Sawltak 17:12 - Tedim Bible Revision 2017

¹² Mi tampi in Pasianʼ thu um a, tuate sungah a cithei Grik numei tampi le Grik mi pasal tampi a kihel uh hi.

Tedim Bible

¹² Tua ahih ciangin amaute tampi akipan a minthang Grik numeite leh pasalte in thu a um uh hi.

Sawltak 17:12 Referans Kwoze

Efesa 5:14

Tua ahih manin la sungah, “A ihmu mi aw, khanglo inla, sihna panin tho in. Tua hileh Khris in nang hong taan ding hi,” kici hi.

Sawltak 13:50

Ahi zongin Jew mite in tua khua sung uliante le Gentail mi numei citheite holhthawh uh a, Paul le Barnabas bawlsiat ding kipanin, tua gam panin a tai khiasak uh hi.

1 KORIN MASA 1:26

Sanggamte aw, Pasian in note hong sap laitakin na om zia uh ngaihsun un. Leitung miteʼ hong muhna panin note a tam zaw, mipil na hi kei uh a, mi vanglian zong na hi kei uh a, mi thupi zong na hi kei uh hi.

Sawltak 14:1

Ikonium khua a tun uh ciangin Paul le Barnabas zong Jew mite kikhopna inn ah pai uh a, amauteʼ thuhilhna hangin Jew mi le Gentail mi tampi tak in Pasian thu um uh hi.

Jeim 1:21

Tua ahih manin ngeina hoih lote le gamtat siate khempeuh nusia unla, Pasianʼ thu mangin noteʼ lungsim sungah a hong koih thu zui un. Tua thu in note hong hon khia thei hi.

Jeim 1:10

Mihaute zong a niam uh ciangin lungdam veve uh hen. Lopa pak bangin a mangthang veve ding ahi uh hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Johan 7:17

Pasianʼ deihna bangin a gamta nuam mi peuhmah in, ka thugente pen Pasianʼ kiang panin a hong pai thu a gen ka hihna leh keima thu bek tawh a gen ka hihna khen thei ding uh hi.

Marka 15:43

mite in a zahtak, ulian vaihawmte lakah a kihel, Pasianʼ Uk ding hun zong a lamen, Arimathea khuami Josef, hang takin Pilat kiangah hong pai-in Jesuʼ luang a hong ngen hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.