Sawltak 21:11 - Tedim Bible Revision 2017

¹¹ Koteʼ kiangah amah hong pai-in Paulʼ kawnggak hong laksak a, tua kawnggak tawh ama khut le a khete a gakcip khit ciangin, “Kha Siangtho in, ‘Jerusalem khua sungah hih bangin Jew mite in hih kawnggak nei pa hencip dinga, Gentail miteʼ khut sungah pia ding hi,’ ci hi,” a hong ci hi.

Tedim Bible

¹¹ Tua pa in kote kiangah hong tung a, Paul’ kawnggak la-in, a khut a khe a hen khit ciangin, “Hih kawnggak neipa Jerusalem khua-ah a om Judah mite in hih bangin henin, Gentailte’ khut tungah a pia ding uh hi,’ ci-in Kha Siangtho in hong ci hi,” a ci hi.

Sawltak 21:11 Referans Kwoze

Sawltak 21:33

Paul kiangah galkap mangpa hong pai-in man a, sikkhau nih tawh Paul a khih nadingun thu a pia hi. Tua ciangin, “Hih mipa kua hi a, bang gamta ahi hiam?” ci-in a dot ciangin,

Sawltak 20:23

Thongkiatna le gimna ka thuak nading thu bekbek, ka omna khua khempeuh ah Kha Siangtho in hong gen tawntung hi.

1 KUMPI MASATE 22:11

Tua ciangin Khenaanahʼ tapa Zedekiah in ama adingin sik kite bawl a, “Topa in hih bangin ci hi: ‘Amaute na zawh matengin hihte tawh Syria mite na nawt ding hi,’ ci hi,” a ci hi.

1 PETER MASA 1:12

Vantung panin a hong kisawl Kha Siangthoʼ vangliatna tawh thu a gen thupuakteʼ tung panin na zak uh Thute mah kamsangte in a gen laitakun, tua a thugente uh amaute ading hi loin note ading ahihna thu, Pasian in tua kamsangte tungah a na gen zo hi. Vantung mite nangawn in hih thute a theih tel nop khat uh ahi hi.

Hebru 10:34

Note in a hoih zaw, a kip zaw nate a nei na hih lam uh kithei na hih manun thong kia mite thuakpih ngamin, na neihsa uh hong kilaksak hangin zong lungdam takin na om thei veve lai uh hi.

Hebru 3:7

Tua ahih ciangin Lai Siangtho sungah, “Tu ni-in Pasianʼ aw na zak uh leh

2 TIMOTI NIHNA 2:9

Ama hangin a kingah Lungdamna Thu ka hilh manin gimna ka thuak a, mi that bangin sikkol hong kibulh hi. Pasianʼ thu ahihleh sikkol kibulh thei lo hi.

Efesa 6:20

Pasianʼ thu genin taangmi ka sepna hang mahin sikkhau khihna thuakin thong kia ka hih manin ka hilh dingin a kilawm bangin hang takin ka gen ngam nadingin thu hong ngetsak ta un.

Efesa 4:1

Tua ahih ciangin Topaʼ na ka sepna hangin thong a kia keimah in noteʼ nuntak zia dingin a hong deihna tawh a kilawm a kituakin na nuntak nadingun ka hong hanthawn hi.

Efesa 3:1

No Gentail mite hangin Jesu Khris thu tawh kisai-in thong kia keimah Paul in Pasian kiangah thu ka ngen hi.

Sawltak 28:25

Tua ciangin Paul in, “Kha Siangtho in kamsang Isaiah tungtawnin na pu na pate uh tungah a thugen man mahmah hi. Tua a genna ah, ‘Pai inla, hih mite tungah hih bangin va gen in: Thu na ngaihngaih uh hangin na tel kei ding uh a, na etet uh hangin na mu kei ding uh hi. Bang hang hiam cih leh hih mite lungsim mawk a, a bil uh humcip uh a, mit sicip uh hi. Tua bang hi kei le-uh, a mit un khua mu dinga, a bil un khua za dinga, a lungsim un thu mu thei ding hi. Tua bang hileh kei lamah hong kihei ding uh a, keimah in amaute ka damsak ding hi,’ ci-in a gen hi,” a cih khit ciangin amaute khatlekhat kithutuak loin a paikhia uh hi.

