Sawltak 21:2 - Tedim Bible Revision 2017

² Tua lai panin Foenisia gamah a pai ding teembaw khat na om ahih manin tua teembaw tuangin ka pai uh hi.

Tedim Bible

² Foenisia gamah a pai ding teembaw khat ka muh uh ciangin tuangin ka pai uh hi.

Sawltak 21:2 Referans Kwoze

Sawltak 27:6

Tua lai panin bupa in Alexandria khua pan Italy gam a manawh ding teembaw khat hong mu ahih manin tua teembaw tungah kote hong tuangsak hi.

Sawltak 15:3

Amaute a pai uh ciangin pawlpi mite in khua nawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 11:19

Stefen a kithah huna bawlsiatna hangin thu um mite tampi kithehthang uh hi. Mi pawl khatte Foenisia gam, Saipras gam le Antiok khua ciang dong tung uh a, Jew mite kiang bekah Pasianʼ thu a hilh uh hi.

Jonah 1:3

Ahih hangin Topaʼ kiang pan Jonah tai khia-in Tarshish khua lamah a taisim dingin a kithawi zawsop hi. Joppa khua ah pai suk a, Tarshish khua a zuan ding teembaw khat a mu hi. A sap man ding pia-in a tungah kah a, Topaʼ kiang pan a tai khia dingin teembaw hawlte tawh Tarshish khua ah a pai hi.

Sawltak 21:3

Saipras tuikulh a kigal muhna mun ka tun uh ciangin tua tuikulh leitaw lam pang kantanin Syria gam lam manawhin ka paisuak uh a, Taia khua ka tun uh ciangin teembaw in a van puakte suah ahih manin teembaw tung pan ka tuak khia uh hi.