Sawltak 18:7 - Tedim Bible Revision 2017

⁷ Tua ahih ciangin Paul in tua Jew mite nusia-in Pasian a bia Gentail mi Titus Justasʼ inn ah a tung hi. Tua mipaʼ inn pen kikhopna inn gei mahmah ahi hi.

Tedim Bible

⁷ tua san tak pan paikhia-in, Pasian a bia Titu Justas min nei, mi khat’ innah a pai hi. Tua pa’ inn in kikhopna inn tawh kinai-in a om hi.

Sawltak 18:7 Referans Kwoze

Sawltak 16:14

Tua ka thuhilhna uh a za mite lakah Thiatira khuami, a manpha mahmah puansan a zuak, Lydia kici numei khat a om hi. Tua nu pen Pasian a bia numei khat hi a, Paulʼ thugente a sang thei dingin Pasian in a lungsim a honsak hi.

Kolose 4:11

Justas zong a kici zel Jesu in zong note hong hopih hi. Vun-atna a zang Jew mi Khristian a hong suakte lak panin hih mi thumte bek, Pasian thu ah ka nasep pih lakah a hong kihel ahi hi. Ka nasepna ah amaute in nakpi takin hong huh uh hi.

Sawltak 17:4

Mi pawl khat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le ulianteʼ zi tampi mah in zong a pawlpih uh hi.

Sawltak 13:42

Kikhopna inn panin Paul le Barnabas a ciah ding uh ciangin, Sabbath ni kik ciangin hih thute mah hong gen lai un, ci-in mite in a vaikhak uh hi.

Sawltak 10:22

Amaute in, “Galkap bupa Kornelias in nang kiangah kote hong sawl hi. Amah pen Pasian a bia mihoih mahmah khat hi a, Jew mi khempeuh in zong a zahtak mahmah khat uh ahi hi. Amah in nangma thugente a zak theih nadingin a inn ah nang a hong sap nadingin Pasian in a vantung mite khat ama kiangah gensak hi,” ci-in a dawng uh hi.

Sawltak 10:2

Amah biakna a hahkat mahmah mi khat hi a, a innkuan bupun Pasian bia uh hi. Amah in Jew mizawngte huh nadingin nakpi takin na sem a, Pasian kiangah thu a ngen tawntung mi khat ahi hi.

Johan 9:31

Pasian in thukham a palsat miteʼ thu ngai lo a, amah bia-in, ama deih bangin a gamta miteʼ thu ngai hi, ci-in ko ka thei uh hi.

Sawltak 13:43

Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasianʼ hehpihna suangin kip takin a om nadingun a gen uh hi.

Sawltak 13:50

Ahi zongin Jew mite in tua khua sung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a tai khiasak uh hi.