Sawltak 23:6 - Tedim Bible Revision 2017

⁶ Paul in tua uliante lakah Saddusi mi le Farisi mi a om lam a muh ciangin amaute kiangah, “Lawmte aw, kei pen Farisi miteʼ suan ahi Farisi mi ka hi hi. Misite hingkik ding hi, ci-in lamenin upna ka neih manin hih lai ah thusitna ka thuak hi,” a ci hi.

Tedim Bible

⁶ Upa kimkhat Farisai-te, kimkhat Saddusi-te ahih uh Paul in a theih ciangin, “Ute naute aw, Farisai mi ka hi hi. Farisai’ ta ka hi hi. Mi sisate hong thokik ding hi ci-in ka lamet hangin thu dotna ka thuak hi,” ci-in upate kiangah a ko hi.

Sawltak 23:6 Referans Kwoze

Sawltak 24:21

Amauteʼ mai ah, ‘Misite hingkik ding hi, ci-in ka upna hangin kei tungah thu nong khen uh hi,’ ci-in ka gen sim loh amauteʼ heh nading bangmah om lo hi,” ci-in thu a gen hi.

Sawltak 24:15

Amauteʼ up le lamet mah bangin, Pasian in miphate le misiate a kibangin sihna panin hingkiksak khawm ding hi, ci-in umin ka lamen hi.

Filippi 3:5

Ka suah zawh a ni giat ni-in ka vun a ki-at hi. Kei pen Hebru minam citak ka hi a, Israel mite sung panin Benjaminʼ suante ka hi hi. Jew Thukham zuihna tawh kisai-in Farisi mi pawl ka hi a,

Sawltak 28:20

Israel mite in a lamet uh mipaʼ hangin sikkhau khihna thuakin thong kia mi ka suak hi. Hih thute khempeuh note kiangah hong gen nuam ka hih manin a hong samsak ka hi hi,” a ci hi.

Mattiu 22:23

Tua ni mahin, misite thawhkikna om lo hi, ci-in a um Saddusi mite pawl khat Jesu kiangah hong pai uh a,

Sawltak 22:5

Hih ka thugente a man ahihna thu, siampi lianpen pa le upa khempeuh in hong gen thei ding uh hi. Damaskas khua-a om i Jew mipihte ka lah dingin amaute in lai hong pia uh ahih manin, upate in gim a piak theih nadingun tua khua-a om thu um mite manin sikkhau khihin Jerusalem khua ah a ciahpih dingin ka va pai hi.

Mattiu 10:16

“Ngia hon lakah tuu a kikhah bangin note hong sawl khia ka hih manin gul bangin pilvang unla, vakhu bangin migi un.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasianʼ hehna panin na suahtak theih nading uh kua in hong hilh khol ahi hiam?

Sawltak 22:3

“Kei pen Silisia gam Tarsas khua-a suak Jew mi ka hi a, ahi zongin hih lai Jerusalem khua ah Gamalielʼ khutnuai ah sangnaupang hi-in a khangto ka hi hi. I pu i pateʼ Thukham limtakin hong kihilh a, tu-a note zah mahin Pasian tungah a kipia mi khat ka hi hi.

Sawltak 22:30

Jew mite in bang hangin Paul mawhsak ahi uh hiam, ci-in teltakin galkap mangpa in thei nuam ahih manin a zing ciangin Paul a khihsakna sikkhaute sutsak a, siampi liante le upate thu kikupna a nei dingin a samsak hi. Tua ciangin Paul paikhiat pihin uliante mai ah a dingsak hi.

Sawltak 23:1

Paul in ulian kikhawmte limtakin enin, “Lawmte aw, tu ni ciang dong ka nuntak sung tawntung, Pasian mai ah kisuanna ka nei het kei hi,” a cih leh

Sawltak 23:7

Tua thu a gen khit phetin Saddusi mite le Farisi mite kitawng pah uh a, tua uliante khen nih a pha uh hi.

Sawltak 23:15

Tu-in note le uliante in galkap mangpa tungah thu zasak unla, Paulʼ thu a cingin a thei nuam kineihin, note kiangah Paul hong paipihsak nadingin na ngen un. Hih lai mun hong tun ma-in kote in lamkal ah ka na that ding uh hi,” a ci uh hi.

Sawltak 23:20

Tangvalpa in, “Uliante in Paulʼ thu a cingin a thei nuam kineihin, zing ciangin amaute kiangah Paul na paisak nadingin Jew mi aana neite in nget ding a thukim uh hi.

Kolose 1:5

Thu dang na zak ma un, lungdamna thuman taktak na zak uh ciangin lametna na nei uh hi. Note adingin vantungah a hong kikoihsak tua lametna hangin note in muanna le itna a nei na hi uh hi.

Hebru 6:19

I lungsim a hong kipsak dingin tu-a bang lametna a nei ihi hi. Tua i lametna kician mahmah a, vantung biakinn siangtho tawngnung sung ciang dong tung khinta hi.