Biblia Todo Logo
Bib sou entènèt

- Piblisite -




Sawltak 17:4 - Tedim Bible Revision 2017

4 Mi pawl khat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le ulianteʼ zi tampi mah in zong a pawlpih uh hi.

Gade chapit la Kopi

Tedim Bible

4 Amaute kimkhat in thu um uh a, Pasian a bia uh Grikte tampi leh a minthang numeite in Paul leh Silas tawh a kipawl khawm uh hi.

Gade chapit la Kopi




Sawltak 17:4
31 Referans Kwoze  

Mi tampi in Pasianʼ thu um a, tuate sungah a cithei Grik numei tampi le Grik mi pasal tampi a kihel uh hi.


Tua khua sunga om mite pawl nih pha uh a, pawl khat in Jew mite panpihin, pawl khat in sawltakte a panpih uh hi.


Kikhopna inn panin a ciahkhiat uh ciangin Jew mi tampite le Jew biakna a zui Gentail mi tampite in Paul le Barnabas zui uh a, amau tegel in zong tua mite hanthawnin, Pasianʼ hehpihna suangin kip takin a om nadingun a gen uh hi.


Hih bangin a gamtatna uh koteʼ lamet sangin sang zaw pek hi. Amaute pen Topa tungah kipia masa uh a, tua ciangin Pasianʼ deihna bangin kote tungah zong a hong kipia uh ahi hi.


Pawl khatte in Paulʼ thugente um uh a, ahi zongin pawl khat in um lo uh hi.


Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,


Ahi zongin Jew mite in tua khua sung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a tai khiasak uh hi.


“Israel mite aw, hong huh un. Mun khempeuh ah thu hilh kawikawi-in, Moses Thukham le hih biakinn langpangin mi khempeuh kiangah Israel mite a hong gensia pa ahi hi. Tu-in Gentail mite nangawn biakinn sungah hong paipihin hih biakinn siangtho a ninsak hi,” ci-in a awng uh hi.


Hih bangin kum nih sung tawntung thu gen niloh ahih manin Asia gam sunga om Jew mi le Gentail mi khempeuh in Topaʼ thu a za uh hi.


Sabbath nisimin kikhopna inn ah limtakin thu gen a, Jew mi le Grik mite in thu a up nadingun a hanciam hi.


Mi pawl khat in thu umin Paul pawlpih uh a, tuate lakah Areopagas mualbo a thu vaihawm pawl sungah a kihel Dionisias le Damaris a kici numei khat le mi pawl khat ahi uh hi.


Tua ahih manin Pasian a bia Jew mite le Gentail mite tawh kikhopna inn sungah thu kikupna nei uh a, mihon kikhopna munah hong pai mi khempeuh tawh zong nisimin a kikum uh hi.


Paul in Timoti tonpih nuam ahih manin a vun a atsak hi. Tua gam a om Jew mi khempeuh in Timotiʼ pa pen Grik mi ahih lamtak thei kim uh ahih manin tua bangin a atsak ahi hi.


Paul in zong Silas teel a, thu um mite in Topaʼ khut sungah a ap khit uh ciangin,


Judas le Silas zong kamsangte mah hi uh a, thu um mite tawh sau veipi thu kikum uh a, amauteʼ lungsim thanuam sakin a thahatsak uh hi.


Tua ahih manin ka teel uh Judas le Silas kong paisak uh a, hih lai sunga ka gelh uh thute mah amau kam mahmah tawh hong gen ding uh hi.


Ikonium khua a tun uh ciangin Paul le Barnabas zong Jew mite kikhopna inn ah pai uh a, amauteʼ thuhilhna hangin Jew mi le Gentail mi tampi tak in Pasian thu um uh hi.


Peter le Johan a kikhahkhiat khit phetin a lawmte uh kiangah pai-in siampi liante le upate in amaute tungah a thugente khempeuh a zasak uh hi.


Thu um khempeuh kikhawlin om khawm uh a, a neihsate uh zong a neikhawm uh hi.


Tua ciangin Jew mi uliante khatlekhat kiho uh a, “I muh zawh loh dingin hih mipa koi lai ah pai sawm hi ding ahi hiam? Jew mite omna Grik khuapi tuamtuamte ah pai-in Grik mite kiangah thu hilhsawm hi ding ahi hiam?


Nungak lak a hoih pen nu aw, na ngaihno, koi ah pai hiam? Na ngaihno koi lam pai hiam? Amah hong zon pih nung.


Mipil tawh kikhawl lecin na pil dinga, mihai tawh kikhawl lecin gimna na thuak ding hi.


Thu thei lote taisanin khansau unla, pilna lampi zui un,” cisak hi.


Tua hun ciangin Topa kiangah minam tampi hong pai ding uh a, ama mite a suak ding uh hi. Topa in note hong ompih dinga, tua ciangin note kiangah kei a hong sawl ahihna thu na thei ding uh hi.


Tua zan ciangin thu um mite in Berea khua ah Paul le Silas a paisak uh hi. Tua khua a tun uh ciangin Jew mite kikhopna inn ah a pai uh hi.


Tua ciangin thu um mite in tuipi gei ah Paul paikhiatpih uh a, ahi zongin Silas le Timoti pen Berea khua ah a taam lai uh hi.


Swiv nou:

Piblisite


Piblisite