Sawltak 22:8 - Tedim Bible Revision 2017

⁸ Kei zong, ‘Topa aw, kua na hi hiam?’ ci-in ka dot ciangin, ‘Nangmah in na hong bawlsiat, Nazareth khuami Jesu ka hi hi,’ a hong ci hi.

Tedim Bible

⁸ ‘Topa aw, kua na hi hiam?’ ci-in ka dot ciangin, ‘Na bawlsiat, Nazareth khua mi, Zeisu ka hi hi,’ hong ci hi.

Sawltak 22:8 Referans Kwoze

Sawltak 26:9

“Nazareth khuami Jesuʼ min a siattheih nadingin langpangin nial ding hi, ci-in kei mahmah in ka ngaihsun ngei hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.

Sawltak 6:14

Hih Nazareth khuami Jesu in biakinnpi phel gawpin, Moses tung pek panin a hong kipan ngeina khempeuh khel mang ding hi, ci-in a thuhilhna ka za uh hi,” a cisak uh hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesu Khris min vangliatna tawh hih mipa a ci damin hih lai ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 3:6

Peter in ama kiangah, “Sum ka nei peuhmah kei hi; ahi zongin ka neih kong pia ding hi. Nazareth khuami Jesu Khris min tawh, dingin lam na pai nadingin thu kong pia hi,” a cih khit ciangin,

Mattiu 25:45

Tua ciangin amah in, ‘Note kiangah kong genin ah: Hih mite a neu pen khat nangawn na huh loh uh ciangin kei a hong huh lo na hi uh hi,’ ci-in a dawng ding hi.

Mattiu 2:23

Nazareth khua ah a teeng uh hi. Kamsangte in, “Amah pen Nazareth khuami kici ding hi,” ci-in a gen kholhna a tun nadingin hih bangin a piang ahi hi.

Zekhariah 2:8

Hih bangin maang ka muh khit ciangin, ama miteʼ na a sut gawp minam dangte kiangah thu a gen dingin Vanglian Topa in kei hong sawl a, Topaʼ mite a su mi peuhpeuh in a mitnauta bangin a manpha pen khat a su ahi hi.

1 KORIN MASA 12:12

Pumpi pen khat bek hi napi-in na a tuamtuam a nei hi. Pumpi in na a tuamtuam tampi a neih hangin pumpi khat bek mah ahih veve mah bangin Khris zong pumpi na a tuamtuam a nei pumpi khat ahi hi.

Mattiu 25:40

Tua ciangin Kumpipa in amaute kiangah, ‘Note kiangah kong genin ah: Hih ka sanggamte a neu pen khat nangawn na limbawl uh ciangin kei tungah a hong bawl na hi uh hi,’ ci-in a dawng ding hi.

Sawltak 10:14

Ahi zongin Peter in, “Topa aw, tuate go-in ka ne het kei ding hi. A ninin a kingaihsun peuhmah ka ne ngei het kei hi,” ci-in a dawng hi.

Sawltak 22:7

Leilak ah pukin ka om laitakin awging khat ka za a, ‘Saul, Saul! Bang hangin kei hong bawlsia na hi hiam?’ hong ci hi.