Sawltak 22:1 - Tedim Bible Revision 2017

¹ “Pate, ute, khangualte aw, hih thu ah bangmah ka mawh lohna thu kong gen laitakin na ngai un,” a ci hi.

Tedim Bible

¹ “Ute naute leh pate aw, tu-ni ka mawhna kiphelh nading kong genna thu hong ngai ta un,” a ci hi.

Sawltak 22:1 Referans Kwoze

Sawltak 7:2

Stefen in, “Ute pate aw, ka thugen hong ngai un. I pupi Abraham, Haran khua ah a tenma, Mesopotamia gamah a om lai-in, ama kiangah a minthang Pasian kilang a,

2 TIMOTI NIHNA 4:16

Keimah kihut nading thu ka gen masak ni-in kuamah in hong kop pih loin hong taisan mang uh hi. Tua thu hangin mawhsakna thuak kei beek uh hen!

1 PETER MASA 3:15

Na lungsim sung uh ah Khris zahtak bawl unla, amah Topa-in nei un. Noteʼ lametna thu a hong dong a om khak leh hoihtakin a gen thei dingin kiging tawntung unla, ahi zongin lungnemna le zahtakna lim tawh gen un.

Filippi 1:17

Pawl khatte in ahihleh lungsim hoih tawh hi loin ka thongkiatna ah na ka sak semsem theih nadingin kei hong demna-in Khris thu a hilh uh hi.

Filippi 1:7

Lungdamna thu hangin ka thongkiatna le lungdamna thu man hi, ci-in pangin ka kipsak nading hun ka ngahna ah kei tawh a hong pangkhawm na hih manun ka lungsim sungah note na om tawntung uh a, hih zahta-in note ka hong phawk ding a kilawm thu mah ahi hi.

2 KORIN NIHNA 12:19

Note mai ah ka mawhna uh a kiphelphel bang khatin na hong ngaihsut khak uh leh tua bang hi lo hi. Lawmte aw, ka hihna khempeuh uh noteʼ phattuam nading ka deihna uh tawh Khris in koteʼ gen ding a hong deih bangin Pasianʼ mai ah thu genin nasem ka hi uh hi.

2 KORIN NIHNA 7:11

Hih noteʼ dahna pen Pasian in a hoih lamin hong zatsak ahih manin mawk om nawn loin lungsim takpi tawh kinna na nei uh a, hoih lo hi, ci-in ka hong gente lunghimawhin siansak nopna lungsim na nei uh hi. A thupiang sate hangin lau-in, lunghimawhin a hoih lote gim na pia nuam uh hi. Hih thu khempeuh ah note na paubaan nading uh a om lo hong suaksak hi.

1 KORIN MASA 9:3

Mite in kei hong mawhsak uh ciangin ka gen thu in:

ROM (Romans) 2:15

Amauʼ lungsim sungah thukhamʼ deihnate om khin ahihna thu a gamtatna un hong kilangsak hi. Amau mahmah zong khat veivei hoih kisa, khat veivei sia kisa uh ahih manin, amauʼ lungsim sungah thukhamʼ deihnate theihna om khin ahihna thu, hih amauʼ kiphawk tawmna lungsim in nakpi takin hong kitelsak hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pateʼ ngeina tawh kisai-in ahi zongin khialhna bangmah nei lo napi-in Jerusalem khua ah hong kimanin thong ah hong kikoih a, Rom kumpiteʼ khut sungah hong ki-ap hi.

Sawltak 26:24

Hih bangin amah kiphelna thu Paul in a gen ciangin Festas in, “Paul aw, mihai na hi ta hi. Na pil sinna teng in mihai hong suaksak ta hi,” ci-in nakpi takin a kiko hi.

Sawltak 25:16

Ahi zongin keʼn ka dawnna ah, ‘Mi khat peuhpeuh in mawhsakna a thuak ciangin, mawhsakna a thuak pa le a mawhsakte maitang kimu-in thu kiseel a, mawhsakna a thuak pa in amah a kiphel theih nading thugenna hun a ngah matengin, mawhsak thukhenna piak ding pen Rom ngeina hi lo hi,’ ka ci hi.

Sawltak 25:8

Paul in, “Jew miteʼ Thukham ahi a, Rom gam uk kumpipa tungah ahi zongin ka khialhna bangmah om het lo hi,” ci-in a kisut hi.

Sawltak 24:10

Paul in thu a gen nadingin menzipa in a khut tawh a lah ciangin Paul in, “Hih minamte tungah thukhenin sau veipi na om khitna thu ka hong thei hi; kei hong kimawhsaknate nangma mai ah phel theih nading hun ngah ka hih manin ka nuam mahmah hi.

Sawltak 23:6

Paul in tua uliante lakah Saddusi mi le Farisi mi a om lam a muh ciangin amaute kiangah, “Lawmte aw, kei pen Farisi miteʼ suan ahi Farisi mi ka hi hi. Misite hingkik ding hi, ci-in lamenin upna ka neih manin hih lai ah thusitna ka thuak hi,” a ci hi.

Sawltak 23:1

Paul in ulian kikhawmte limtakin enin, “Lawmte aw, tu ni ciang dong ka nuntak sung tawntung, Pasian mai ah kisuanna ka nei het kei hi,” a cih leh

Sawltak 19:33

Jew mite in mihonpi mai ah Alexander hong dingsak uh ahih manin, mi pawl khat in hih thupiang ama hang hi, ci-in ngaihsun uh hi. Alexander in mihonte a gamdaih nadingin a khut hong van a, a mawh lohna uh thu a gen dingin hong kipan hi.

Sawltak 13:26

“Abrahamʼ suan ka behte le Pasian a bia Gentail mi khempeuh aw, hih hotkhiatna thu pen eite adingin Pasian in a hong puak ahi hi.

Luka 21:14

Tua hun ciangin eite in bangci gen ding cih lunghihmawhin nei kei un.

Luka 12:11

Thusitna a thuak dingin kikhopna inn ah ahi a, hausa zumah ahi zongin hong paipih uh ciangin bang gen dinga, bangci kihut ding ka hi hiam, ci-in lunghimawh kei un.