Sawltak 28:20

Israel mite in a lamet uh mipaʼ hangin sikkhau khihna thuakin thong kia mi ka suak hi. Hih thute khempeuh note kiangah hong gen nuam ka hih manin a hong samsak ka hi hi,” a ci hi.

Sawltak 28:17

A tunzawh ni thum khit ciangin Paul in Jew makaite sam a, amaute hong kikhop ciangin amah in, “Ute naute aw, i mipihte tung ahi a, i pu i pateʼ ngeina tawh kisai-in ahi zongin khialhna bangmah nei lo napi-in Jerusalem khua ah hong kimanin thong ah hong kikoih a, Rom kumpiteʼ khut sungah hong ki-ap hi.

Sawltak 26:29

Paul in, “Nangmah a kipan tu ni-a ka thugen a za mi khempeuh hun tomno sung ahi a, hun sau sungin ahi zongin, hih bangin sikkhau hong kikhihna sim loh, keimah nong batkim nadingun Pasian kiangah thu ka ngen hi,” a ci hi.

Sawltak 24:27

Ahi zongin tua zawh kum nih hong bei ciangin Feliks sepna pen Porsias Festas in hong laih hi. Feliks in Jew miteʼ pahtak ding ut ahih manin thong sungah Paul a omsak suak hi.

Sawltak 22:25

Amaute in sat dingin a hen khit uh ciangin Paul in a gei-a ding galkap bupa kiangah, “Khial hi, ci-in thu nangawn a kisit nai lo Rom mi khat na sat ding uh ngeina ahi hiam?” a ci hi.

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sung tengah a zin uh hi.

Sawltak 13:2

Amaute in an tangin Pasian bia-in a om laitakun Kha Siangtho in amaute kiangah, “Keima na a sem dingin ka sap sa ahih manin kei adingin Barnabas le Saul hong pia khia un,” a ci hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

Hosea 12:10

Kamsangte tungah thu ka gen hi. Maangmuhna a banbanin pia-in, kamsangte tungah thu gentehna tawh thu a gen pa zong keimah ka hi hi.

Isaiah 20:2

Tua hun ma kum thum laitakin Topa in Amozʼ tapa Isaiah tungtawnin thu genin, “Na puanhampi suah inla, na khe panin na khedapte suah in,” a ci hi. Amah zong tua mah bangin gamta-in, tangguak le kheguak tawh lam a pai hi.

Jeremiah 19:1

Topa in hong hopih a, “Beelseek pa kiangah pai inla, leibeel khat va lei in. Miteʼ lakah upa pawl khat le siampi upa pawl khat tonpih inla,

Johan 18:1

Jesu in tu-a bangin thu a nget khit ciangin a nungzuite tawh Kidron lui kantanin a pai hi. Tua lai ah huan khat om a, tua huan sungah a nungzuite tawh a lut hi.

Sawltak 8:29

Tua laitakin Kha Siangtho in Filip kiangah, “Pai inla tua leeng mai ah va om in,” ci-in a sawl hi.

Sawltak 21:4

Tua khua ah ka kan uh leh thu um mi pawl khat na om uh a, amaute kiangah nipikal khat sung ka taam uh hi. Jerusalem khua ah Paul a pai loh nadingin Kha Siangthoʼ lamlahna tawh amaute in a gen uh hi.

1 TIMOTI MASA 4:1

Nidang ciangin a upna panun mi pawl khat pialin, zuau thu gente le dawi thu a kigente a zuih nading uh Kha Siangtho in teltakin a gen hi.