Sawltak 2:36 - Tedim Bible Revision 2017

³⁶ “Tua ahih ciangin singlamteh tungah na thah uh hih Jesu pen Pasian in Topa le Khris in a bawl khitna thu, Israel mi khempeuh in teltakin thei ta un,” a ci hi.

Tedim Bible

³⁶ Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

Sawltak 2:36 Referans Kwoze

2 KORIN NIHNA 5:10

Bang hang hiam cih leh Khris mai ah thusitna a thuak dingin eite khempeuh a kilak ding ihi a, leitung i pumpi-in i om lai-in i gamtatna tawh kizui-in eite tawh a kituak ciatin a sia ahi a, a pha ahi zongin a ngah ciat ding ihi hi.

Ezekiel 34:30

Israel mite ka hutna le amaute pen keima mi ahihna thu mi khempeuh in thei ding uh hi. Topa Pasian in hih thu ka gen khin hi.

Zekhariah 13:1

“Tua ni hong tun ciangin Davidʼ suanlekhakte le Jerusalem khua miteʼ mawhna le nitna teng khempeuh a silsiang dingin tuinak khat hong phul ding hi.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Jeremiah 33:14

“En un, Topa in kong cih in ah: Israel mite le Judah mite tungah ka khap sa thu ka tangtunsak hun hong tung ding hi.

Jeremiah 31:31

“En un, Topa in kong cih in ah, Israel minamte le Judah minamte tawh thuciamna thak khat ka bawl ni hun hong tung ding hi.

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uh ah vun at lohpi ahi uh hi,” a ci hi.

Jeremiah 2:4

Jakob suan le Israel innkuan khempeuhte aw, Topaʼ kammal ngai dih un.

Ezekiel 36:22

“Tua ahih ciangin Topa Pasian keimah in Israel mite tungah ka gen ding thute hih bangin gen in: Israel mite aw, tu-a ka sep ding thu pen note kong khualna hang hi loin, minam dang khempeuhteʼ lakah na daisak kawikawi uh ka min siangtho ka khualna hang hizaw hi.

Ezekiel 36:32

Israel mite aw, hih thute khempeuh, noteʼ lungdam nadingin a bawl ding ka hih lohna thu na theih ding uh ka deih hi. Na gamtatna sate uh hangin maizumin na mindai ding uh ka deihna hizaw hi. Topa Pasian in hih thu kong gen khin hi.

Ezekiel 45:6

Khuapi huang sung dingin a dung tai sawm, a vai tai nih a pha leitang khat kiseh khia ding hi. Hih mun pen a siangtho leitang tawh kizom pah dinga, Israel mite khempeuh ading hi ding hi.

Sawltak 5:28

“Hih mipaʼ min tawh thu na hilh nawn loh nadingun khauh takin thu kong pia uh hi. Tu-in na gamtatna sate uh thei un. Jerusalem khua sung khempeuh ah thu na genthang uh a, ama sihna pen kote nong ngawh nuam uh hi,” a ci hi.