Sawltak 19:9 - Tedim Bible Revision 2017

⁹ Ahi zongin mi pawl khat in kin het loin um nuam lo uh a, mipiʼ zakin Topaʼ thu pai ziate gensia gawp uh ahih manin Paul in amaute nusia-in thu um mite paikhiatpih a, Tirannas in thugenna-in a neih innpi sungah nisimin thugenna hun a zang hi.

Tedim Bible

⁹ Mi kimkhat in lungkhauh a, um loin a om uh a, Lampi thu mite mai-ah a kosia uh ahih ciangin Paul in amaute kiang pan paikhia a, nungzuite atuamin a khen khit ciangin Tirannas laihilhna sanginn ah ni simin thu a kikum uh hi.

Sawltak 19:9 Referans Kwoze

Sawltak 19:23

Tua hun laitakin Topaʼ thu hangin Efesa khua ah buaina lianpi khat a hong piang hi.

Sawltak 9:2

Topaʼ thu a zui mi numei pasal a muh peuhpeuh manin Jerusalem khua ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

2 PETER NIHNA 2:12

Ahi zongin mat ding le thah dingin a piang gamlak ganhing gilote bangin a pianpih lungsim uh zui-in gamta uh a, a theih loh uh thute a gen sia uh hi. Tua ganhingte mah bangin amaute kisusia dinga,

Sawltak 14:4

Tua khua sunga om mite pawl nih pha uh a, pawl khat in Jew mite panpihin, pawl khat in sawltakte a panpih uh hi.

Juda 1:10

Ahi zongin hih mite in a theih tel loh uh thute simmawh bawl uh a, ganhing bangin a pianpih lungsim uh tawh gamta uh ahih manin siatna thuak lawh uh hi.

2 PETER NIHNA 2:2

Tua bang hi napi-in mi tampi tak in amauʼ gamtat hoih lohna zui ding uh a, tua bangin amau gamtatna hangin mite in thuman lampi gensia ding uh hi.

Hebru 3:13

Lai Siangtho in, “Tu ni,” a cih pen eite tungah zong hong cihna hi lai ahih manin mawhnaʼ khem sa-in ta-in na lungsim uh na khauhsak khak loh nadingun khatlekhat kihanthawnin na kihuh zaw un.

1 TIMOTI MASA 6:5

thuman thutak zui loin, a lungsim paizia uh a man nawn lo, biakna pen hauh theih nading lampi bekin a ngaihsun mite in a tawntungin kitot kiseelna a piangsak uh ahi hi.

ROM (Romans) 11:7

A thu om zia taktak hih bang ahi hi. Israel mi a tam zaw in a hanciamciam uh ngah lo uh hi. Pasianʼ teel mi tawm khat bek in ngah uh a, a dangte in Pasianʼ sapna thudon lo uh hi.

ROM (Romans) 9:18

Tua ahih manin Pasian in a hehpih nopte hehpih a, a paupeensak nopte paupeengsak hi.

Sawltak 22:4

Hih Thu a zui numei pasal a kuamah peuh manin thong sung ka denna a, sihna ciang dongin amaute ka bawlsia hi.

Sawltak 7:51

“Na lungsim uh khauh mahmah a, lawki lungsim paii-in, Pasianʼ thu ah bilngong na bang uh hi. I pu i pate mah bangin Kha Siangtho thu na mang nuam kei uh hi.

2 TIMOTI NIHNA 4:2

hunhoih hunsia cih khen tuan loin Pasianʼ thu hilh ding na kin ngaihsut nading, lungduaina tawh miteʼ lungsim zo-in, mite taii-in, hanthawnin na hilh nadingin thu a hong pia ka hi hi.

2 TIMOTI NIHNA 3:5

biakna thu a puatham teng zui napi-in biakna hangin vangliatna thu a omte deih lo ding uh hi. Tua bangin a gamta mite na pelh in.

2 TIMOTI NIHNA 1:15

Na theih sa bangin Asia gam sunga om mi khempeuh in kei hong nusia uh a, tuate lakah Figelas le Hermogenes te zong kihel uh hi.

