Sawltak 21:8 - Tedim Bible Revision 2017

⁸ A zing ciangin ding leuleu-in Sisaria khua ka tung uh a, Pasian thu a hilh Filip’ inn ah tungin tua lai ah ka taam uh hi. Tua pa pen Jerusalem khua-a a kiteel mi sagihte sungah a kihel ahi hi.

Tedim Bible

⁸ zingsang ciangin paikikin Kaisaria khua-ah ka tung uh a, Sagihte laka khat ahi thuhilhsia Filip, innah tungin ka om uh hi.

Sawltak 21:8 Referans Kwoze

Sawltak 6:5

A vekpi-un sawltakteʼ thugente thukimpih uh ahih manin, Kha Siangtho tawh kidimin upna a nei Stefen, Filip, Prokhoras, Nikanor, Timon, Parmenas le Antiok khua pan Gentail mi ahi Jew biakna a zui Nikolas a teel uh hi.

Efesa 4:11

Amah in mite tungah siamna a tuamtuam hong pia a, pawl khatte sawltak nasep a sem ding, pawl khatte kamsang nasep a sem ding, pawl khatte thuhilh kawikawi nasep a sem ding, pawl khatte pawlpi kem nasep a sem ding le pawl khatte laihilh nasep a sem dingin a hong seh hi.

2 TIMOTI NIHNA 4:5

Ahi zongin nang na hih leh thu khempeuh ah na lungsim ki-ukin haksatnate na thuak inla, Pasianʼ thugen nasep semin, na nasepna ah maa na tun in.

Sawltak 28:16

Rom khua ka tun khit uh ciangin Paul pen ama ututna ah a om theih nadingin thu kipia a, a tai khak loh nadingin galkap khat bek kicingsak hi.

Sawltak 16:13

A Sabbath ni ciangin Jew miteʼ thungetna mun om ding hi, ci-in ka upna uh khua pualam a gun gei ah ka pai uh a, tua lai ah tu-in a kikhawm numeite tungah thu ka hilh uh hi.

Sawltak 16:10

Paul in maang a muh khit phetin, tua lai-a om mite kiangah Lungdamna Thu a hilh dingin Pasian in eite hong sam hi, ci-in ngaihsun ka hih manun Masedonia gamah a pai dingin ka kithawi pah uh hi.

Sawltak 9:30

A lawmte in hih thu a phawk uh ciangin Sisaria khua ah Saul paipih suk uh a, tua lai panin Tarsas khua ah a ciahsak uh hi.

Sawltak 28:11

Tua lai ah kha thum ka om khit uh ciangin Alexandria khua panin a hong pai, tua tuikulh tungah phalbi sung a taam, “Pasian Nih,” lim a kisuang teembaw tungah ka tuang leuleu uh a,

Sawltak 27:1

Italy gamah teembaw tawh ka pai ding uh thu a khen khit uh ciangin Paul le thong kia dangte pawl khat, “Kumpipaʼ Galkapte,” a kici Rom galkapte a uk bu Juliasʼ khut sungah a ap uh hi.

Sawltak 23:23

Tua ciangin galkap mangpa in galkap bute nih samin, “Sisaria khua ah a pai ding galkap za nih sam unla, sakol tung tuang galkap sawm sagih le tei tawi galkap za nih tawh zong pai unla, tu zan nai kua hunin ding khia un.

Sawltak 20:13

Tua ciangin Paul in, Assos khua ciang dong khe-in pai ning, ci-in ko kiangah hong gen ahih manin, Troas khua panin teembaw tuangin Assos ah ka pai uh a, tua khua ah Paul tawh a kituah ding ka hi uh hi.

Sawltak 20:6

Silngo Sawh loh Anlum Pawi a ven khit ciangin Filippi khua panin teembaw tawh ka ding uh a, ni nga khit ciangin Troas khua tungin amaute tawh ka kimu uh a, tua lai ah nipikal khat sung ka taam uh hi.

Sawltak 18:22

Sisaria khua a tun ciangin Jerusalem khua ah pai-in pawlpite va hopih a, tua ciangin Antiok khua ah a pai hi.

Sawltak 16:16

Ni khat, thungetna mun a zuan dingin ka pai laitakun mailam thu a gen thei dawivei nasem numei khat in kote hong dawntuah hi. Tua numei in mailam thu a genna tawh a tote adingin sum tampi a ngahsak hi.

Sawltak 10:1

Sisaria khua ah Kornelias a kici mi khat om a, Rom galkap honte sung panin “Italy Galkapte,” a kici sungah galkap bu a sem ahi hi.

Sawltak 21:16

Sisaria khua panin thu um mi pawl khat in zong hong zui uh a, ka tun nading uh Mnasonʼ inn ah hong paipih uh hi. Mnason pen Saipras tuikulh gam mi hi a, sawt pek a kipanin thu um mi a na hi khin sa ahi hi.