Sawltak 16:9 - Tedim Bible Revision 2017

⁹ Troas khua ah a tun ni zanin Paul in maang mu a, Masedonia gam mi khat in ama kiangah, “Masedonia gamah hong pai inla, kote hong huh in,” ci-in a thum hi.

Tedim Bible

⁹ Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

Sawltak 16:9 Referans Kwoze

Sawltak 19:21

Hih bang thu teng a pian khit ciangin Masedonia gam le Akhaia gamah Paul zinin Jerusalem ah paisuak ding a ngaihsun hi. Tua khit ciangin Rom khua ah zong pai ning, a ci hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesu pen Khris ahi hi, ci-in Jew mite kiangah teltakin a gen hi.

ROM (Romans) 15:26

Bang hang hiam cih leh Masedonia gam le Grik gam sunga om pawlpite in Jerusalem khua-a om Pasianʼ mi a zawngte huh nadingin sum piak ding amau thu-in a vaihawm tawm uh hi.

Sawltak 20:1

Hih buaina thu a ven ciangin Paul in thu um mite kaikhawmin, hanthotna kam genin amaute mangpha khak a, Masedonia gam a zuan dingin ding khia hi.

1 THESALONIKA MASA 4:10

Masedonia gam sunga om thu um mi khempeuh na it khin takpi uh hi. Tua ahih manin sanggamte aw, itna na neih semsem nadingun ka hong thum uh hi.

2 KORIN NIHNA 12:7

Ahi zongin hih a lamdang na tampite ka muhna hangin kisialin ka kisaktheih khak loh nadingin Satanʼ sawltak bangin na a sem, keima pumpi sungah natna khat hong kipia ahih manin ka kisaktheih luat loh nadingin a hong kham hi.

2 KORIN NIHNA 11:9

Note lakah na ka sep laitakin Masedonia gam panin a hong pai pawlpi mite in ka sapna khempeuh hong puak uh ahih manin note khat beek ka hong gimsak kei hi. A beisa hunah note ka hong gimsak khak loh mah bangin mailam hunah zong ka hong gimsak kha het kei ding hi.

2 KORIN NIHNA 9:2

Noteʼ huhnopna thu ka theih khit sa hi a, Masedonia gam a pawlpite kiangah zong note ka hong kisialh pih khit sa ahi hi. “Akhaia gam a pawlpite in ni kum a kipanin huh dingin a kithawi sa uh ahi hi,” ci-in ka na gen hi. Tua banga noteʼ lawpna in amaute tampi tak tha nuamsak hi.

2 KORIN NIHNA 8:1

Sanggamte aw, Masedonia gam pawpite ah Pasianʼ hehpihna hangin a piang thute ka hong theisak nuam uh hi.

2 KORIN NIHNA 7:5

Masedonia gam ka tun khit uh ciang nangawnin tawldam cih om thei tuan lo a, a koimah peuh ah kitotna le lungkhamna om kawikawi ahih manin lungsim patauhna hi tawntung hi.

Sawltak 20:3

tua gamah kha thum sung a taam hi. Syria gam manawh dingin a kithawi laitakin tua gam a om Jew mite in lamkal ah amah a thahsawmna thu za ahih manin Masedonia gam tawn kikin khualzin ding a ngaihsun hi.

Sawltak 10:30

Kornelias in, “Tu ni tawh sim tu ma ni li lai-in tu bang hun nitak nai thum laitakin ka inn ah thungenin ka om hi. Tua bangin thungenin ka om laitakin puan pak mahmah a silh mi khat ka mai ah hong ding vat a,

Sawltak 10:3

Khat vei nitak nai thum pawlin maang mu a, Pasianʼ vantungmi khat hong pai-in ama kiangah, “Kornelias aw,” ci-in a sapna teltakin a thei hi.

Sawltak 9:38

Joppa khua le Lydda khua kigamla lo ahih manin, Joppa khua-a teng thu um mite in Lydda khua ah Peter om hi, ci-in thu a zak uh ciangin Peter kiangah mi nih sawl uh a, “A manlang theithei-in ko kiangah hong pai in,” ci-in a samsak uh hi.

Sawltak 16:10

Paul in maang a muh khit phetin, tua lai-a om mite kiangah Lungdamna Thu a hilh dingin Pasian in eite hong sam hi, ci-in ngaihsun ka hih manun Masedonia gamah a pai dingin ka kithawi pah uh hi.

Sawltak 16:12

Tua khua panin khe tawh pai-in Masedonia gam sunga om Rom mite a teenna Filippi khua ka tung uh a, tua khua ah ni tampi sung ka taam uh hi.

Sawltak 19:22

Tua ahih manin amah a huh Timoti le Erastas, Masedonia gamah paisak a, amah in Asia gam sungah tawl khat hun a zang hi.

Sawltak 19:29

Khua sung khempeuh ah tua buaina hong kizel a, mihonte in Paul tawh a kikhawl Masedonia mi Gaias le Aristarkhas manin mihon kikhopna innpi ah a kai uh hi.

Sawltak 27:2

Adramittium khua teembaw khawlna panin Asia gam lam manawh dingin a kithawi teembaw ah tuangin ka ding khia uh hi. Masedonia gam Thesalonika khuami Aristarkhas in zong kote hong zui hi.

Thu-hilhkikna 30:13

Note in, ‘Eite in a thu za-in i sep theih nadingin kua in tuipi gal khat ah hong paisakin hong laksak ding ahi hiam?’ na cih theih nadingun tuipi gal a om zong hi lo hi.