Sawltak 15:4 - Tedim Bible Revision 2017

⁴ Jerusalem khua a tun uh ciangin sawltakte, upate le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Tedim Bible

⁴ Amaute Jerusalem khua a tun’ uh ciangin pawlpi leh sawltakte leh upate in a tungsak uh a, amau tungah Pasian hihna thu khempeuh a zasak uh hi.

Sawltak 15:4 Referans Kwoze

Sawltak 15:12

Tua ciangin Barnabas le Paul in Gentail mite lakah amau tungtawnin Pasian in lim le nalamdang a bawlnate khempeuh a gen laitakun mi khempeuh pau loin a om uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

Sawltak 15:3

Amaute a pai uh ciangin pawlpi mite in khua nawl ciang va kha uh a, Gentail mite zong Pasian lamah a kiheina thu, a nawkna uh Foenisia gamah gen kawikawi uh ahih manin thu um mite khempeuh a nuam mahmah uh hi.

ROM (Romans) 15:18

Kha Siangthoʼ vangliatna tawh lim le nalamdangte zangin, Gentail mite in Pasian thu a zuih theih nadingun Khris in ka thatang le ka kam ka muk a zatna thute bekah hang takin genin ka telkheh ding hi. Tua ahih manin Jerusalem khua panin Illyrikam gam ciang dong ka zinna khempeuh ah Jesu Khris hangin Lungdamna Thu ka hilh khinzo hi.

Sawltak 21:17

Jerusalem khua ka tun uh ciangin thu um mite in lungdam mahmah in a hong hopih uh hi.

2 JOHAN NIHNA 1:10

Tua ahih manin Khrisʼ hilh ahi hih thute a hilh lo midang khatpeuh note kiangah a hong pai leh na inn uh ah zong na tungsak kei unla, zong na hopih kei un.

Kolose 4:10

Kei tawh thong a kia khawm Aristarkhas in note hong hopih hi. Barnabasʼ sanggamnuʼ tapa Marka in zong hong hopih hi (amah hong pai ciangin hoihtakin na pawlbawl un, ci-a hong kigen pa ahi hi).

2 KORIN NIHNA 6:1

Tua bangin Pasian tawh na sem khawmin om ka hih manun Pasianʼ hong hehpihna thu a mawkna na suahsak khak loh nadingun ka hong thum uh hi.

2 KORIN NIHNA 5:19

Tua ahih manin koteʼ thugen bulpi in: Pasian in miteʼ mawhnate ngaihsun nawn loin, Khris hangin leitung mi khempeuh le amah a kilemin hong bawl a, tua kilemna thu a gen dingin kote hong seh hi.

1 KORIN MASA 15:10

Tua bang hitaseleh Pasianʼ hehpihna tawh tu-a ciangah ka om a, kei tungah a hong piak ama hehpihna a mawkna suak lo hi. Sawltak dangte khempeuh sangin na nakpi takin ka sem zawsop hi. Tua ka sep zawhna pen keima hatna hang hi loin Pasianʼ hong hehpihna hang ahi hi.

ROM (Romans) 15:7

Tua ahih ciangin Khris in note hong san mah bangin midangte in Pasian a phat theih nadingun note khatlekhat na kisang un.

Sawltak 21:19

Paul in amaute hopih a, Pasian in amah Paul tungtawnin Gentail mite lakah na a sepna khempeuh a banbanin a cing takin a gen hi.

Sawltak 18:27

Akhaia gamah Apollos pai ding a sawm ciangin, Akhaia gam a om thu um mite in limtakin a na pawlbawl nading uh deihna tawh Efesa khua-a om thu um mite in lai a khak uh hi. Amah a tun ciangin Pasian hehpihna hangin Jesu thu a um tua lai-a om mite adingin nuamtuam mahmah hi.

Mattiu 10:40

“Na thugen uh a hong sangte in keiʼ thu a hong sang hi a, kei a hong sangte in kei a hong sawl pa zong a sang ahi uh hi.

Sawltak 11:30

Amaute in huh nading sum a kaihkhop khit uh ciangin pawlpi upate tungah a na piak dingun Barnabas le Saul a puasak uh hi.

Sawltak 15:2

Hih thu huhau-in Paul le Barnabas le hih mite kikalah nakpi takin thu kinialna omin thu kiseel uh ahih manin, Paul le Barnabas le Antiok khua-a a om mi pawl khatte Jerusalem khua ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.

Sawltak 15:6

Tua ahih manin hih thu a kikum dingin sawltakte le upate a kikhawm uh hi.

Sawltak 15:22

Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

Sawltak 16:4

Thuhilhin a paina uh khua khempeuh a thu um mite kiangah Jerusalem khua-a om sawltakte le upate in zuih dingin a khensat uh ngeinate gen kawikawi uh a, tua ngeinate a zuih nadingun a hanthawn uh hi.