Sawltak 2:3 - Tedim Bible Revision 2017

³ Tua ciangin leii tawh a kibang meikuang bang pian amaute lakah hong kithehthang a, tuate in mi khempeuh su kha kim hi.

Tedim Bible

³ Tua lai takin meikuang tawh kibang leiite kikhenin, amaute kiangah kilang uh a, amau a vekpi tungah tung kim uh a,

Sawltak 2:3 Referans Kwoze

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Jeremiah 23:29

Ka kammal pen mei tawh ahi a, suangtum a satnen zo sek tawh ahi zongin kibang hi lo ahi hiam, Topa in kong ci hi.

Sawltak 2:4

Amaute khempeuh Kha Siangtho tawh kidim uh a, tua Kha in minam dangteʼ pau tawh amaute a pau theisak hi.

Luka 24:32

Amau tegel in, “Lampi ah i pai kawmin Lai Siangtho khiatna hong gen laitakin i lungsim hong lawpsak mahmah hi mah lo ahi hiam?” a kici uh hi.

Piancilna 11:6

Topa in, “En un, amaute minam khat hi uh a, amaute khempeuh in kampau khat nei uh hi. Hih pen amauʼ sep ding a kipatna bek ahi hi. Tu-in sep dinga amauʼ vaihawmte amau adingin hi thei nawn lo ding hi.

Mangmuhna 14:6

Tua ciangin leitungah a teeng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai ah a leeng ka mu hi.

1 KORIN MASA 12:10

A dang khat tungah nalamdang bawl theihna, a dang khat tungah Pasianʼ thu hilh ding siamna, a dang khat tungah Kha Siangtho piak siamna ahi leh ahi lo khen theih nading siamna, a dang khat tungah pau lamdang pau theihna, a dang khat tungah tua pau lamdang tuamtuam paunate a khiatna gen theihna hong pia hi.

Sawltak 2:11

Jew mite le Gentail mi Jew biakna a zuite ihi a, pawl khatte pen Krete gam le Arabia gam pan ihi hi. Tua bang hi napi-in, Pasianʼ sep nalamdang liante a kigenna eima pau ciatin i za hi,” a ci uh hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Mangmuhna 11:3

Ka teci nihte puanhampi silhin ka paisak dinga, amaute in ni tul khat za nih sawm guk sung Pasianʼ thu a gen ding uh hi,” hong ci hi.

Jeim 3:6

Leii pen mei tawh kibang hi. I pumpi na sung panin a neuno khat hi napi-in i pumpi buppi a sia suah thei a, hell khuk sung panin a hong piang mei tawh i nuntakna buppi hong kaang tumsak thei hi.

Isaiah 6:5

Tua ciangin keimah in, “Gim ngah pa hi ta ing! Bang hang hiam cih leh a mawknapi ka hi hi; ka kam a ka thugen khempeuh a mawkna vive hi a, a thugen khempeuh uh mawhna le nitna ahi mite lakah ka teeng kha hi. Vanglian Topa, Kumpipa ka mu kha khinta hi,” ka ci hi.

Late 55:9

Topa aw, amauʼ geelnate suksiatsakin a pau uh kilamdangsak in. Bang hang hiam cih leh khua sungah ngongtatna le kam kiseelna ka mu hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Sawltak 2:2

Tua laitakin huihpi nung bangin huging khat hong tung vat a, amauteʼ kikhopna inn sung khempeuh hong dim hi.