Sawltak 17:3 - Tedim Bible Revision 2017

³ Khris in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khris pen Lai Siangtho sunga kigen Khris ahi hi, ci-in Paul in a gen hi.

Tedim Bible

³ Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.

Sawltak 17:3 Referans Kwoze

Sawltak 18:28

Bang hang hiam cih leh amah in Lai Siangtho sung siksanin Jesu pen Khris ahi hi, ci-in mihon lakah Jew mite tawh thu kiseelin a zo gawp hi.

Sawltak 9:22

Ahi zongin a thuhilhna ah Saul hong siam semsem a, Jesu pen Khris hi, ci-in teltakin lak thei ahih manin, Damaskas khua-a om Jew mite in a nial nading uh om thei lo hi.

Luka 24:32

Amau tegel in, “Lampi ah i pai kawmin Lai Siangtho khiatna hong gen laitakin i lungsim hong lawpsak mahmah hi mah lo ahi hiam?” a kici uh hi.

Sawltak 3:18

Ama Khris in a thuak nading thu, Pasian in tanglai pekin kamsangte khempeuh tungtawnin gen khol a, tu-in hih bangin a thugen kholhna a hong tungsak ahi hi.

Luka 24:46

amaute kiangah, “Khris in sihna thuakin, a ni thum ni-in sihna panin hingkik dinga,

Galati 3:1

Galati mihaite aw, singlamteh tungah Jesu Khris a sihna thu teltakin na theih sa uh ahih manin kuaʼ khem sa-in hici thei mawk na hi uh hiam?

Sawltak 1:4

Amaute tawh a om khawm laitakin amah in amaute kiangah, “Jerusalem khua panin paikhia kei unla, note kiangah ka hong gen sa ka Paʼ hong kamciam thu na ngak un.

Johan 20:9

(Sihna panin thokik ding hi, ci-in Lai Siangtho in a genna thu a theithei nai lo uh ahi hi.)

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesu pen Khris ahi hi, ci-in Jew mite kiangah teltakin a gen hi.