Sawltak 20:21 - Tedim Bible Revision 2017

²¹ Jew mi le Gentail mite a mawhna panun Pasianʼ lamah kihei-in i Topa Jesu a up nadingun thu ka gen khinzo hi.

Tedim Bible

²¹ Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 20:21 Referans Kwoze

Sawltak 2:38

Tua ciangin Peter in amaute kiangah, “Na mawhna uh kisik unla, na mawhna uh hong kimaisak theih nadingin Jesu Khris min tawh tui kiphum ciat un. Tua hileh Pasianʼ piakkhong Kha Siangtho na ngah ding uh hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Sawltak 20:24

Ahi zongin Topa Jesu in kei sep dingin a hong piak, Pasian hehpihna hangin Lungdamna Thu, mite kiangah gen ding nasep ka tangtut zawh nakleh kei nuntakna ah bangbang hong piang taleh a thupi-in ka ngaihsun kei hi.

Luka 13:3

Hi lo hi. Keʼn kong cih in ah, na mawhna panun na kisik kei uh leh amaute mah bangin note zong na si ding uh hi.

2 KORIN NIHNA 7:10

Tua na dahna uh hotkhiatna ngah theih nadingin na lungsim uh na kheel nadingun Pasian in hong zang ahih manin dah nading bangmah om lo hi. Ahi zongin hih leitung dahna lelte in ahihleh sihna piangsak hi.

ROM (Romans) 10:9

Jesu pen Topa hi, ci-in mite kiangah genin, Pasian in sihna panin amah hingkiksak zo hi, ci-in na lungsim sung uh ah na up taktak uh leh hotkhiatna na ngah ding uh hi.

Sawltak 26:18

Pasianʼ teel miteʼ omna mun a amau om nading mun sanah hong om theih nadingun keimah hong upna uh tawh a mawhna uh a kimaisak theih nadingin Satanʼ khut sung panin Pasianʼ khut sungah a hei khia ding le khuamial panin khuavak lamah hei-in a mit uh khua a musak ding pa na hi hi,’ a hong ci hi.

Luka 24:47

Jerusalem khua a kipan minam khempeuh tungah a mawhna uh kisikin a kimaisak nading thu, ama min tawh kihilh ding hi, ci-in kigelh hi.

1 JOHAN MASA 5:5

Kuate in leitung nate zo ding ahi hiam i cih leh, Jesu pen Pasianʼ Tapa hi, ci-in a umte bek in zo ding uh hi.

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

1 JOHAN MASA 5:1

Jesu, Khris hi, ci-in a um mi khempeuh Pasianʼ tate hi a, pa a it mi peuhmah in a ta zong a it hi.

Efesa 1:15

Note in Topa Jesu na muanna thu uh le thu umte khempeuh na itna thu uh ka zak hun a kipanin,

Galati 2:20

Tua ahih manin tu hun a ka nuntakna zia pen kei hang hi nawn loin ka sungah a hong om Khris hang ahi hi. Tua hi a, keimah hong itin, keima adingin a nuntakna a hong pia Pasianʼ Tapa ka muanna tawh tu laitakin a nungta ka hi hi.

ROM (Romans) 5:1

Tu-in upna hangin Pasian tawh kipawl khinta ihih manin i Topa Jesu Khris hangin Pasian tawh a kilemkik ta ihi hi.

ROM (Romans) 4:24

Sihna panin i Topa Jesu a hingsak pa a um eite khempeuh zong i upna hangin mihoihin hong kisang ding hi, ci-in eite adingin zong a kigelh ahi hi.

ROM (Romans) 1:16

Lungdamna Thu ka muang mahmah hi. Tua thu pen a masa-in Jew mi, tua zomin minam dangte, thu um mi khempeuh a hon khia zo Pasianʼ vangliatna ahi hi.

Sawltak 17:30

Pasian in mihingteʼ theih loh hun lai-a a gamtatnate uh phamawh a sak loh hangin, tu-in mun khempeuh a om mi khempeuhte a gamtat siatna panun a kihei nadingun thu a hong pia khinzo hi.

Marka 6:12

Tua ahih ciangin amaute kuan khia uh a, mite a mawhna panun a kisik nadingun thu a hilh uh hi.

Marka 1:15

“A hunhoih hong tung ta a, Pasianʼ Uk ding hun hong kipan ta hi. Na mawhna uh kisikkik unla, hih Lungdamna Thuthak um un,” ci-in a hilh hi.

Mattiu 4:17

Tua hun a kipan Jesu in thuhilh ding kipan a, “Vantung ki-ukna hong nai ta ahih manin kisikin na om zia uh kheel un,” ci-in thu a hilh hi.

Galati 3:22

Ahi zongin Jesu Khris a um mite tungah a upna hangun Pasianʼ thuciam a kipiak theih nadingin Lai Siangtho in, “Mawhna khutnuai ah leitung mi khempeuh a om hi,” na ci hi.

