Sawltak 2:42 - Tedim Bible Revision 2017

⁴² Amaute in sawltakte tung panin thu sinin amaute tawh kikhawl uh a, amaute tawh an ne khawmin, thu zong a ngen khawm uh hi.

Tedim Bible

⁴² Amaute in sawltakte’ thuhilhna a mang uh a, kipawl khawmna, khomun balnenna leh thungetna a bawl tawntung uh hi.

Sawltak 2:42 Referans Kwoze

Hebru 10:25

Mi pawl khatte in kikhop a pelh bang hi loin, eite in kikhop khawmnate pelh loin om ni. Topaʼ hong pai ding Ni hong naina thu thei ihih manin khatlekhat kihanthawn semsem zaw ni.

Sawltak 1:14

Numeite, Jesuʼ nu Mary le Jesuʼ naute tawh thungen khawm dingin a kikhawm zelzel uh hi.

1 JOHAN MASA 1:3

Pa Pasian le a Tapa Jesu Khris tawh kote pawl khatin ka om uh mah bangin note zong kote tawh pawl khat nong suah theih nading uh deihna-in ka muh sa uh le ka zak sa uh thute a hong gen ka hi uh hi.

1 JOHAN MASA 1:7

Ahi zongin amah, khuavak ahih mah bangin eite in zong khuavak gamtatnate i gamtat takpi leh eite pawl khat ihi a, ama Tapa Jesuʼ sisan in i mawhna khempeuh panin eite hong siangsak hi.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Sawltak 20:7

Sani nitakin an nekhawm dingin ka kikhawm uh a, a zing ciangin a ding khia ding ahih manin Paul in a thuhilh zankim ciang dong a zomsuak hi.

Efesa 6:18

Kha Siangtho tawh kopin a tawntungin Pasian kiangah na kisapna khempeuh uh ngenin na thum unla, tatsat loin Pasian mi khempeuh adingin thu na ngetsak un.

Juda 1:20

Ahi zongin ka it note na hih uh leh a siangtho na upna uh ah na kip semsem unla, Kha Siangtho vangliatna tawh thu na ngen un.

Kolose 4:2

Lungsim takpi tawh thu ngen tawntung unla, kidawm kawmin lungdamna tawh thu ngen un.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

2 TIMOTI NIHNA 3:14

Ahi zongin nang na hih leh na theih sa na up sa thute ah kip paisuak in. Nang tungah thu hong hilhte kua mi ahi hiam cih na theih sa hi a,

Efesa 2:20

Note zong, sawltakte le kamsangte in a phuh sa innkhuam tungah a kilam na hi uh a, tua inn sutpi pen Jesu mahmah ahi hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.

Sawltak 6:4

Tua hileh kote in ka hun khempeuh uh thungetna le thuhilhna-in kong zang thei ding uh hi,” a ci uh hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.

1 KORIN MASA 10:21

Note in Topa tawh nekkhawmna hai sung pan le dawi tawh nekkhawmna hai sung panin na dawn khawm thei kei ding uh hi. Topa tawh nekkhawmna an leh dawi tawh nekkhawmna an zong na nekhawm thei kei ding uh hi.

ROM (Romans) 12:12

Lamet na neihna hangun lungdamin om tawntung unla, lungkhamna na thuak uh ciangin lungduai-in thu na ngen tawntung un.

Hebru 10:39

Eite pen nungkikin a maimang mite ihi kei a, upna nei-in hotkhiatna a ngah mite ihi hi.

Sawltak 11:23

Barnabas a tun ciangin Pasian in amaute thupha a piakna mu-in lungdam mahmah a, amaute citakin a lungsim khempeuh uh tawh Topa tungah a thuman nadingun a hanthawn hi.

1 KORIN MASA 11:2

Note in kei hong phawk tawntungin kong hilh thu khempeuh zui na hih manun kong phat mahmah hi.

Sawltak 20:11

Tua ciangin inn dawl tungnung ah kah tokikin anlum balnenin thu um mite tawh a nekhawm hi. Zingsang khuavak dong amaute tawh thu kikum uh a, tua ciangin a ding khia hi.

1 JOHAN MASA 2:19

Khrisʼ gal ahi hih mite pen eiʼ pawl hi ngei napi-in hong taisan uh hi. Eiʼ pawl taktak hileh eite tawh om khawm paisuak ding uh ahih manin, tu-in amaute paikhia uh ahih ciangin eiʼ pawl taktak ahih lohna uh hong kilang hi.

Galati 1:6

A hong hehpihna tawh Khris hangin note a hong sam Pasian nusiakik pakin lungdamna thudang khat na sang malam na hih manun lamdang ka sa mahmah hi.

Sawltak 4:23

Peter le Johan a kikhahkhiat khit phetin a lawmte uh kiangah pai-in siampi liante le upate in amaute tungah a thugente khempeuh a zasak uh hi.

Luka 24:35

Tua ciangin tua mi nihte in zong a lam pai laitak uh a thupiang teng le anlum a balnen ciangin Topa ahih lamtak a theihnate uh a gen uh hi.

Luka 24:30

Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

1 KORIN MASA 14:6

Sanggamte aw, note kiangah hong pai-in pau lamdang tawh thu hong gen leng, bangin kimang ding ahi hiam? Note-aʼ in Pasianʼ thutheihna, pilna le siamna a hong piansak kei leh a kimanna them khat zong om het lo hi.