Sawltak 17:11 - Tedim Bible Revision 2017

¹¹ Thesalonika khua mite sangin Berea khua mite in mipi lungsim nei zaw uh hi. Amaute in lawp mahmahna tawh Paulʼ thugente ngai uh a, Paulʼ thugente man taktak hiam ci-in a theih nadingun nisimin Lai Siangtho a sim uh hi.

Tedim Bible

¹¹ Tua mite in Thesalonika khua mite sangin a dikzaw uh hi. Bang hang hiam i cih leh, deih phat mahmahna lungsim tawh Pasian’ thu sangin, hih thute a man hiam a man lo hiam cih a theih nadingun ni simin Lai Siangtho tel takin a sin uh hi.

Sawltak 17:11 Referans Kwoze

Isaiah 34:16

Topa’ laibu sung panin zong unla hih thu sim un. Hih ganhingte khempeuh khat beek zong mangthang lo dinga, lawm sam khat zong om lo ding hi. Bang hang hiam cih leh Topa in thu pia khinzo a, a mahmah in amaute kaikhawm ding hi.

Johan 5:39

Nuntak tawntung ngah theih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,

1 THESALONIKA MASA 2:13

Note kiangah Pasianʼ thu kong gen uh ciangin no thu um mite sungah ama thu tawh kisai-in Pasian in na hong sem ahih manin koteʼ thugente pen Pasianʼ thu taktak ahih mah bangin koteʼ thugenna na zak uh ciangin mihingʼ thu bangin ngaihsun loin Pasianʼ thu taktak mahin hong sang na hih manun, hih thu hangin zong Pasianʼ tungah ka lungdamna uh ka ko uh hi.

Mattiu 13:23

Lei hoihna munah a tu khaicite pen Pasianʼ thu a zak ciangin a tel mite a cihnopna ahi hi. Tua bang mite adingin Pasianʼ thu in man nei a, pawl khatte adingin a zah za khat, pawl khatte adingin a zah sawm guk, pawl khatte adingin a zah sawm thumin Pasianʼ thu in man a nei hi,” a ci hi.

Paunak 9:9

Mipilte thuhilh lecin pil semsemna-in nei dinga, thuman mite thuhilh lecin a thutheihna uh khang semsem ding hi.

Paunak 1:5

Mi ciim sate ciimsak semsemin, mi pil sate pilsak semsemin,

1 THESALONIKA MASA 1:6

Kote le Topaʼ gamtat bangin note na gamta uh a, note in gimna nakpi takin thuak lawh napi-in Kha Siangthoʼ huhna tawh lungdam takin thu umin na om uh hi.

Johan 3:21

Ahi zongin thumanin a gamta mite ahihleh a gamtatnate uh Pasianʼ deihna tawh kituak hi, ci-in a kilatsak theih nadingun khuavak sungah a pai uh hi.

2 THESALONIKA NIHNA 2:10

gitloh khemna a nam tuamtuam zangin, siatna a thuak ding mite a khem ding hi. Tua bang mite in a suahtak nadingun thuman sang nuam lo, deih lo uh ahih manin siatna a tuak uh ahi hi.

1 PETER MASA 2:2

Naungek suakcilte na bang unla, note khang to-in hotkhiatna na ngah theih nadingun kha thu tawh kisai nawizu siangtho duh belin na nei tawntung un.

Luka 24:44

Tua ciangin Jesu in amaute kiangah, “Tu-a thupiang khempeuh pen note tawh kong om khawm lai-a ka gengen thute mah ahi hi. Moses Thukham laibu sung, kamsangte laibu sung le Late sungah a kigelh thu khempeuh a tung ding ahi hi,” a ci hi.

Isaiah 8:20

Tua ciangin note in, “Topa in note hong hilh thute ngai un. Aisanteʼ thu ngai kei un. Amauteʼ hong gen thute a kimanna om lo hi,” ci-in dawng un.

Paunak 8:10

Ngun sangin kong thuhilhnate deih zaw unla, kham hoih pen sangin thutheihna deih zaw un.

Jeim 1:21

Tua ahih manin ngeina hoih lote le gamtat siate khempeuh nusia unla, Pasianʼ thu mangin noteʼ lungsim sungah a hong koih thu zui un. Tua thu in note hong hon khia thei hi.

Late 119:148

Nangma thuciamna a lung ngaingai dingin zan khuavakin ka zan hak hi.

Late 119:100

Khanghamte sangin thu ka tel zaw hi. Bang hang hiam cih leh na thuhilhnate ka zui hi.

Late 119:97

Na thu deih mahmah ing. Sun tawntungin ka lungngaihngaih ahi hi.

Sawltak 10:33

Tua ahih manin nang kong samsak pah a, midik na hih manin hih lai ciang a hong tung na hi hi. Topa in na gen dingin a hong sawl thu khempeuh na hong gen ding ngakin Pasianʼ omna hih lai munah a om ka hi uh hi,” ci-in a dawng hi.

Sawltak 2:41

Mi tampi in ama thugen umin tui kiphum uh a, tua ni-in mihing tul thum bang kibehlap uh hi.

JOB (Job) 23:12

Pasianʼ thupiakna bangin ka gamta ngitnget a, keima utna zui loin ama deihna ka zui hi.

Sawltak 17:1

Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 11:1

Gentail mite in zong Pasianʼ thu a upna uh, Judea gam sunga om sawltakte le thu um mite in a za uh hi.

Luka 16:29

Ahi zongin Abraham in, ‘Na sanggamte a hilh dingin Moses le kamsangte om uh ahih manin tuateʼ thugen na ngai ta uh hen,’ a ci hi.

Jeremiah 2:21

A kiteelteel leenggui ci hoihte bangin nang kong suankik zo a, ahih hangin nang kisiakikin bang hangin leenggah gui a hoih lote na suakkik na hi hiam?

Thu-hilhkikna 29:29

“Topa i Pasian in hong lahkhiat loh thusim om a, ahih hangin hih thukham sunga om thute khempeuh i zuih theih nadingin hong lak khia a, eite le i suan i khakteʼ zuih tawntung ding ahi hi.

Luka 1:2

A kipat cil a kipanin amauʼ mit mahmah tawh a mu mite in hong gente uh a gelh uh ahi hi.

Luka 11:3

Nisim khamkhop an hong pia in.