Sawltak 17:10 - Tedim Bible Revision 2017

¹⁰ Tua zan ciangin thu um mite in Berea khua ah Paul le Silas a paisak uh hi. Tua khua a tun uh ciangin Jew mite kikhopna inn ah a pai uh hi.

Tedim Bible

¹⁰ Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Sawltak 17:10 Referans Kwoze

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Sawltak 17:2

A pai ngei zel mah bangin Paul zong kikhopna inn ah pai a, Sabbath ni thum sung Lai Siangtho siksanin mite tawh thu kikum a,

Sawltak 20:4

Berea khuami Pirrasʼ tapa Sopater, Thesalonika khuami Aristarkhas le Sekundus, Derbe khuami Gaias, Timoti le Asia gam sung panin Tikhikas le Trofimas te in zong a zui uh hi.

Sawltak 9:25

Ahi zongin Saulʼ nungzuite in zanin khuakulh tungah kah tohpihin kulh pua lamah bawm tawh a khai suk uh hi.

1 SAMUEL MASA 20:42

Tua ciangin Jonathan in David kiangah, “Ei tegel Topaʼ min tawh kiciamin, ‘Kei le nang kikal le keima suanlekhakte le nangma suanlekhakte kikalah a tawntungin Topa om ding hi,’ i cih mah bangin nuam takin pai in,” a ci hi. Tua ciangin amah dingin paikhia a, Jonathan zong khuapi sungah a ciah hi.

Sawltak 1:15

Tua khit a sawt loin thu um mi za khat le sawm nih bang a kikhop khawm laitakun Peter hong dingin thu hong gen a,

Sawltak 9:20

Kikhopna innte ah va pai-in, “Jesu pen Pasianʼ Tapa ahi hi,” ci-in thu hilh ding a kipan hi.

Sawltak 15:22

Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

Sawltak 17:1

Amfipolis khua le Apollonia khua nawkin amaute zin uh a, Jew mite kikhopna inn a omna Thesalonika khua a tung uh hi.

Sawltak 17:4

Mi pawl khat in a thugen uh man sa uh ahih manin Paul le Silas pawlpih uh a, tua mah bangin Pasian a bia mi tampi tak le ulianteʼ zi tampi mah in zong a pawlpih uh hi.

Sawltak 17:6

Tua inn ah Paul le Silas a muh loh uh ciangin a innteek pa Jason le midang pawl khat kai khia-in uliante kiangah paipih uh a, “Hih mite in mun khempeuh ah buaina piangsak uh hi. Tu-in i khua sung hong tung uh a,