Sawltak 15:10 - Tedim Bible Revision 2017

¹⁰ Tua ahih ciangin i pute i pate a kipan ei mahmah in i puak zawh loh van gik pen Pasianʼ heh theihtheih nadingin bang hangin thu um mite tungah suan ding ihi hiam?

Tedim Bible

¹⁰ Tua bang ahih leh, eite ahi zongin, i pu i pate ahi zongin, a puak zawh loh hakkol nungzuite’ ngawng tungah suan dingin bang hangin Pasian na ze-et uh hiam?

Sawltak 15:10 Referans Kwoze

Galati 5:1

Khris in eite hong khahkhiat khitna hangin mi suaktate hi khinta ihih manin tua suahtakna thu ah kipin om unla, sila va suakkik nawn kei un.

Mattiu 23:4

Amaute in midangte tungah van gik mahmah suanin khihcip uh a, ahi zongin tua van a puak pih dingin a khut meno khat nangawn uh a taangsak nuam kei uh hi.

Galati 4:9

Ahi zongin note in tu-in Pasian meltheih khinin, tua ahih kei leh Pasian in note hong meltheih khinta ahih manin, a bang hangin bangmah a hih zo lo, a gina lo tua bangte lamah kiheikik nuam a, sila va suakkik nuam na hi uh hiam?

Hebru 9:9

Hih bang om zia pen tu hun lai thu a lahna ahi hi. Bang hang hiam cih leh Pasian tungah a kipia letsongte le ganhing tawh biaknate in a bia miteʼ lungsim siangsak zo lo hi.

Isaiah 7:12

Ahih hangin Ahaz in, “Ka ngen kei ding hi; Topa ka ze-et kei ding hi,” ci hi.

Hebru 3:9

Na pu na pate un kum sawm li sung ka nasepnate mu napi-in kei hong ze-et veve uh hi.

Mattiu 4:7

Jesu in, “Lai Siangtho mahah, ‘Na Topa Pasian na ze-et kei in,’ ci-in gen hi lo ahi hiam?” ci-in a dawng hi.

Paikhiatna 17:2

Tua ahih ciangin mite in Mosesʼ tungah mawhna zong uh a, “Tui dawn ding hong pia in,” ci uh hi. Moses in amaute kiangah, “Bang hangin keiʼ tungah mawhna hong zong na hi uh hiam? Bang hangin Topa ze-et na hi uh hiam?” a ci hi.

Sawltak 5:9

Tua ciangin Peter in tua nu kiangah, “Bang dingin na nupa-un Topaʼ Kha Siangtho ze-et ding thukim khawm na hi uh hiam? En in, na pasal a vuite kongkhak gei mahmah ah om uh a, nang zong hong pua khia ding uh hi,” a ci hi.