Sawltak 28:22

Ahi zongin tu-a nangma kipawlna miteʼ thu pen a koimah peuh ah mi khempeuh in gensia uh ahih manin nangma ngaihsutna taktak ka za nuam uh hi,” a ci uh hi.

Sawltak 24:21

Amauteʼ mai ah, ‘Misite hingkik ding hi, ci-in ka upna hangin kei tungah thu nong khen uh hi,’ ci-in ka gen sim loh amauteʼ heh nading bangmah om lo hi,” ci-in thu a gen hi.

Sawltak 20:31

Tua ahih ciangin limtakin kiging unla, kum thum sung tawntung khitui naptui tawh note khempeuh ka hong thuhilhna na ciamteh un.

Sawltak 19:30

Paul zong tua inn sung mihonte mai ah thugen dingin pai nuam a, ahi zongin thu um mite in a pai ding a phal kei uh hi.

Sawltak 17:4

Mi pawl khat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le ulianteʼ zi tampi mah in zong a pawlpih uh hi.

Sawltak 11:26

Saul a muh ciangin Antiok khua ah a paipih hi. Kum khat sung tawntung tua lai-a om pawlpi mite tawh amau tegel om khawm uh a, mi tampi tak thu a hilh uh hi. Thu um mite pen Khristian ci-in min a kiphuah masakna mun in Antiok khua ahi hi.

Johan 12:40

“Amauteʼ natna ka damsak loh nadingin a mit un mu loin, a lungsim un a theihtheih loh nadingun amauteʼ mit ka tawsak a, a lungsim uh ka mawlsak hi, Pasian in ci hi,” ci-in zong na gen lai hi.

Mattiu 26:55

Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Mattiu 16:4

Tu lai hun mite giloin, Pasian tawh kipawl lo uh hi. Lim a nget uh hangin Jonah lim sim loh a dang kilak lo ding hi,” ci-in a dawng hi. Tua ahih manin amaute nusia-in a paisan hi.

Mattiu 15:14

Hih mite lunghihmawh ngaihsut kei un. Amaute pen mittaw makai ahi uh hi. Mittaw khat in mittaw dang khat makaih leh a nihun hawkguam sungah kia khawm ding uh hi,” ci-in a dawng hi.

Jeremiah 19:15

“Vanglian Topa, Israel miteʼ Pasian in a cih in ah: En un, hih khuapi le a kiim a khuaneute tungah ka gen sa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.

Jeremiah 7:26

ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Isaiah 8:14

Amah pen, a lamdang mahmah in a siangthoʼ luatna hangin miteʼ puk theih nading suangtum tawh kibang hi. Judah le Israel kumpi gam mite le Jerusalem khua-a a teeng mite a awk nading thangzak tawh kibang ding hi.

Paunak 8:34

Ka thugenna a ngai, nisimin ka kong gei ah omin, ka inn ah a ngak mipa in lungdamna ngah ding hi.

Late 95:8

Amaute in ka nasepna mu khin uh hi napi, Meribah le Massah munah na pate un kei hong ze-etin, gamtatna tawh ka lah ding hong kalh hun lai uh bangin, note in na lungsim uh khauhsak kei un.

Nehemiah 9:29

Tua hi a, na thukham lamah amaute hong kiheikikna ding limtakin na hilh a, ahi zongin amaute kihisakin na thupiaknate don lo uh hi. A zuite tungah nuntakna a pia thei ahi na ngeina kip tungah amaute khial uh hi. Lungkhauhin phengphi-in amaute kihei khia uh a, thu mang nuam lo uh hi.

2 KHANG TANGTHU NIHNATE 36:16

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasianʼ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 30:8

Tu-in na pute na pate uh bangin lungkhauh kei unla, note kiang panin a lauhuai ama hehna a kiheikhiat theih nadingin Topaʼ lamah kipia unla, amah in a tawntung dingin a sianthosak sa a biakinn ah Topa na Pasian uh bia un.

2 KUMPI NIHNATE 17:14

Ahih hangin amaute in a thu ngai lo uh a, Topa a Pasian uh a um lo a pu a pate uh mah bangin lungsim khauh uh hi.

1 KORIN MASA 16:9

Hong langpang tampi a om tei hangin limtakin na sep theih nading lam tampi tak a om hi.