Sawltak 2:39 - Tedim Bible Revision 2017

³⁹ Bang hang hiam cih leh Pasian in ama kamciamna pen note tung, na suan na khakte uh tung le gamlapi-a om mi khempeuh, i Topa Pasian in a sap mi khempeuh tungah a hong bawl ahi hi,” ci-in a dawng hi.

Tedim Bible

³⁹ Bang hang hiam na cih leh, kiciamna in note leh na tate uh ahi zongin, gamla-ah a om Topa i Pasian in a sap ding mi khempeuh ading ahi hi,” ci-in a gen hi.

Sawltak 2:39 Referans Kwoze

ROM (Romans) 8:30

Tua ahih manin ama sap mite a seh sa hi a, a sap mite amah tawh a kipawlin bawl a, amah tawh a kipawlin a bawl mite ama minthanna zong a hawm hi.

Isaiah 44:3

“Bang hang hiam cih leh a dangtak leitang tungah tui ka sung dinga, lei keu tungah luitui ka luangsak ding hi. Na suanlekhakte tungah ka kha ka sung dinga, na tu na tate tungah ka thupha ka pia ding hi.

Joel 2:32

Ahi zongin Topaʼ tungah huhna a ngen khempeuh in hotkhiatna a ngah ding uh hi. Topaʼ gen sa bangmahin Zion Mual le Jerusalem khua sungah a suakta mi om ding uh hi. Topa in a teel mite, suakta ding uh hi.

Efesa 4:4

A kibang lametna khat bek a ngahkhawm dingin Pasian in note hong sap mah bangin eite khempeuh pum khat bek hi-in Kha Siangtho zong khat bek mah a neikhawm ihi hi.

Sawltak 15:8

Mihingteʼ lungsim sung thu a thei Pasian in Gentail mite in zong thu a up theih ding mah hi, cih a lahna-in eite tungah a hong piak mah bangin amaute tungah zong Kha Siangtho a pia hi.

1 PETER MASA 5:10

Tawl khat na thuak khit uh ciangin, Khris tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl dinga, kipna, thahatna, bulkip kician hong pia ding hi.

Mangmuhna 19:9

Tua ciangin vantungmi in keima kiangah, “Hih thu gelh in: Tuunoʼ zi neihna pawi ah a kisam mite a hampha mahmah ahi hi,” hong cih khit ciangin, “Hihte pen Pasianʼ gen taktak kammal ahi hi,” hong ci thuah lai hi.

2 PETER NIHNA 1:3

Ama minthanna le a hoihnate a neikhawm dingin a hong sam pa i theihna hangin Pasianʼ deih bangin biakna mantak i nuntak theih nadingin ama vangliatna in eiteʼ kisap na khempeuh a hong pia hi.

Hebru 9:15

Thuciamna masa in a huam khak mite, a mawhna panun a suahtak theih nading uh ngeina om pen a si suak khinta ahih manin, Pasianʼ sap mite in a ciam sa tawntung thupha a ngah theih nadingun Khris in thuciamna thak a hong vaihawm ahi hi.

Isaiah 54:13

“Topa in na tapate khempeuh hoihtakin hilh dinga, na tapate daupai mahmah ding uh hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

2 PETER NIHNA 1:10

Tua ahih manin sanggamte aw, Pasian in note hong sapna le hong teelna ah a kip taktak na hih nadingun hahkat mahmah un. Tua bangin hahkat le-uhcin na puk ngei kei ding uh hi.

2 TIMOTI NIHNA 1:9

Eiteʼ sep zawhna hang hi loin ama ngimna sa bang leh a dikna hangin Pasian in eite hong hon khia-in ama mi dingin a hong sam hi. Pasian in leitung a pianmapekin Khris Jesu tungtawnin tua dikna a hong piak hi a,

Efesa 1:18

Note bang dingin hong sam a, a mite tungah a hong ciam thupha lamdangte bangzah takin lian a, thu um ahi eite sungah na a hong sem vangliatna bangzah takin lian ahi hiam, cih na muh theih nadingun noteʼ lungsim mit hong vaksak nadingin thu ka na ngen hi. Eite sungah na a hong sem vangliatna pen sihna panin Khris hingsakin, vantung gamah zong, ama tak lamah a tutsak nadingin a zat vangliatna mah ahi hi.

