Sawltak 20:2 - Tedim Bible Revision 2017

² Hih gam sungah khualzinin hanthotna tampi a gen khit ciangin Grik gamah pai a,

Tedim Bible

² Tua gamah paisuakin thu-um mite a hansuah khit ciangin Grik gam a tung hi.

Sawltak 20:2 Referans Kwoze

1 THESALONIKA MASA 4:1

Tu-in sanggamte aw, Pasianʼ deihna le ama lungkim nadingin bangci nuntak ding cih thu kote kiang panin na theih sa uh thute tawh kizui-in na nuntak sa uh ahih mah bangin a kicing zaw semsemin na nuntak nadingun i Topa Jesu min tawh hong thumin ka hong hanthawn uh hi.

1 THESALONIKA MASA 2:3

Kote in thu kong hilh uh ciangin thuman lo, ngimna hoih lo le khemnopna lungsim tawh a hong hilh ka hi kei uh hi.

Kolose 1:28

Tua ahih manin a milip tungah Khrisʼ thu ka hilh uh a, Khris tawh a kipawlna uh hangin a milipin a khang cingin Pasianʼ omna ah ka tunpih theih nadingun a milip tungah hilhin ka gen khol uh hi.

1 THESALONIKA MASA 2:11

Pa in a tate a bawl bangin note ka hong bawlna uh na thei uh hi.

Sawltak 20:11

Tua ciangin inn dawl tungnung ah kah tokikin anlum balnenin thu um mite tawh a nekhawm hi. Zingsang khuavak dong amaute tawh thu kikum uh a, tua ciangin a ding khia hi.

Sawltak 17:10

Tua zan ciangin thu um mite in Berea khua ah Paul le Silas a paisak uh hi. Tua khua a tun uh ciangin Jew mite kikhopna inn ah a pai uh hi.

Sawltak 17:1

Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 16:12

Tua khua panin khe tawh pai-in Masedonia gam sunga om Rom mite a teenna Filippi khua ka tung uh a, tua khua ah ni tampi sung ka taam uh hi.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Sawltak 2:40

Tua ciangin Peter in amaute tungah thu tampi gen thuahin hanthawn a, “Hih migiloteʼ gimthuak ding na tuah khak loh nadingun nomau mah in na suahtak nading uh lampi zong ciat un,” a ci hi.

Zekhariah 9:13

Grik mite, sim nadingin Judah, thal bangin keekin, Israel thaltangin ka zang dinga, Zion mite, namsau-in ka zang ding hi.

Luka 3:18

Tua bangin a lam tuamtuamin Johan in mite hanthawnin Lungdamna Thu a hilh hi.

Sawltak 20:1

Hih buaina thu a ven ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

Sawltak 20:3

tua gamah kha thum sung a taam hi. Syria gam manawh dingin a kithawi laitakin tua gam a om Jew mite in lamkal ah amah a thahsawmna thu za ahih manin Masedonia gam tawn kikin khualzin ding a ngaihsun hi.

1 KORIN MASA 4:19

Ahi zongin Topa in hong thukimpih nakleh kei ka hong hawh baih dinga, tua a kiphatsak pau mawkmawkte in bang ciang taktak a hih zo ngap uh hiam, cih thu keima pumpi tawh ka mu ding hi.