Sawltak 2:30 - Tedim Bible Revision 2017

³⁰ David pen kamsang hi a, ama tunga Pasianʼ thuciam a thei hi. Ama suante khat, amah bang teek mahin kumpi-in a bawl nading Pasian in thu a ciam hi.

Tedim Bible

^30-31 Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

Sawltak 2:30 Referans Kwoze

2 SAMUEL NIHNA 23:2

“Topaʼ kha in kei tungtawnin thu hong gen a, ka kam sungah ama thugente om hi.

2 PETER NIHNA 1:21

Bang hang hiam cih leh mihingte in a deih manin mailam thugen kholh theihna a kingah hi lo a, Kha Siangthoʼ sawlna tawh Pasianʼ kiang panin a hong pai thute a kigen ahi zaw hi.

2 TIMOTI NIHNA 2:8

Lungdamna Thu ka hilhna sungah ka gen mah bangin Davidʼ suan, sihna panin a kithosak Jesu Khris na na phawk in.

ROM (Romans) 1:3

Tua thu pen eiteʼ Topa Jesu Khris ahi ama Tapaʼ thu ahi hi. Tua Tapa pen leitung si le sa lam panin Davidʼ suan hi a,

Marka 12:36

Kha Siangthoʼ sawlna tawh David mahmah in thu gen a, ‘Topa in keima Topa tungah thu gen hi: Na galte, na khe nuai ah ka koih matengin, ka tak lamah na tu in,’ ci hi.

Mangmuhna 19:16

A puan tung le a phei tungah, “Kumpiteʼ Kumpi, topateʼ Topa,” ci-in a min kigelh hi.

Mangmuhna 17:14

Amaute in Tuuno a sim ding uh hi. Ahi zongin Tuuno pen kumpiteʼ Kumpi, topateʼ Topa ahih manin, amah le ama sap, a teel, citakin amah a zuite in tua kumpi sawmte a zo gawp ding uh hi,” hong ci hi.

Hebru 7:21

Ahi zongin Pasian in Jesu kiangah, “Topa in a lungsim a kheel loh nading limtakin kiciam khin a, ‘Nang, tawntung siampi na hi hi,’” na ci ahih manin kiciamna tawh Jesu siampi a na suak ahi hi.

Hebru 6:17

Pasian in ama geelnasa a kheel ngei het lo ding ahihna thu a thuciamna a ngah ding mite tungah teltakin theisak nuam ahih manin a thuciam banah kiciamna khat a bawl lai hi.

Hebru 4:7

“Tu ni,” cihna kammal na om lai ahih manin Pasian in nidang khat seh lai ahihna thu hong kilang hi. Lai Siangtho sungah, “Tu ni-in Pasianʼ aw na zak uh leh na lungsim uh khauhsak nawn kei un,” a cihna mun i mat khit sa mah bangin tua zawh kum tampi khit ciangin David tungtawnin thu hong genkik hi.

Hebru 3:7

Tua ahih ciangin Lai Siangtho sungah, “Tu ni-in Pasianʼ aw na zak uh leh

ROM (Romans) 15:12

tua ciangin Isaiah in, “Jessiʼ suante khat hong khang dinga, Gentail mite a uk dingin mi lian hong suak dinga, ama hangin Gentail mite in lamet lungmuanna nei ding uh hi,” cihnate a kigelh hi.

Sawltak 1:16

“Lawmte aw, Jesu a mante lam a lak Judas thu, Kha Siangtho in Davidʼ kam panin a gen kholhna Lai Siangtho sung thu a tun ding kisam hi.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Mattiu 27:35

Singlamteh tungah Jesu a khai khit uh ciangin a puante kua in a koi ngah ding cih a theih nadingun suang lawnin ai san uh a, a puan teng a hawm uh hi.

Mattiu 22:43

Tua ciangin Jesu in amaute kiangah, “Tua ahihleh bang hangin David mahmah in Pasianʼ Khaʼ sawlna tawh,

Micah 5:2

Bethlehem Efrathah khua aw, nang pen Judah gamah khua neu pen khat na hi a, ahi zongin nang sung panin Israel-te a uk ding khat ka piangsak ding hi. Ama gui pen tangtawng pek tawh kizom hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Jeremiah 30:9

Topa, amauʼ Pasianʼ na ahi a, amauteʼ kumpipa-in ka koih ding Davidʼ na ahi zongin a sem zaw ding uh hi.

Hebru 1:1

A beisa hunah Pasian in kamsangte zangin i pupite tungah a lam tuamtuam tawh a khenkhenin thu na gen ngei zo hi.