Sawltak 23:11 - Tedim Bible Revision 2017

¹¹ Tua zanin Paul kiangah Topa hong dinga, “Hang takin om in. Hih Jerusalem khua sungah keima thu genin teci na pan mah bangin Rom khuapi ah zong keima thu genin teci na pang ding hi,” a ci hi.

Tedim Bible

¹¹ Zing nitak ciangin Topa in Paul kiangah ding a, “Paul aw, lunghimawh kei in. Keima thu Jerusalem khua-ah na gen zo hi. Tua mah bangin Rom khua-ah zong ka teci thu na pang lai ding hi,” a ci hi.

Sawltak 23:11 Referans Kwoze

Sawltak 19:21

Hih bang thu teng a pian khit ciangin Masedonia gam le Akhaia gamah Paul zinin Jerusalem ah paisuak ding a ngaihsun hi. Tua khit ciangin Rom khua ah zong pai ning, a ci hi.

Sawltak 18:9

Zan khat, Paul in maang mu a, a maang sungah Topa in, “Lau kei in. Lungkia kei inla, na thugen zom in.

2 TIMOTI NIHNA 4:17

Ahi zongin Topa in kei hong ompih a, Gentail mi khempeuh tungah Pasianʼ thu a kicingin ka gen theih nadingin thahatna a hong pia hi. Tua ahih manin sih nading thukhenna pan hong suaktasak hi.

Mattiu 14:27

Jesu in amaute hopih pah a, “Na lungsim uh hangsak un. Keimah ka hi hi. Lau kei un,” a ci hi.

Filippi 1:13

Bang hang hiam cih leh Khris nasem ka hihna hangin thong kia ka hihna thu, inncing galkapte a kipanin mi khempeuh in a thei uh hi.

Isaiah 41:10

nang hong ompih ka hih manin lau kei in. Na Pasian ka hih manin lungkia kei in. Nang hong tha khauhsakin kong huh dinga, nang hong huhin ka hong hon khia ding hi.

Mattiu 9:2

Mi pawl khat in khutlekhe zaw mi khat, a lupna pheek tawh hong pua-in Jesu kiang a hong tunpih uh hi. Jesu in amauteʼ upna a muh ciangin a cina mipa kiangah, “Ka ta aw, na lungsim kinuamsak in; na mawhna hong kimaisak khinta hi,” a ci hi.

Isaiah 43:2

Tuite na kantan ciangin nang kong ompih dinga, gunte na kantan ciangin tui in hong tuum lo ding hi. Mei kantanin na pai ciangin na kaang kei dinga, meikuangte in nang hong kaang tum lo ding hi.

Isaiah 41:14

Lungno bang ahi lel Jakob, no Israel mite aw, lau kei un! Note kong huh ding hi, Topa in ci hi. Note hong honpa pen Israel-teʼ Siangtho Pa ahi hi.

Sawltak 22:18

Tua ka maang sungah Topa in kei kiangah, ‘Hih lai-a om mite in keima thu na gennate hong um lo ding uh ahih manin Jerusalem khua panin kuan khia mengmeng in,’ hong ci hi.

Sawltak 20:22

Tu-in ahihleh Kha Siangthoʼ hong sawlna mangin, kei tungah bang thu hong piang ding hiam, cih thei lopi-in Jerusalem khua ah a pai ding ka hi hi.

Sawltak 2:25

Bang hang hiam cih leh David in ama thu a genna ah, “‘Topa ka maingat tawntung a, ka tak lamah amah om ahih manin lungkhamna ka thuak kei ding hi.

Johan 16:33

Keimah tawh na hong kipawlna uh hangin lungnopna na neih theih nadingun hih thu a hong gen ka hi hi. Leitung gimna na thuak ding uh hi. Ahi zongin keimah in leitung nate zo khinta ka hih manin lungnuamin om un,” a ci hi.

Johan 14:18

“Note a cimawh dingin ka hong nusia kei ding hi. Note kiangah ka hong paikik ding hi.

Mattiu 28:20

Tua ciangin note tungah kong gen thute khempeuh a zuih nadingun na hilh un. Hun bei dongin note a hong ompih tawntung ding ka hihna thu phawk ta un,” a ci hi.

Isaiah 46:10

A kipat cil-in a tawpna ding thu ka pulak a, tanglai pek panin a piang nai lo nate genin, ‘Ka thugen kip dinga, ka ngimna khempeuh ka tungsak ding hi,’ ka ci hi.

Late 109:31

Bang hang hiam cih leh sih nading gimna a pia paʼ khut sung pan a hon khia dingin mi cimawh paʼ tak lamah amah hong ding hi.

Luka 16:28

Inn ah nau pasal nga ka nei lai a, keʼn gim ka thuakna hih lai munah hong tun khak loh teitei nadingun keiʼ gamtat bangin a gamtat loh nadingun hong hilhsak hen,’ a ci hi.

Sawltak 22:15

Tua ahih manin na muh sa le na zak sa thu khempeuh, mi khempeuh tungah genin teci a pang ding na hi hi.

1 KORIN MASA 9:1

Kei pen sawltak ka hi a, mihingteʼ khutnuai-a nasem ka hi kei hi. I Topa Jesu tawh a kimu mi ka hi a, Topa adingin na ka sepna hangin note pen thu um a suak na hi uh hi.