Sawltak 23:21 - Tedim Bible Revision 2017

²¹ Ahi zongin lamkal ah Paul a pangsim dingin mihing sawm li val bang om uh ahih manin amauteʼ hong ngetna pia kei in. Tua mihing sawm lite in Paul a thah khit mateng uh anletui a nek loh nadingun kiciamna khat bawl khin uh hi. Amaute a kithawi sa-in om uh a, nangma thupiak ding bek a ngak uh ahi hi,” a ci hi.

Tedim Bible

²¹ Tua ahih ciangin amau deihna bangin zui kei in. Bang hang hiam na cih leh, Paul a thah khit matengun an ne lo, tui dawn lo ding ci-in a kiciam mi sawmli val lampi gei-ah a ding uh hi. Tu-in tuate in amau thu na man’ ding a ngak uh hi,” a ci hi.

Sawltak 23:21 Referans Kwoze

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihteʼ suk ding lauhuaina, Gentail miteʼ suk ding lauhuaina, khuapi sung le gamlak ah lauhuaina, tuipi tungah lauhuaina, lawm man loteʼ hih ding lauhuaina a tuamtuamte ka phu kha hi.

ROM (Romans) 9:3

Hi thei ding hileh amauteʼ hoih nadingin keimah in Pasianʼ samsiatna thuakin Khris tawh kikhen nading ciang dong nangawnin amaute ka huh nuam hi.

Sawltak 20:19

Jew mite in kei hong thahsawmna hangin kiniamkhiatna le khitui naptui tawh haksapi-in Topaʼ na ka sem hi.

Paikhiatna 23:2

Siatna a bawl dingin mihon na zui kei ding uh hi. Thutang a hei khia dingin mihonpi nung zui-in thu neihna ah teci na pang kei ding uh hi.

Luka 11:54

a kampau khialhnate a mat theih nadingun thangsiahin a hanciam uh hi.

Sawltak 23:22

Tua ciangin galkap mangpa in tangvalpa kiangah, “Kei kiangah hih thu nong kohna thu kuamah theisak kei in,” ci-in a vaikhak khit ciangin a ciahsak hi.