Sawltak 20:7 - Tedim Bible Revision 2017

⁷ Sani nitakin an nekhawm dingin ka kikhawm uh a, a zing ciangin a ding khia ding ahih manin Paul in a thuhilh zankim ciang dong a zomsuak hi.

Tedim Bible

⁷ Ni sagih sung pan ni masa bel ni-in khomun balnen dingin ka kikhop lai takun, Paul in zingsang cianga pai sawm ahih manin amaute tawh kihopih a, zankim dongin thu a hilh hi.

Sawltak 20:7 Referans Kwoze

1 KORIN MASA 16:2

Kei ka hong pai ciangin sumpi kaihkhop tawm a om loh nadingin na ngahna uh tawh kizui-in Nipi simin na tuam koih unla, na na khol un.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an ne khawmin, thu zong a ngen khawm uh hi.

Johan 20:19

Tua ni pen Nipi ni nitak lam hi a, nungzuite zong a nitakin inn sung khat ah a kikhop laitakun Jerusalem khua-a Jew mi uliante a kihtakna uh hangin inn a kikalhnelh uh hi. Tua bang hi napi-in amaute lakah Jesu hong dinga, “Nopna ngah ta un,” ci-in a hopih hi.

Johan 20:1

Nipi ni zingsang khuavak ma-in Magdala khuami Mary zong hanah va pai-in a et ciangin hankhuk kihukna suangtum a kilik khia khin a mu hi.

Mangmuhna 1:10

Topaʼ ni-in Kha Siangtho tawh kidimin ka om laitakin peengkul bangin a gingpha mahmah khat ka nung lamah ka za a,

Sawltak 20:11

Tua ciangin inn dawl tungnung ah kah tokikin anlum balnenin thu um mite tawh a nekhawm hi. Zingsang khuavak dong amaute tawh thu kikum uh a, tua ciangin a ding khia hi.

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Sawltak 20:9

Tawlet gei ah Eutikhas a kici tangval khat tu a, Paul in a thugen zomzom ahih manin tua tangvalpa a ihmut suakin lusu a, a sawtna ciangin ihmusip kha-in inn dawl thumna panin leilak ah a kia suk hi. Amaute in a va phot uh ciangin amah na si khinta hi.

Luka 24:35

Tua ciangin tua mi nihte in zong a lam pai laitak uh a thupiang teng le anlum a balnen ciangin Topa ahih lamtak a theihnate uh a gen uh hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

1 KORIN MASA 10:16

Nekkhawm bawlna ah leenggahzu hangin Pasian tungah lungdamna ko-in i dawn ciangin Khris sisan hangin thuphate eite in zong a ngahkhawm cihna hi lo ahi hiam? I balnen anlum i nek ciangin zong Khris pumpi hangin thuphate mah a ngahkhawm cihna hi lo ahi hiam?

Sawltak 20:31

Tua ahih ciangin limtakin kiging unla, kum thum sung tawntung khitui naptui tawh note khempeuh ka hong thuhilhna na ciamteh un.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Johan 20:26

Tua zawh nipikal khat ciangin nungzuite zong inn sung khat ah kikhawm leuleu uh a, tua hunin Thomas zong a om hi. Amaute kong kikhaknelh uh hi napi-in Jesu hong pai-in amaute lakah hong dinga, “Nopna ngah ta un,” ci-in a hopih khit ciangin

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Nehemiah 9:3

Tua ciangin amauʼ omna mun ciat uh ah dingin Topa amauʼ Pasianʼ thukham laibu nai thum sung sim uh a, a dang nai thum sung amaute in mawhna pulakin Topa a Pasian uh zahtakna a bawl uh hi.

Nehemiah 8:3

Tua ciangin amah in Tui Kongpi mai-a om tualpi lam mai ngatin zingsang tung a kipan sun ciang dong, numei pasal le thu a tel thei ding miteʼ zakin tua laibu sunga thute sim a, mi khempeuh in tua thukham laibu sunga thu kisimte limtakin a ngai uh hi.

2 TIMOTI NIHNA 4:2

hunhoih hunsia cih khen tuan loin Pasianʼ thu hilh ding na kin ngaihsut nading, lungduaina tawh miteʼ lungsim zo-in, mite taii-in, hanthawnin na hilh nadingin thu a hong pia ka hi hi.

Marka 16:9

(Sihna panin Jesu a thawhkik khit ciangin ama sung pan dawi sagih a hawl khiatna, Magdala khuami Mary tungah Nipi ni zingsang tungin kilang masa hi.

Sawltak 16:10

Paul in maang a muh khit phetin, tua lai-a om mite kiangah Lungdamna Thu a hilh dingin Pasian in eite hong sam hi, ci-in ngaihsun ka hih manun Masedonia gamah a pai dingin ka kithawi pah uh hi.

Sawltak 20:5

Amaute na mapai uh a, Troas khua ah kote hong ngak uh hi.