Sawltak 15:23 - Tedim Bible Revision 2017

²³ a nuai-a kigelh bangin lai a puasak uh hi. Tua a lai puaksak uh sungah, “Sawltakte le upate ahi ko na sanggamte un, Antiok khua, Syria gam le Silisia gam a om thu upna sungah sanggam ahi Gentail mite tungah hopihna kam kong khak uh hi.

Tedim Bible

²³ Amaute in lai khat gelh uh a, tuate’ khut tawh hih bangin a khak uh hi: “Sawltakte leh upate ahi uh ute naute in Antiok khua akipan Siria gam leh Kilikia gamah a om Gentail ute naute kiangah itna lai tawh kong zasak uh hi.

Sawltak 15:23 Referans Kwoze

Sawltak 23:26

“A Lian Menzipa aw, Keimah Klaudias Lysias in hopihna lai ka hong gelh hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.

Galati 1:21

Tua lai panin Syria le Silisia gamah ka pai hi.

Sawltak 15:22

Tua ciangin sawltakte, upate le pawlpi buppi in amau sung panin mi pawl khat teelin Paul le Barnabas tawh Antiok khua ah a paikhawmsak ding uh a vaihawm uh hi. Amaute tawh a pai khawm dingin thu um mite in a zahtak bawl mahmah mi nih, Barsabbas Judas le Silas teel khia uh a,

3 JOHAN THUMNA 1:14

Nang tawh kimu baih thei dingin kilamen ka hih manin, tua hun ciangin maitang kimu-in i kiho ding hi.

2 JOHAN NIHNA 1:13

Teeltuam ahi hih lai-a om pawlpi mite in hopihna kam hong khak uh hi.

2 JOHAN NIHNA 1:10

Tua ahih manin Khrisʼ hilh ahi hih thute a hilh lo midang khatpeuh note kiangah a hong pai leh na inn uh ah zong na tungsak kei unla, zong na hopih kei un.

2 JOHAN NIHNA 1:3

Pa Pasian le a Tapa Jesu Khris in dikna, hehpihna le nopsakna, eite tungah hong pia henla, thuman le itna tawh tua thuphate khempeuh eite aʼ hong hi tahen.

Sawltak 15:41

Syria gam le Silisia gam nawkin pai-in pawlpite hanthawnin a thahatsak hi.

Sawltak 15:4

Jerusalem khua a tun uh ciangin sawltakte, upate le pawlpite in limtakin zin na do uh a, Pasian in na a seppihna thu, amaute kiangah a gen uh hi.

Sawltak 15:1

Judea gam panin Antiok khua ah mi pawl khat hong pai uh a, innkuan khat bangin a om thu um mite kiangah, “Moses Thukham sungah a kigen bangin na vun uh na at kei uh leh hotkhiatna na ngah kei ding uh hi,” ci-in thu hilh ding hong kipan uh hi.

Sawltak 14:27

Antiok khua a tun uh ciangin amaute in pawlpi mite khawm uh a, a khualzinna uh ah Pasian in na a seppihna khempeuh le Gentail mite in zong thu a up theih nadingun Pasian in lam a honsaknate khempeuh a gen uh hi.

Sawltak 21:25

Thu um Gentail mite tawh kisai-in ahihleh, amaute in milim biakna an khat peuhpeuh, sasi le a si kiluang khiasak loin gawlmek a kigo sate a nek loh nading uh le numei tawh khialhna panin a kikep nading uh hoih hi, ci-in thu khensatin lai ka khak khinzo uh hi,” a ci uh hi.

Sawltak 21:3

Saipras tuikulh a kigal muhna mun ka tun uh ciangin tua tuikulh leitaw lam pang kantanin Syria gam lam manawhin ka paisuak uh a, Taia khua ka tun uh ciangin teembaw in a van puakte suah ahih manin teembaw tung pan ka tuak khia uh hi.

Sawltak 18:18

Korin khua ah ni tampi sung thu um mite tawh Paul om khawm lai a, tua khit ciangin amaute mangpha khakin Syria gam a zuan dingin Prisilla le Aquila tawh teembaw a tuang uh hi. Paul in Pasian tungah thuciamnasa nei ahih manin teembaw a tuan ma-un Korin khuapi teembaw khawlna Kenkhrea munah a sam a metsak hi.

Sawltak 11:18

Amaute in hih thu a zak uh ciangin mawhsakna thu gen nawn lo uh a, “Gentail mite zong kisikin a nuntak theih nadingun Pasian in hunhoih pia hi,” ci-in Pasian a phat uh hi.

Mattiu 4:24

Syria gam sung khempeuh ah ama thu kizel ahih manin dawivei mi, sibup mi, khut zaw khe zaw mi a kipanin natna satna a tuamtuam a nei mi khempeuh ama kiangah hong kipuak a, amah in a vekpi-in a damsak hi.

Sawltak 6:9

Ahi zongin mi pawl khat in Stefen langpan uh hi. Tua mite pen mite in, “Sal Suakta Mite,” a cihte pawl uh hi a, Sairin khua le Alexandria khua panin a hong pai Jew mite ahi uh hi. Hih Jew mite, Silisia le Asia gam pan a hong pai Jew mite tawh kipawlin Stefen tawh thu kiseel dingin hong kipan uh hi.

Sawltak 11:20

Ahi zongin Saipras gam mi le Sairin khuami thu um mi pawl khatte Antiok khua ah pai uh a, Topa Jesu hanga Lungdamna Thu, Gentail mite kiangah zong a gen uh hi.

Sawltak 15:2

Hih thu huhau-in Paul le Barnabas le hih mite kikalah nakpi takin thu kinialna omin thu kiseel uh ahih manin, Paul le Barnabas le Antiok khua-a a om mi pawl khatte Jerusalem khua ah va pai-in, hih thu tawh kisai-in tua lai-a om sawltakte le upate tawh a kimuh nadingun a vaihawm uh hi.