Galati 2:16

Ahi zongin Jesu Khris upna hang bek tawh Pasian tawh kipawl theihna kingahin, Thukham zuihna hang tawh kingah ngei lo hi, ci-in ka thei uh hi. Kote mahmah in zong, Khris hangin Pasian tawh ka kipawl theih nadingun Jesu Khris ka um uh a, Thukham deihna ka zuihna hang uh tawh hi lo hi. Bang hang hiam cih leh Thukham zuihna hang tawh kuamah in Pasian tawh kipawl theihna ngah zo lo hi.

1 KORIN MASA 1:22

A up theih nadingun Jew mite in nalamdang kal uh a, Grik mite in pilna a thupisak uh hi.

ROM (Romans) 2:4

Pasian migi-in thu a diah hithiatna pen na kisikkik theih nading uh a deihna ahih lamtak phawk kha loin, a migitna, a lungduaina, a hong thuaknate neu ngaihsut kha na hi uh hiam?

ROM (Romans) 1:14

Nuntakna sang mite le nuntakna niam mite, mipilte le mihaite, a kuamah peuh ka huh ding ka tavuan ahih manin,

Sawltak 28:23

Tua ahih manin Paul tawh a kimuh nading uh a ni khat seh uh a, tua a kiciam ni-un Paul a zintunna munah Jew mite tampi tak a kikhawm uh hi. Paul in zingsang a kipan nitak dongin amaute tungah Pasianʼ Ukna thu gen tel a, Jesuʼ thu man hi, ci-in a up theih nadingun Moses Thukham le kamsangteʼ laigelhte siksanin a gen hi.

Sawltak 16:31

Amaute in, “Topa Jesu um in. Tua hileh nang le na innkuanpihte in hotkhiatna na ngah ding uh hi,” ci-in a dawng uh hi.

Sawltak 10:43

Amah a um mite khempeuh in ama min hangin a mawhna uh a mai nading thu, kamsangte khempeuh in zong gen belin a neih khat uh ahi hi,” a ci hi.

Sawltak 8:25

Amaute in Jesu Khris thu a theihte uh genin Topaʼ thugente a hilh khit uh ciangin Jerusalem khua ah a ciahkik uh hi. A ciahkik kawmun Samaria khua neu lampite ah Lungdamna Thu a hilh uh hi.

Sawltak 3:19

Tua ahih ciangin na mawhnate uh hong sawp siangsak theih nading, Topa kiang panin a hong pai lungsim nopna hun na ngah theih nading uh le note adingin a seh sa Jesu Khris a hong sawl theih nadingin na mawhna uh kisik unla, Pasian kiang zuan un.

Sawltak 2:40

Tua ciangin Peter in amaute tungah thu tampi gen thuahin hanthawn a, “Hih migiloteʼ gimthuak ding na tuah khak loh nadingun nomau mah in na suahtak nading uh lampi zong ciat un,” a ci hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Johan 3:36

Tua ahih manin Tapa a um mi peuhmah nungta tawntung dinga, Tapaʼ thu a mang lote in nuntak mu lo dinga, amaute tungah Pasian heh tawntung ding hi,” a ci hi.

Luka 15:10

Tua mah bangin mawhnei mi khat a kisikkikna hangin Pasianʼ vantung mite lungdam mahmah uh hi,” a ci hi.

Luka 15:7

Tua mah bangin kisikkik ding a kisam lo mihoih sawm kua le kuate tungah lungdamna sangin mawhnei mi khat a kisikna hangin vantungah lungdamna lian zaw ding hi,” a ci hi.

Luka 13:5

Hi lo hi. Keʼn kong cih in ah, na mawhna panun na kisikkik kei uh leh note zong amaute mah bangin na si ding uh hi,” a ci hi.

Mattiu 3:2

“Vantung ki-ukna hun hong nai ta ahih manin na mawhnate uh kisikkik un,” a ci hi.

Kolose 2:5

Bang hang hiam cih leh note tawh ka hong om khawm loh hangin ka lungsimin note tawh ka hong om khawm a, Khris na upna uh hangin kip takin na om khawmna uh ka theih manin ka nuam mahmah hi.

Sawltak 24:24

Tua zawh a sawt loin Feliks le Jew mi ahi a zi Drusilla, Paul a kikhumna ah hong pai-in amah sam khiasak uh a, Paul in Jesu Khris upna thu a gennate a nupa-un a ngai uh hi.

Sawltak 19:17

Efesa khua-a om Jew mi le Gentail mi khempeuh in hih thu za-in lau mahmah uh a, Topa Jesuʼ min nakpi takin a kiphat semsem hi.

Luka 16:28

Inn ah nau pasal nga ka nei lai a, keʼn gim ka thuakna hih lai munah hong tun khak loh teitei nadingun keiʼ gamtat bangin a gamtat loh nadingun hong hilhsak hen,’ a ci hi.

Sawltak 20:23

Thongkiatna le gimna ka thuak nading thu bekbek, ka omna khua khempeuh ah Kha Siangtho in hong gen tawntung hi.