Sawltak 23:10 - Tedim Bible Revision 2017

¹⁰ Amauteʼ kitotna hong husia semsem ahih manin amaute in Paul bal thang gawp kha ding hi, ci-in galkap mangpa lunghimawh hi. Tua ahih manin galkapte in Paul va kai khia-in galkap inn ah a paipih nadingun thu a pia hi.

Tedim Bible

¹⁰ Kiseelna a tam ciangin amaute in Paul a sukgawp khak ding uh galkap mangpa lunghimawh ahih ciangin, galkapte paisakin Paul amaute lak pan zawhthawh thu-in la a, galkap innah a paipih dingun a sawl hi.

Sawltak 23:10 Referans Kwoze

Jeim 3:14

Ahi zongin na lungsim uh ah enna, gitlohna le huaihamna a om leh a zuaugen na hi uh a, pil ing, ci-in kisialh nading bangmah om lo hi.

Jeim 1:19

Sanggamte aw, note in na theih ding uh ka deih thu in: Thu kigen khempeuh hoihtakin ngai pahpah un. Ahi zongin pau pahpah kei unla, heh pakpak kei un.

Sawltak 22:24

Tua ciangin Rom galkap mangpa in galkap huang sungah Paul a paipih nadingun thu pia a, bang hangin Jew mite hih bangin ama tungah hehin awngkek gawp uh ahi hiam, ci-in a theih nadingin a satsak hi.

Sawltak 23:32

A zing ciangin khe galkapte kilehkik uh a, sakol tung tuang galkap teng bek a kha suaksak uh hi.

Sawltak 23:27

Jew mite in hih mipa manin that dektak uh hi. Rom gam mi ahih lam ka theih ciangin ka galkapte tawh pai-in ka va hon khia hi.

Sawltak 23:16

Ahi zongin hih a thahsawmna thu uh, Paul sanggamnuʼ tapa in za ahih manin galkap inn ah va pai-in Paul kiangah a va gen hi.

Micah 3:3

Ka miteʼ sa na ne tum uh hi. A vun uh hawkin, a guh uh na satkham uh a, beel a meh huan ding bangin na satnen gawp uh hi.

Late 50:22

“Tua ahih ciangin Pasian a mangngilh mite aw, hih thuciamteh un. Tua hikeileh note kong bal gawp ding hi. Note hong hon khia ding kuamah om lo hi.

Late 7:2

Kei hong hon kei lecin a hong hon ding dang kuamah om lo ahih manin amaute in humpinelkai bangin hong kai khia-in hong bal gawp ding uh hi.

Sawltak 21:37

Amaute in galkap huang sungah Paul a lutpih dektak laitakun Paul in galkap mangpa kiangah, “Nang tung thu tawm khat kong gen thei ding hiam?” ci-in a dot ciangin galkap mangpa in, “Grik pau siam hi lo na hi hiam?

Sawltak 23:28

Amauteʼ mawhsakna bang thu ahi hiam, ci-in thei nuam ka hih manin thusit dingin amauʼ uliante kiangah ka paipih hi.

2 KORIN NIHNA 11:26

Khual ka zinzinna lamin tuikhang lauhuaina, misuamte lauhuaina, ka mipihteʼ suk ding lauhuaina, Gentail miteʼ suk ding lauhuaina, khuapi sung le gamlak ah lauhuaina, tuipi tungah lauhuaina, lawm man loteʼ hih ding lauhuaina a tuamtuamte ka phu kha hi.

Sawltak 24:7

Ahi zongin galkap mangpa Lysias hong pai-in kote kiang panin amah hong kai khia hi.