Sawltak 16:13 - Tedim Bible Revision 2017

¹³ A Sabbath ni ciangin Jew miteʼ thungetna mun om ding hi, ci-in ka upna uh khua pualam a gun gei ah ka pai uh a, tua lai ah tu-in a kikhawm numeite tungah thu ka hilh uh hi.

Tedim Bible

¹³ Nipi ni-in komau in khua nawlah paikhia-in, thungetna mun om ngei-a ka upna uh gun gei-ah pai-in, ka tut khit uh ciangin tua san takah a kikhawm numeite thu ka hilh uh hi.

Sawltak 16:13 Referans Kwoze

Sawltak 13:14

Ahi zongin Perga khua panin amaute paisuak uh a, Pisidia gam Antiok khua a tung uh hi. Sabbath ni-in kikhopna inn ah pai-in a tu uh hi.

Kolose 1:23

Ahi zongin note in lungdamna thu na zak cil lai-un na neih uh lametna panin liing het loin, bulkip nei-in citakin na om paisuak ding uh ahi hi. Tua lungdamna thu mah keimah Paul in hilhin ka sepbel hi a, leitung mun khempeuh ah a kihilh lungdamna thu mah ahi hi.

Galati 3:28

Tua ahih manin Jew mi le Gentail mi, sila le sila ahi lo, numei le pasal cih bangin kideidanna om nawn lo a, note khempeuh Khris tawh na kipawlna hangun pawl khat hi-in, a kibang kim na hi uh hi.

Sawltak 21:5

Amaute kiang panin ka ciahkhiat ding uh hun hong tun ciangin ka ding khia uh a, a zite a tate uh tawh a vekpi-un khua nawl ciang hong zui uh hi. Tuipi gei ka tun uh ciangin khukdinin thu ka ngen uh hi.

Sawltak 20:7

Sani nitakin an nekhawm dingin ka kikhawm uh a, a zing ciangin a ding khia ding ahih manin Paul in a thuhilh zankim ciang dong a zomsuak hi.

Sawltak 18:4

Sabbath nisimin kikhopna inn ah limtakin thu gen a, Jew mi le Grik mite in thu a up nadingun a hanciam hi.

Sawltak 17:2

A pai ngei zel mah bangin Paul zong kikhopna inn ah pai a, Sabbath ni thum sung Lai Siangtho siksanin mite tawh thu kikum a,

Sawltak 16:6

Asia gam sungah thu a hilh ding uh Kha Siangtho in phal lo ahih manin Frigia le Galatia gam sung tengah a zin uh hi.

Sawltak 13:42

Kikhopna inn panin Paul le Barnabas a ciah ding uh ciangin, Sabbath ni kik ciangin hih thute mah hong gen lai un, ci-in mite in a vaikhak uh hi.

Johan 8:2

Ahi zongin a zing ciang zingsang tungin biakinn ah paikik a, mihon tampi ama kiangah hong kikhawm uh ahih manin amaute tungah thuhilh ding a kipan hi.

Luka 13:10

Sabbath ni khatin Jesu in kikhopna inn khat sungah thu hilhin a om hi.

Marka 16:15

Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.

Mattiu 13:2

Ama kiimah a hong kikhawm mi tam lua ahih manin amah gunkuang tungah pai-in tu a, mihonte ahihleh tuili gei ah a omsak hi.

Sawltak 9:20

Kikhopna innte ah va pai-in, “Jesu pen Pasianʼ Tapa ahi hi,” ci-in thu hilh ding a kipan hi.

Sawltak 16:16

Ni khat, thungetna mun a zuan dingin ka pai laitakun mailam thu a gen thei dawivei nasem numei khat in kote hong dawntuah hi. Tua numei in mailam thu a genna tawh a tote adingin sum tampi a ngahsak hi.