Sawltak 21:23 - Tedim Bible Revision 2017

²³ Tua ahih manin kong gen bangun gamta in. Pasian tungah thuciamna a bawl khin sa mihing li om hi.

Tedim Bible

²³ Na tun’na thu a za ding uh hi. Tua ahih ciangin ka cih uh mah bangin na hih ta in. Thu kiciamsa mi li ka nei uh hi.

Sawltak 21:23 Referans Kwoze

Sawltak 18:18

Korin khua ah ni tampi sung thu um mite tawh Paul om khawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Gamlak-vakna 6:13

“A tuam om hun a cin ciangin zuih ding Nazir ngeinate: Kikhopna buk kongah amah kipaipih dinga,

Gamlak-vakna 6:18

Tua Nazir mipa in a ki-ap a sam, kikhopna buk kongah met dinga, a ki-ap ama lutang panin a samte la-in thunuam a biakpiakna nuai ah a om mei sungah hal ding hi.

Sawltak 21:22

Hih lai nong tun khitna thu amaute in pel loin za khin ding uh ahih manin bang cih ding ihi hiam?

1 KORIN MASA 9:20

Jew mite lakah na ka sep ciangin amaute ka ngah zawh nadingin Jew mite khat mah bangin ka gamta a, Moses Thukham ka zuih ding a kisap loh hangin a zuite ka ngah zawh nadingin amaute lakah na ka sep ciangin amaute mah bangin ka gamta hi.