Sawltak 2:1 - Tedim Bible Revision 2017

¹ Pentekos ni hong tun ciangin Jesu a um mi khempeuh mun khat ah kikhawm uh hi.

Tedim Bible

¹ Pentekost pawikham ni a tun’ ciangin amaute khempeuh mun khatah a omkhawm uh hi.

Sawltak 2:1 Referans Kwoze

Filippi 2:2

Tua ahih manin kei tawh ngaihsutna kibangin note khatlekhat ki-itin, khatlekhat lungsim kituakin na omna uh tawh keima lungdamna na hong cingtaaksak nadingun ka hong kun hi.

Filippi 1:27

Note tawh a om khawm dingin ka hong pai thei a, ka hong pai thei kei zongin note in lungdamna thu tawh kipawl upna thu ah ngimna kikhatin kip takin na om nading uh le deihna kikhatin na do khawmna thu uh ka zak theih nadingin Khris hanga lungdamna thu tawh a kilawm a kituakin na nuntak ding uh a thupi pen ahi hi.

1 KORIN MASA 16:8

Ahi zongin hih Efesa khua mahah Pentekos Pawi hun ciang dong ka om ding hi.

Zefaniah 3:9

“Tua ciangin minamteʼ lungsim ka hei dinga, amaute in keima tung bekah thu hong ngenin, lungsim kikhatin ka na hong sem ding uh hi.

Sawltak 4:32

Thu um mi khempeuh a lungsim uh le a ngaihsutna uh kikhat uh a, kuamah in ama neihsa kei-aʼ tuam ci loin, a neih khempeuh uh a neikhawm ciat uh hi.

Paikhiatna 23:16

Note in lo-a na tuh uh, na nasepna uh a gah masa, anlak pawi na bawl ding uh hi. Note in lo panin na nasepna uh a gah na kaihkhop uh kum bei ciangin an kaihkhopna pawi na bawl ding uh hi.

Sawltak 20:16

Paul in Jerusalem khua ah Pentekos Pawi hun lap nuam ahih manin Asia gam sungah ban man dingin ngaihsun lo a, Efesa khua ah taam sawm lo hi.

Sawltak 4:24

A lawmte un hih thu a zak uh ciangin a vekpi-un lungsim kikhatin Pasianʼ kiangah thu ngen uh a, “Vanlelei, tuipi tuineu le a sunga om khempeuh a piangsak Topa aw,

Jeremiah 32:39

Amauteʼ hoih nading le amauteʼ nung a a tu a tate uh a hoih nadingin a tawntungin kei hong zahtak nadingun a lungsim uh kikhat sakin, a nuntak dan uh zong ka kikhatsak ding hi.

Paikhiatna 34:22

“Nipikalteʼ pawi, mangbuh a tung masa pawi le kum bei ciangin an kaihkhop pawi na bawl ding uh hi.

Sawltak 5:12

Sawltakte in mite lakah lim le nalamdang tampi a bawl uh hi. Thu um mi khempeuh Solomonʼ Talap ah kikhawmin a om uh hi.

2 KHANG TANGTHU NIHNATE 30:12

Topaʼ thupiakna tawh kumpipa le ulianteʼ sawlna a sem dingin Judah mite tungah Pasian in lungsim kikhatna a guan hi.

Late 133:1

En un, sanggamte pum khat suakin a tut khawm uh ciangin bangzahin hoihin nuam ahi hiam?

2 KHANG TANGTHU NIHNATE 5:13

Aw kikhatin phatin Topaʼ tungah lungdam koh ding pen peengkul tumte le lasateʼ nasep ahi hi) peengkulte le daltuahte le a dang lasaknate tawh, “Topaʼ tungah lungdam koh ding hoih hi; bang hang hiam cih leh ama itna kip tawntung hi,” ci-in Topa phatna-in la a kisak ciangin, Topaʼ biakinn sung meii tawh kidim a,

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.

Sawltak 1:5

Johan in tui sungah mite phum a, ahi zongin a sawt loin Pasian in Kha Siangtho tawh note hong kidimsak ding hi,” ci-in thu a pia hi.

Sawltak 1:8

Ahi zongin note tungah Kha Siangtho hong tun ciangin vangliatna tawh na kidim ding uh a, Jerusalem khua sung, Judea gam sung, Samaria gam sung le leimong dongin note in keima thu na gen ding uh hi,” ci-in a dawng hi.

Sawltak 4:31

Tua bangin thu a nget khit uh ciangin amauteʼ kikhopna mun hong kiliing gawp hi. Amaute khempeuh Kha Siangtho tawh kidim uh a, hang takin Pasianʼ thu gen ding a kipan uh hi.