Sawltak 23:12 - Tedim Bible Revision 2017

¹² A zing ciangin Jew mite pawl khat kikhawm uh a, Paul i thah khit ciang bekin an ne tui dawn pan ding hi hang, ci-in kiciamna a nei uh hi.

Tedim Bible

¹² Khua a vak ciangin Judah mite kikhawm uh a, “Paul i thah khit matengin an i ne kei ding hi, tui i dawn kei ding hi,” ci-in a kiciam uh hi.

Sawltak 23:12 Referans Kwoze

Sawltak 23:30

Jew mite pawl khat in amah a thahsawmna thu hong kikoh ciangin nangma kiangah puak dingin ka ngaihsun hi. Amah a mawhsakte in nangma mai ah thu a hong gen nadingun amaute kiangah ka gen hi,” ci-in a gelh hi.

Sawltak 23:21

Ahi zongin lamkal ah Paul a pangsim dingin mihing sawm li val bang om uh ahih manin amauteʼ hong ngetna pia kei in. Tua mihing sawm lite in Paul a thah khit mateng uh anletui a nek loh nadingun kiciamna khat bawl khin uh hi. Amaute a kithawi sa-in om uh a, nangma thupiak ding bek a ngak uh ahi hi,” a ci hi.

Sawltak 23:14

Siampi liante le upate kiangah pai uh a, “Paul ka thah khit mateng uh anletui ka nek loh nadingun khauh takin thuciamna khat ka nei khin uh hi.

Late 31:13

Ka galteʼ kihuauna ka za a, ka kiim ka pam ah launa om hi. Kei hong langpangin amaute in vaihawm khawm a, thah dingin kei hong sawm uh hi.

Jeremiah 11:19

A kigo dingin a kipaipih mawhna a nei lo tuuno bang ka hi hi. Amaute in, “Singkung a gah phat hun laitakin phuk tan ni. Ama min a kiphawk nawn loh nadingin amah that lum ni,” ci-in a gen uh a, kei hong sawmna uh ahih lam ka thei kei kha hi.

Mattiu 26:4

kuama theih lohin Jesu simmatin a thah theih nading uh a vaihawm uh hi.

2 KUMPI NIHNATE 6:31

Tua ciangin amah in, “Tu ni-in Shafatʼ tapa Elishaʼ lutang a kitankhiat kei taak leh Pasian in kei hong dawm kei tahen,” a ci hi.

Galati 3:13

Lai Siangtho in, “Sing tungah a kikhai mi peuhmah Pasianʼ samsiat mi ahi hi,” na ci ahih manin eite adingin Khris in samsiatna a thuak manin Thukham zuih lahna hangin samsiatna panin eite a hong tan khia ahi hi.

1 KORIN MASA 16:22

Topa a it lo mi peuhmah in samsiatna ngah tahen. I Topa hong pai tahen.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute na thah bangin nangmah kong thah kei taak le pasian-te in kei hong dawm kei tahen,” cisak hi.

1 SAMUEL MASA 14:24

Israel mite tua ni-in lungkham uh hi; bang hang hiam cih leh Saul in mite tungah kiciamna khat koih a, “Tu nitak mateng le ka galte ka thuk zawh matengin an a ne pa in samsiatna ngah tahen,” a ci hi. Tua ahih ciangin mite khat beek in an ciam lo uh hi.

Mattiu 27:25

Tua ciangin mi khempeuh in, “Hih mipaʼ sihna hangin gim thuakna, kote a kipanin ka suan ka khakte dongun ka thuak ding uh hi,” ci-in a dawng uh hi.

Mattiu 26:74

Tua ciangin Peter kiciam a, “Hua mipa ka thei kei hi. Zuau thu ka gen taak leh Pasian in kei hong dawm kei tahen!” a ci hi. Tua khit phetin ak hong khuang ta hi.

Nehemiah 10:29

a sanggam uh ahi amauʼ makaite pawmin, Pasianʼ nasem Moses in a piak Pasianʼ thukham zui-in, eiteʼ Topa ahi Topaʼ thupiakna khempeuh, ama ngeinate le ama thukhamte a zuih nading uh kiciamna a bawl uh hi.

Joshua 7:15

Tua ciangin a ki-ap nate tawh a kilakhawm mipa le a neih khempeuh, mei-in kihal ding hi. Bang hang hiam cih leh amah in Topaʼ thuciamna palsat hi. Israel sungah a zumhuai-in a gamta ahi hi,’ ci in,” a ci hi.

Joshua 6:26

Tua hun laitakin Joshua in amaute tungah thuciamna khat koih a, “Mi khat kipanin hih Jerikho khuapi a lamkik pa in Topaʼ mai ah samsiatna thuak tahen. A tacil luang khaamin tua khuapi bulpi phut dinga, a tapa neu pen luang khaamin a kulh kongpite phut ding hi,” a ci hi.

Siampi Laibu 27:29

Mite lak nangawn panin a kisusia mang dingin a ki-ap sa mi peuhmah, kitanh lo dinga, kithat ding hi.

Joshua 7:1

Ahih hangin a ki-ap nate tawh kisai-in Israel mite zuau tat uh hi. Bang hang hiam cih leh Judah minam Zerah tapa Zabdi, a tapa Karmi, a tapa Akhan in a ki-ap nate pawl khat la ahih manin Israel mite tungah Topa heh mahmah hi.

Piancilna 37:18

Amaute in gamlapi ah amah na mu uh a, amauteʼ nai ah amah hong tun ma-in amaute in amah thah ding na vaihawm uh hi.

Jeremiah 44:25

Vanglian Topa, Israel miteʼ Pasian in hong genin ah: Note le na zite un na khut bek uh tawh na sep uh hi loin na kam mahmah uh tawh, ‘Vantung kumpinuʼ tungah paknamtui hal ding le tui dawn biakna piak dingin ka kiciamnasa uh bangin ka sem taktak ding uh hi,’ ci-in na gen khinzo uh hi. Tua ahihleh na kiciamna uh kipsak ta unla, na kiciamna uh bangin sem dih un!

Sawltak 9:23

Tua zawh ni tampi khit ciangin Jew mite kikaikhawmin Saul thah sawm uh a,

Sawltak 9:24

ahi zongin Saul in amah a kisawm lamtak na phawk hi. Jew mite in Saul a thah theih nadingun a sun a zanin khua kongpi ah a pang uh hi.

Sawltak 23:13

Hih bangin a vaihawm mihing sawm li val bang a pha uh hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihteʼ suk ding lauhuaina, Gentail miteʼ suk ding lauhuaina, khuapi sung le gamlak ah lauhuaina, tuipi tungah lauhuaina, lawm man loteʼ hih ding lauhuaina a tuamtuamte ka phu kha hi.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Esther 2:22

Hih thu Mordekai in phawkin Kumpinu Esther kiangah ko a, Esther in Mordekaiʼ hong thupuak, ci-in kumpipa kiangah a gen sawn hi.