Sawltak 2:32 - Tedim Bible Revision 2017

³² Pasian in sihna panin hih Jesu hingkiksak a, kote khempeuh pen hih thu a thei teci vive ka hi uh hi.

Tedim Bible

³² Tua Zeisu Pasian in a thawhkiksakna thu kote khempeuh in teci ka hi uh hi.

Sawltak 2:32 Referans Kwoze

Sawltak 3:15

Tua ahih ciangin mite tungah nuntakna a pia pa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Sawltak 4:33

Topa Jesuʼ thawhkikna thu, sawltakte in vangliatna tawh teci pang uh a, Pasian in amaute khempeuh tungah thupha tampi a pia hi.

Sawltak 2:24

Ahi zongin Pasian in misite lak panin amah hingkiksak a, sihna in amah lencip zo lo ahih manin sihna hanga gimna panin amah a suaktasak hi.

Johan 15:27

A kipat cil a kipanin kei tawh om khawm na hih manun note in zong keima thu na gen ding uh hi.

Sawltak 3:26

Eite khempeuh i gitlohna panin kikheelin thupha a hong piak theih nadingin Pasian in a Nasem dingin Jesu teelin, eite kiangah a hong sawl masa ahi hi,” ci-in thu a gen hi.

Sawltak 4:10

note in singlamteh tungah na thah uh, Pasian in sihna panin a thawhkiksak Nazareth khuami Jesu Khris min vangliatna tawh hih mipa a ci damin hih lai ah ding ahihna thu, note le Israel mi khempeuh in na theih dingun a kilawm thu khat ahi hi.

Sawltak 5:30

Note in singlamteh tungah Jesu khai-in na thah khit uh ciangin i pu i pateʼ Pasian in sihna panin amah hingkiksak khinzo hi.

Sawltak 13:30

Ahi zongin Pasian in sihna panin amah hingkiksak a,

Sawltak 17:31

Amah in leitung mi khempeuh thu a mantakin ama teel mipa a hong khensak nading ni a sehkhol khinzo hi. Tua a ngaihsutna a man taktak hi, ci-in mi khempeuh tungah a hong lah nadingin a teel mipa, sihna panin a hingkiksak zo hi,” ci-in thu a hilh hi.

1 KORIN MASA 6:14

Pasian in sihna panin Topa thokiksak hi. Tua mah bangin eite zong ama vangliatna tawh hong thokiksak ding hi.

1 KORIN MASA 15:15

Tua bek zong hi lo lai-in, misite a kihingkiksak lo ding hileh Pasian in Khris hingkiksak hi, ci-in teci pang ka hih manun, mite kiangah Pasianʼ thu a man lopi-in a gen ka suak ding uh hi.

2 KORIN NIHNA 4:14

Topa Jesu a hingkiksak pa in Jesu mah tawh kote zong hong hingkiksak khawmin note tawh ama omna ah hong paipih khawm ding hi, ci-in ka thei uh hi.

Galati 1:1

Mihingteʼ hong sehna le hong sawlna tawh sawltak na a sem hi loin, Jesu Khris le sihna panin tua Jesu a thosakkik Pasianʼ hong sawlna tawh sawltak na a sem keimah Paul in Galati gam a om pawlpi tuamtuamte tungah lai ka hong khak hi.

Kolose 2:12

Note tui na kiphum uh ciangin Jesu tawh kiphum khawmin, misiteʼ lak panin Khris a thosak Pasianʼ vangliatna na up manun Khris mah tawh tuiphumna panin a thokhawm leuleu na hi uh hi.

Hebru 13:20

Ama sihna hangin Tuucing Lianpa suakin, a sisan tawh tawntung thuciamna a kipsak i Topa Jesu pen sihna panin a thokiksak, eite tungah nopsakna a hong pia Pasian in,

1 PETER MASA 1:21

Sihna panin amah hingkiksakin minthanna a pia Pasian, ama hangin muang thei na hih uh manin, na up na muan na lamet uh Pasian ahi hi.