Sawltak 14:8 - Tedim Bible Revision 2017

⁸ A suah tung a kipanin lam a pai thei lo khe zaw mi khat Lystra khua ah a om hi.

Tedim Bible

⁸ Listra khua-ah a nu gil sung pan a khe zaw a, khatvei beek lam pai ngei lo thahat lo mi khat in tu-in a om hi.

Sawltak 14:8 Referans Kwoze

Sawltak 3:2

Kongpi Hoih a kici gei ah a suah tung a kipan a khebai mi khat na om hi. Biakinn ah a pai mite tung panin sum a ngen dingin nisimin hih kongpi gei ah amah hong kikoih zel hi.

Sawltak 4:9

hih khebai mipa tungah thuhoih a kibawlna le ama damna thu tawh kisai-in kote thu hong sit na hih uh leh,

Johan 5:7

cina pa in, “Sia aw, bualtui a kilawh ciangin kei hong pua ding kuamah om lo ahih manin, kei ka tun ma-in midang khat a bual sung na tung khin pahpah hi,” ci-in a dawng hi.

Sawltak 14:6

Sawltakte in tua thu a theih uh ciangin Likaonia gam sunga om Lystra khua, Derbe khua le tua gam kiim a om khuate ah tai uh a,

Sawltak 14:21

Paul le Barnabas in Derbe khua ah Lungdamna Thu hilh uh a, mi tampi in Pasian a um uh hi. Tua lai panin kilehkikin Lystra khua, Ikonium khua le Pisidia gam a om Antiok khua ah a pai uh hi.

Sawltak 16:1

Paul paisuak lai-in Derbe khua tung a, tua panin Lystra khua a tung hi. Tua Lystra khua ah Timoti a kici thu um mi khat om a, a nu zong thu um Jew mi hi a, a pa pen Grik mi ahi hi.

2 TIMOTI NIHNA 3:11

bawlsiatna ka thuakna, gimna ka thuakna le Antiok, Ikonium le Lystra khuate ah kei tunga thupiang, nasia takin bawlsiatna ka thuaknate na theih na phawk sa ahi hi. Ahi zongin Topa in hih haksatnate khempeuh panin kei hong suaktasak hi.