Sawltak 19:25 - Tedim Bible Revision 2017

²⁵ Tua ahih manin amauteʼ sep bang a sem midang khempeuh kaikhawmin, “Lawmte aw, hih nasepna hangin a hau ihihna thu na thei uh hi.

Tedim Bible

²⁵ Tua pa in sumsungte leh tua bang nasemte a kikhopsak khit ciangin, “Lawmte aw, hih bang nasepna tawh eite in sum i ngah cih na thei uh hi.

Sawltak 19:25 Referans Kwoze

Sawltak 16:19

Tua numeiʼ tote in a sum ngah nading uh bei ta hi, ci-in a phawk uh ciangin Paul le Silas man uh a, thukhente omna sumbuk tual ah a kai uh hi.

Mangmuhna 18:3

Bang hang hiam cih leh ama hukna leenggahzu mi khempeuh dawnsak a, leitung kumpite tawh paktat a, ama hukna hangin leitung sum bawlte in a hauhlawh uh hi,” a ci hi.

2 PETER NIHNA 2:3

Hih sia man lote in a huaiham manun note kiang panin sum a ngah theih nadingun phuahtawm thu hong gen ding uh hi. Ahi zongin sawt pek a kipanin amauteʼ thu a Khen ding pa a kiging sa-in om niloh a, amaute a Susia ding pa in en gige hi.

Hosea 4:8

Ka miteʼ mawhna amaute in hauhlawh uh a, ka mite a mawh semsem ding uh a ut uh hi.

Sawltak 19:24

Demetrias min nei ngunseek mipa khat in Artemis nusian biakna inn lim ngun tawh bawl a, tua nasepna in amah le a nasep pih mite adingin hauhna lianpi a piangsak hi.

Sawltak 19:26

Nomau mahmah in hih Paulʼ thugen khempeuh za-in na thei uh hi. Amah in mihingteʼ bawl pasian-te pen pasian hi het lo hi, ci-in thu hilh a, hih Efesa khua le Asia gam sung khempeuh ah mi tampi tak a umsak hi.