ROM (Romans) 11:29

Bang hang hiam cih leh Pasian in a teel mite le thupha a piak mite tawh kisai-in a thu dokkik lo hi.

Hebru 3:1

Tua ahih manin Pasianʼ sapna a ngah mi siangthote aw, eiteʼ upna thu tawh kisai ah Siampi Lianpen a sem dingin Pasianʼ sawltak Jesuʼ thu ngaihsun dih un.

1 KORIN MASA 7:14

Bang hang hiam cih leh thu um lo pasal pen a ziʼ hangin thu um mi suak thei dinga, thu um lo zi pen a pasalʼ hangin thu um mi suak thei ding hi. Tua bang hileh a tate uh thu um mi suak thei ding uh hi. Ahi zongin tua bang hi kei le-uh a tate uh thu um mi suak thei lo ding uh hi.

Joel 2:28

“Tua khit ciangin mi khempeuh tungah ka kha ka sung dinga, na puteekte un mang manin na tangvalte un maang mu ding uh hi.

2 THESALONIKA NIHNA 1:11

Tua ahih manin ama hong sapna tawh a kilawm a kituak nuntakna na nuntak theih nading uh le ama vangliatna tawh a hoih na hih nop khempeuh uh hih zo-in, na upna uh hangin na khempeuh na zawh theih nadingun Pasian kiangah thu ka hong ngetsak tawntung uh hi.

ROM (Romans) 9:24

Tua bangin a hong sap eite pen Jew mite sung bek pan hi loin Gentail mite sung panin zong ahi hi.

ROM (Romans) 9:4

Amaute pen Pasianʼ teel Israel mite hi a, Pasian in ama ta-in bawlin a minthanna a hopte, amaute tungah thuciamna bawlin Thukham a piakte, a man taktakin biak theihna nei-in thuciamna a ngahte,

Sawltak 15:14

Pasian in Gentail mite lak panin ama mi dingin mi pawl khat a lakna tawh Gentail mite a kin ahih lamtak a hong lahna thu, Simonʼ genna i za zo hi.

Sawltak 15:3

Amaute a pai uh ciangin pawlpi mite in khua nawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

Sawltak 10:45

Gentail mite tungah zong Pasian in a Kha Siangtho a piakkhongna thu a muh uh ciangin Joppa khua panin Peter tawh a hong pai khawm Jew mi thu umte in lamdang a sa mahmah uh hi.

Ezekiel 37:25

A pu a pate uh a teennasa ahi ka nasem pa Jakob tungah ka piak leitang ah amaute teeng ding uh a, amaute bek hi loin a suan a khak dongun teeng suak ding uh hi. Ka nasem pa David in amaute uk tawntung ding hi.

Isaiah 59:19

Tua ahih ciangin nisuahna le nitumna kikalah a om mi khempeuh in amah zahtakin, a vangliatna kihta ding uh hi. Bang hang hiam cih leh huihpi nung bang, tuipi khang bangin amah hong pai ding hi.

Isaiah 57:19

Nopsakna, nopsakna, a gamla le a nai mi khempeuh tungah om tahen. Keimah in amaute ka damsak ding hi, Topa in ci hi.

Thu-hilhkikna 29:15

tu ni-in eite tawh Topa i Pasianʼ mai ah a ding mite tawh a bawl mah bangin tu ni-in eite tawh a om nai lo i suan i khakte tawh zong a bawl ahi hi.

Isaiah 59:20

Topa in ama mite tungah, “Note a hong hu dingin Jerusalem ah kong pai dinga, mawhna panin a kihei khia mi peuhmah ka hong hon khia ding hi.

Isaiah 65:23

Amaute in a mawk nadingin na sem lo ding uh a, lungkham nadingin ta nei lo ding uh hi. Bang hang hiam cih leh amaute pen Topa’ thupha piak, suanlekhakte hi ding uh a, amauʼ tate amaute tawh nungta khawm ding uh hi.

Efesa 2:12

Tua hun lai-in Khris tawh na kikhen uh a, Pasianʼ teel Israel minamte hi loin a pualam mite na hi uh hi. Pasian in ama mite tungah piak dingin a ciam thute zong a ngah dingte na hi kei uh a, Pasian a nei lo, lamet ding bangmah nei loin leitungah a om na hi uh hi.