Sawltak 16:5 - Tedim Bible Revision 2017

⁵ Tua ahih manin pawlpi mite a upna uh ah kip semsemin, a nini-in mi a kibeh laplap hi.

Tedim Bible

⁵ Tua ahih ciangin pawlpite’ upna a kip semsem a, ni simin mimal a khang semsem uh hi.

Sawltak 16:5 Referans Kwoze

Sawltak 9:31

Tua ahih manin Judea gam, Galilee gam le Samaria gam sunga om pawlpite in bawlsiatna thuak nawn loin nuam takin om uh a, Topa zahtakna tawh gamta uh ahih manin Kha Siangtho huhna tawh a mi khangin a kibehlap uh hi.

Sawltak 2:47

Pasian phat uh a, khatlekhat thupha kideihsakin a om uh hi. Pasian in nisimin hotkhiatna a ngah mi kibehlapsak tawntung hi.

Sawltak 6:7

Tua bangin Pasianʼ thu kizelin hong khang semsem hi. Jerusalem khua sungah thu um mi tampi tak hong kibehlap a, siampi tampi tak in zong Lungdamna Thu a hong um uh hi.

1 PETER MASA 5:10

Tawl khat na thuak khit uh ciangin, Khris tawh na kipawlna hangun tawntung minthanna a ngah dingin note a hong sam, hehpihna kicingin a nei Pasian in note a cingtaakin hong bawl dinga, kipna, thahatna, bulkip kician hong pia ding hi.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Kolose 2:6

Note hong honpa dingin Topa Khris na san sa uh ahih mah bangin amah tawh hoihtakin kipawlin nungta un.

1 KORIN MASA 15:58

Tua ahih ciangin ka hong it sanggamte aw, Topaʼ hangin na nasepnate uh a mawkna hi ngei het lo hi, ci-in na theih uh mah bangin Topa adingin a tawntungin na sem unla, liing het loin lungsim kip takin na om ta un.

ROM (Romans) 16:25

Eite khempeuh in Pasian phat ni. Keima hilh Jesu Khris thu ahi Lungdamna Thu le tanglai-in a ki-imcip, tu-in a kipholak thu ah, amah pen noteʼ upna a hong kipsak thei pa ahi hi.

Sawltak 12:24

Ahi zongin Pasianʼ thu kizelin a khang semsem hi.

Hebru 13:9

Thuhilhna lamdang a tuamtuamte zui-in lam man panin pial kha kei un. A zui mite tungah bangmah phattuamna a piangsak thei lo an nek tui dawn tawh kisai ngeina zuihna in thahatna hong pia thei lo a, Pasianʼ hehpihna bek in i lungsim hong thahatsak thei hi.

2 THESALONIKA NIHNA 2:16

I Topa Jesu Khris mahmah leh, eite hong itin, a hong hehpihna tawh thakhauhna le lametna a hong pia tawntung eiteʼ Pa Pasian in

1 THESALONIKA MASA 3:13

Tua hileh i Topa Jesu a mi siangthote khempeuh tawh hong pai ciangin eiteʼ Pa ahi Pasianʼ mai ah kisuanna om het loin lungsim siangtho takin na om thei ding uh hi.

1 THESALONIKA MASA 3:2

Khris Lungdamna Thu hilhna ah Pasian adingin kote tawh na a sem khawm i sanggampa Timoti hong paisak le-ung hoih pen ding hi, ci-in ka ngaihsun uh hi. Amah in note hong hanthawnin na upna uh ah hong kipsakin,

Galati 5:1

Khris in eite hong khahkhiat khitna hangin mi suaktate hi khinta ihih manin tua suahtakna thu ah kipin om unla, sila va suakkik nawn kei un.

Sawltak 11:21

Topa in nakpi takin amaute huh ahih manin mi tampi in thu umin Topa lamah a kihei uh hi.

Sawltak 5:14

Topaʼ thu a um numei pasal tampi tak hong kibeh laplap uh hi.

Sawltak 4:4

Ahi zongin amauteʼ thugen a za mi tampi in um uh a, thu um mi tul nga bang a pha ta uh hi.

Isaiah 7:9

Efraimʼ lutang, Samaria hi a, Samariaʼ lutang, Remaliahʼ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlak ah a paikhia uh hi. Amaute a paikhiat laitakin Jehoshafat dingin, “Judah gam le Jerusalem-a a teengte aw, ka thugen za un! Topa na Pasian uh um un; tua hileh note na kip ding uh hi. Ama kamsangte um un; tua hileh na maavang ding uh hi,” a ci hi.