ahi a, Pasianʼ pawlpi mi ahi zongin na lungnopmawhsak loh nadingun na gamta un.