Sawltak 15:6 - Tedim Bible Revision 2017

⁶ Tua ahih manin hih thu a kikum dingin sawltakte le upate a kikhawm uh hi.

Tedim Bible

⁶ Sawltakte leh upate in tua thu vaihawm dingun a kikhawm uh hi.

Sawltak 15:6 Referans Kwoze

Paunak 15:22

Lim ngaihsut loin sepna tawh bangmah piang zo lo a, limtakin geelna tawh maa kitun zo bek hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amauteʼ thu mang le-uhcin a nasepna uh ah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note adingin zong phattuamna a om tuan hi lo hi.

Hebru 13:7

Note tungah Pasianʼ thu a hong gen, nidang a na makai masate uh phawk un. Amauteʼ nuntakna le a sihna ziate uh ngaihsun unla, amauteʼ upna bang na neih nadingun hanciam un.

Sawltak 15:25

Tua ahih manin kote kikhawmin thu ka kikum uh a, mi pawl khat teelin no kiangah kong paisak ding uh ka kithukim uh hi. Tua ka teel uh mite pen i Topa Jesu Khris nasepna ah a nuntakna uh a pia ngam i sanggam it Paul le Barnabas tawh kong paisak uh hi.

Sawltak 21:18

A zing ciangin James kiangah Paul tawh ka hawh uh a, tua lai ah pawlpi upa khempeuh a na om uh hi.

Sawltak 15:4

Jerusalem khua a tun uh ciangin sawltakte, upate le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Sawltak 6:2

Tua ahih manin sawltak sawm le nihte in thu um mi khempeuh samin kaikhawm uh a, “Kote in Pasianʼ thu hilh ding don man lo liangin an nek tui dawn sumlepai vai ah kong manlah ding uh kilawm lo hi.

Mattiu 18:20

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Sawltak 15:2

Hih thu huhau-in Paul le Barnabas le hih mite kikalah nakpi takin thu kinialna omin thu kiseel uh ahih manin, Paul le Barnabas le Antiok khua-a a om mi pawl khatte Jerusalem khua ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 15:22

Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

Sawltak 16:4

Thuhilhin a paina uh khua khempeuh a thu um mite kiangah Jerusalem khua-a om sawltakte le upate in zuih dingin a khensat uh ngeinate gen kawikawi uh a, tua ngeinate a zuih nadingun a hanthawn uh hi.