Sawltak 17:16 - Tedim Bible Revision 2017

¹⁶ Paul in Athen khua ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim om mawk thei lo hi.

Tedim Bible

¹⁶ Paul in Athen khua-ah Silas leh Timoti ngakin a om lai takin, khua sungah milim a dim a om a muh ciangin a lungmang hi.

Sawltak 17:16 Referans Kwoze

Late 119:158

Thuman lo mite ka muh ciangin ka kih mahmah hi. Bang hang hiam cih leh amaute in nangma thupiakte zui lo uh hi.

2 PETER NIHNA 2:7

Ngeina bangin a gamta lo mite in Lot a lungkhamsakna panun Pasian in mihoih Lot a hon khia hi.

Late 119:136

Mite in nangma thu zui lo uh ahih manin ka khitui hawk luanin a luang hi.

Marka 3:5

Jesu in hehmai tawh a kiim a pam en kawikawi a, ahi zongin a khialhna uh le a thuphawk theih lohna uh hangin mite khasiathuai a sa zel hi. Tua ciangin a mipa kiangah, “Na khut zan in,” a ci hi. Amah in zong a khut zan a, damin a ngeina bangkik hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin Topaʼ kha le a vang tawh ka kidim a, thutang gen ngam nading lungsim ka nei hi.

Jeremiah 20:9

Keimah in, “Ama thu ka gen kei dinga, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gim lua a, gen loin ka om thei kei hi.

Late 69:9

Nangma inn ka deih luatna mei bangin ka sungah sa a, nangmah hong koteʼ konate keima tung hong tu hi.

1 KUMPI MASATE 19:14

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that uh hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

1 KUMPI MASATE 19:10

Amah in, “Vanglian Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia uh a, namsau tawh na kamsangte that hi; kei, kei bekbek ka om lai hi. Amaute in kei nangawn thah dingin hong zong lai uh hi,” a ci hi.

Sawltak 17:23

Na khua sung uh ah ka pai kawmin na biakna munte uh ka et ciangin, ‘A kithei lo Pasian ading,’ ci-in biakna tau tungah lai a kigelh nangawn ka mu hi. Tu laitakin keiʼ kong pulak Pasian pen, thei lo napi-in na biakbiak uh Pasian ahi hi.

Johan 2:13

Jew miteʼ Paisan Pawi hun hong nai ta ahih manin Jerusalem khua ah Jesu a pai hi.

Sawltak 17:15

Tuipi gei ah Paul a paipih thu um mite in Athen khua ciang dong a va zui uh hi. Athen khua panin Berea khua ah hong ciahkik uh ciangin, Silas le Timoti in a manlang theithei-in hong delh uh hen, ci-in Paulʼ kam vaikhak thu a hong pua uh hi.

Sawltak 17:21

(Athen khua mite le tua khua-a om gamdang mite in thu thak la thak ngaihsunin kikup ding sim loh thudang ngaihsutin nei lo uh hi.)

Sawltak 18:1

Tua khit ciangin Athen khua panin Paul pai khia-in Korin khua ah a tung hi.

Sawltak 20:22

Tu-in ahihleh Kha Siangthoʼ hong sawlna mangin, kei tungah bang thu hong piang ding hiam, cih thei lopi-in Jerusalem khua ah a pai ding ka hi hi.

1 THESALONIKA MASA 3:1

A tawpna ah ka thuak zawh nawn loh uh ciangin Athen khua ah kei le Silas omin,